Éxodo 9:23 - Li Santil hu

²³ Tojoꞌnak laj Moisés quixtaksi lix xukꞌ saꞌ choxa ut li Ka̱cuaꞌ Dios quixtakla li ca̱k ut li sakbach. Ni̱nki sakbach quixtakla chak li Ka̱cuaꞌ Dios saꞌ xbe̱n li tenamit.

Q'eqchi Bible

²³ Laj Moisés kixye' li xxuq' sa' xjayal li choxa, ut li Qaawa' kixtaqla chaq kaaq ut saqb'ach; ke't'ane'k raq'kaaq sa' xb'een li ruuchich'och'. Li Qaawa' kixtaqla chaq saqb'ach sa' xb'een li tenamit Ejiipt:

Éxodo 9:23 ပူးပေါင်းရင်းမြစ်များ

Salmos 18:13

Ut qui-abi̱c xya̱b xcux li nimajcual Dios saꞌ choxa. Chanchan nak namok li ca̱k. Ut quitꞌaneꞌ li sakbach ut li ru xam chi lochlo.

Josué 10:11

Nak eb laj amorreo yo̱queb chi e̱lelic chiruheb laj Israel, li Ka̱cuaꞌ nabal li sakbach quixtakla chak saꞌ xbe̱neb nak yo̱queb chi cubec saꞌ li tzu̱l Bet-horón. Chanchan li ni̱nki pec. Ut kꞌaxal cuiꞌchic nabal li queꞌcam xban li sakbach chiru li queꞌcamsi̱c chi chꞌi̱chꞌ xbaneb laj Israel.

Ezequiel 38:22

Tebinqꞌue chi camsi̱c ut tinqꞌue li caki yajel saꞌ xbe̱n laj Gog ut saꞌ xbe̱neb lix qꞌuila soldado ut saꞌ xbe̱neb chixjunileb li yo̱keb chi oque̱nc chirix. Kꞌaxal cau li hab ta̱cha̱lk saꞌ xbe̱neb. Ta̱tꞌanekꞌ li sakbach saꞌ xbe̱neb rochben xam ut azufre.

Isaías 30:30

Li Ka̱cuaꞌ li nimajcual Dios tixqꞌue chi abi̱c lix ya̱b lix cux ut tixcꞌutbesi lix joskꞌil chiruheb chixjunileb riqꞌuin xam ut riqꞌuin li cacuil hab ut sakbach ut riqꞌuin ca̱k-sut-ikꞌ.

Apocalipsis 8:7

Li xbe̱n ángel quixya̱basi lix trompeta. Ut quicuteꞌ saꞌ ruchichꞌochꞌ sakbach ut xam junajinbil riqꞌuin quicꞌ. Caꞌchꞌin chic ma̱ jun jachal (1/3) li ruchichꞌochꞌ quicꞌat. Ut queꞌcꞌat ajcuiꞌ li cheꞌ. Caꞌchꞌin chic ma̱ jun jachal li cheꞌ queꞌcꞌat ut quicꞌat chixjunil li rax pim.

Salmos 148:8

Cheꞌxqꞌuehak ta xlokꞌal li Ka̱cuaꞌ li ca̱k, li sakbach, li ratzꞌam que ut li xchuꞌque, joꞌ ajcuiꞌ li ca̱k-sut-ikꞌ li na-abin chiru.

Salmos 77:18

Lix ya̱b li ca̱k qui-abi̱c saꞌ li ikꞌ. Quisakenoꞌ li ruchichꞌochꞌ xban li rakꞌ li ca̱k ut qui-ecꞌan saꞌ xnaꞌaj xban li hi̱c.

Salmos 29:3

Li xya̱b xcux li Ka̱cuaꞌ na-ecꞌan saꞌ xbe̱n li palau retalil lix nimal xcuanquilal. Chanchan li ca̱k nak na-ecꞌan saꞌ xbe̱n li palau.

Apocalipsis 16:21

Quitꞌaneꞌ ni̱nki sakbach saꞌ ruchichꞌochꞌ. Ju̱nk ciento libra ra̱lal li junju̱nk chi sakbach. Ut queꞌnak saꞌ xbe̱neb li cristian ut queꞌxmajecua li Dios xban li nimla raylal li yo̱queb chixcꞌulbal.

Éxodo 20:18

Eb laj Israel queꞌrabi nak natenloc li ca̱k ut queꞌril nak nareploc. Queꞌrabi xya̱b li trompeta ut queꞌril nak nabukuknac li sib. Chixjunileb nequeꞌsicsot xbaneb xxiu ut queꞌjiloc chirixeb saꞌ junpa̱t.

Éxodo 19:16

Saꞌ rox li cutan toj ekꞌela, natenloc li ca̱k ut nareploc li rakꞌ ca̱k. Quicuan jun chok kꞌaxal moymo ru saꞌ xbe̱n li tzu̱l. Chixjunileb li tenamit queꞌrabi xya̱b li trompeta chi cau ut nequeꞌsicsot xbaneb xxiu.

Apocalipsis 16:18

Ut quirepoc li rakꞌ ca̱k ut qui-abi̱c nabal li xya̱b cux. Quimok li ca̱k. Ut quicuan jun nimla hi̱c. Ma̱ jun cua quinumeꞌ junak hi̱c joꞌ aꞌan chalen saꞌ li cutan nak queꞌyoꞌobtesi̱c li cristian saꞌ ruchichꞌochꞌ.

Génesis 19:24

Li Ka̱cuaꞌ Dios toj saꞌ choxa quixtakla chak li xam ut li azufre saꞌ xbe̱neb li tenamit Sodoma ut Gomorra.

Éxodo 9:18

Cuulaj ta̱qꞌue retal nak saꞌ li o̱r aꞌin tintakla chak li ni̱nki sakbach hamamnak saꞌ xbe̱n li tenamit Egipto. Ma̱ jun sut e̱rilom chak chalen kꞌe cutan.

Éxodo 9:24

Nareploc li rakꞌ ca̱k ut yo̱ li sakbach. Ma̱ jun sut queꞌxcꞌul chi joꞌcan saꞌ li tenamit Egipto chalen kꞌe cutan.

Li xHu LAJ JOB 37:13

Cuan nak li Dios naxtakla chak li hab ut li ikꞌ re xtꞌakresinquil li ruchichꞌochꞌ ut re xba̱nunquil usilal reheb li cuanqueb saꞌ ruchichꞌochꞌ. Ut cuan nak naxtakla chak li hab ut li ikꞌ re xkꞌusbaleb li tenamit.

Salmos 147:17

Naxtakla li sakbach saꞌ ruchichꞌochꞌ ut xban li que li naxtakla naxpeca rib li haꞌ.