Éxodo 9:22 - Li Santil hu

²² Ut li Ka̱cuaꞌ Dios quixye re laj Moisés: —Taksi la̱ cuukꞌ ut riqꞌuin aꞌan ta̱tꞌanekꞌ chak li sakbach saꞌ chixjunil li tenamit Egipto. Telajeꞌtꞌanekꞌ chak saꞌ xbe̱neb li cristian ut saꞌ xbe̱neb li xul joꞌ ajcuiꞌ li acui̱mk yalak bar saꞌ li tenamit Egipto, chan li Dios.

Q'eqchi Bible

²² Toja' naq kixye li Qaawa' re laj Moisés: “Ye' laawuq' sa' xjayal li choxa ut chit'ane'q saqb'ach sa' chixjunil li tenamit Ejiipt, sa' xb'eeneb' li poyanam, li ketomq ut chixjunil li pim li wank sa' xsutam Ejiipt”, chan.

Éxodo 9:22 ပူးပေါင်းရင်းမြစ်များ

Apocalipsis 16:21

Quitꞌaneꞌ ni̱nki sakbach saꞌ ruchichꞌochꞌ. Ju̱nk ciento libra ra̱lal li junju̱nk chi sakbach. Ut queꞌnak saꞌ xbe̱neb li cristian ut queꞌxmajecua li Dios xban li nimla raylal li yo̱queb chixcꞌulbal.

Éxodo 8:16

Tojoꞌnak li Ka̱cuaꞌ Dios quixye re laj Moisés: —Joꞌcaꞌin ta̱ye re laj Aarón: “Ta̱yeꞌ la̱ xukꞌ ut ta̱sacꞌ li poks riqꞌuin la̱ xukꞌ. Riqꞌuin aꞌan teꞌpucꞌa̱nk li suk saꞌ li tenamit Egipto”, chan.

Éxodo 8:5

Ut li Ka̱cuaꞌ Dios quixye ajcuiꞌ re laj Moisés: —Ta̱ye re laj Aarón nak tixyeꞌ lix xukꞌ saꞌ xbe̱n li nimaꞌ, saꞌ xbe̱neb li cocꞌ rok haꞌ joꞌ ajcuiꞌ saꞌ xbe̱neb li palau re nak teꞌe̱lk chak li amoch saꞌ li haꞌ. Ut telajeꞌxic saꞌ li tenamit Egipto, chan.

Éxodo 7:19

Li Dios quixye ajcuiꞌ re laj Moisés: —Ta̱ye re laj Aarón, “Yeꞌ la̱ xukꞌ saꞌ xbe̱neb li haꞌ li cuan Egipto, saꞌ xbe̱neb li nimaꞌ, li cocꞌ rok haꞌ, joꞌ eb ajcuiꞌ li palau re nak ta̱quicꞌokꞌ. Yalak bar naxocman cuiꞌ li haꞌ saꞌ li tenamit Egipto, junes quicꞌ chic ta̱tauma̱nk,” chan.

Éxodo 9:21

Aban li incꞌaꞌ queꞌxpa̱b li ra̱tin li Ka̱cuaꞌ Dios queꞌxcanabeb lix mo̱s saꞌ cꞌaleba̱l rochbeneb lix queto̱mk.

Éxodo 10:21

Ut li Ka̱cuaꞌ Dios quixye re laj Moisés: —Taksi la̱ cuukꞌ re nak ta̱kꞌojyi̱nokꞌ ru li cutan saꞌ li tenamit Egipto. Nak teꞌbe̱k li cristian yal teꞌxchꞌeꞌ aj chic lix beheb, chan li Dios.

Josué 10:11

Nak eb laj amorreo yo̱queb chi e̱lelic chiruheb laj Israel, li Ka̱cuaꞌ nabal li sakbach quixtakla chak saꞌ xbe̱neb nak yo̱queb chi cubec saꞌ li tzu̱l Bet-horón. Chanchan li ni̱nki pec. Ut kꞌaxal cuiꞌchic nabal li queꞌcam xban li sakbach chiru li queꞌcamsi̱c chi chꞌi̱chꞌ xbaneb laj Israel.