Éxodo 9:24 - Li Santil hu

²⁴ Nareploc li rakꞌ ca̱k ut yo̱ li sakbach. Ma̱ jun sut queꞌxcꞌul chi joꞌcan saꞌ li tenamit Egipto chalen kꞌe cutan.

Q'eqchi Bible

²⁴ k'ajo' xkawilal li raq'kaaq li nareplotk sa' li saqb'ach; maajun sut wanjenaq kama' a'an Ejiipt chalen chaq sa' xk'ojlajik li tenamit toj anaqwan.

Éxodo 9:24 ပူးပေါင်းရင်းမြစ်များ

San Mateo 24:21

Saꞌ eb li cutan aꞌan ma̱ caꞌchꞌin li raylal ta̱cꞌulma̱nk. Ma̱ jun cua quicꞌulman chi joꞌcan chalen chak saꞌ xticlajic li ruchichꞌochꞌ, chi moco ta̱cꞌulma̱nk junak chic joꞌcan mokon.

Éxodo 10:6

Talajeꞌoc saꞌ la̱ cuochoch ut talajeꞌoc saꞌ rochocheb laj cꞌanjel cha̱cuu. Talajeꞌoc saꞌ rochocheb chixjunileb laj Egipto. Ma̱ jun sut rilomeb la̱ yucuaꞌ chi moco la̱ xeꞌto̱nil yucuaꞌ joꞌ tinba̱nu anakcuan,” chan a̱cue li Ka̱cuaꞌ Dios.— Ut laj Moisés qui-el riqꞌuin laj faraón.

Éxodo 9:23

Tojoꞌnak laj Moisés quixtaksi lix xukꞌ saꞌ choxa ut li Ka̱cuaꞌ Dios quixtakla li ca̱k ut li sakbach. Ni̱nki sakbach quixtakla chak li Ka̱cuaꞌ Dios saꞌ xbe̱n li tenamit.

Éxodo 9:18

Cuulaj ta̱qꞌue retal nak saꞌ li o̱r aꞌin tintakla chak li ni̱nki sakbach hamamnak saꞌ xbe̱n li tenamit Egipto. Ma̱ jun sut e̱rilom chak chalen kꞌe cutan.

Éxodo 9:25

Xban li sakbach quilajeꞌosoꞌ chixjunil li cꞌaꞌak re ru li cuan chirix cab. Li sakbach quilajxtꞌani li cristian joꞌ ajcuiꞌ eb li xul. Quilajxtꞌani li acui̱mk ut quilajxpuqꞌui chixjunil li cheꞌ.

Ezequiel 13:13

Joꞌcaꞌin xye li Ka̱cuaꞌ li nimajcual Dios: —Xban nak cꞌajoꞌ lin joskꞌil saꞌ xbe̱neb, la̱in tintakla li cacuil ikꞌ ut li cacuil hab, joꞌ ajcuiꞌ li sakbach. Ut ta̱sachekꞌ li tzꞌac li xeꞌxyi̱b.

Li xHu LAJ JOB 38:23

Aꞌan xocxo inban re tintakla saꞌ xkꞌehil li raylal ut saꞌ xkꞌehil nak nacuan li ple̱t.

Salmos 18:13

Ut qui-abi̱c xya̱b xcux li nimajcual Dios saꞌ choxa. Chanchan nak namok li ca̱k. Ut quitꞌaneꞌ li sakbach ut li ru xam chi lochlo.

Salmos 105:32

Li Dios quixtakla li sakbach ut li ca̱k saꞌ xbe̱neb li tenamit.

Isaías 30:30

Li Ka̱cuaꞌ li nimajcual Dios tixqꞌue chi abi̱c lix ya̱b lix cux ut tixcꞌutbesi lix joskꞌil chiruheb chixjunileb riqꞌuin xam ut riqꞌuin li cacuil hab ut sakbach ut riqꞌuin ca̱k-sut-ikꞌ.

Ezequiel 1:4

Quicuil nak yo̱ chak chi cha̱lc saꞌ li norte jun cacuil ikꞌ. Li ikꞌ aꞌan yo̱ chak chixcꞌambal jun li chok sutsu riqꞌuin xam ut nalemtzꞌun. Chanchan yo̱ chi repoc joꞌ nak narepoc li ca̱k. Ut saꞌ li chok nacꞌutun jun li xam ut saꞌ li xam cuan jun li nalemtzꞌun joꞌ li kꞌan chꞌi̱chꞌ bronce.