Éxodo 9:16 - Li Santil hu

¹⁶ Abanan la̱in incꞌaꞌ xinqꞌue li yajel aꞌan saꞌ e̱be̱n xban nak xcuaj xcꞌutbal lin cuanquil che̱ru. Ut re ajcuiꞌ nak te̱ye cuesilal saꞌ ruchichꞌochꞌ.

Q'eqchi Bible

¹⁶ Ab'an xatinkanab' chi yo'yo re xk'utb'al chawu linwankil, re naq chinimaaq link'ab'a' sa' xb'een chixjunil li ruuchich'och'.

Éxodo 9:16 ပူးပေါင်းရင်းမြစ်များ

Romanos 9:17

Joꞌcaꞌin nak tzꞌi̱banbil saꞌ li Santil Hu li a̱tin li quixye li Dios re laj faraón: Xatinxakab chokꞌ xreyeb laj Egipto re nak ta̱cꞌutu̱nk lin cuanquilal a̱ban. Chi joꞌcan ta̱yema̱nk cuesilal yalak bar saꞌ chixjunil li ruchichꞌochꞌ. (Ex. 9:16)

Proverbios 16:4

Cuan xya̱lal nak quixyi̱b li cꞌaꞌak re ru li Dios. Ut quixyi̱beb ajcuiꞌ li incꞌaꞌ useb xnaꞌleb re nak teꞌroybeni lix tojbal lix ma̱queb.

Salmos 64:9

Ut chixjunileb teꞌxucuak ut teꞌxqꞌue retal lix cuanquilal li Dios ut teꞌxye resil li cꞌaꞌru quixba̱nu.

1 Crónicas 16:24

Bichahomak xlokꞌal li Ka̱cuaꞌ chiruheb li tenamit ut te̱ye resil li sachba chꞌo̱lej li nalajxba̱nu.

Éxodo 14:17

La̱in tincacuubresi xchꞌo̱leb laj Egipto re nak teꞌxic che̱rix. Ut riqꞌuin li tinba̱nu riqꞌuineb laj faraón joꞌ eb ajcuiꞌ chixjunileb lix soldado, joꞌ ajcuiꞌ eb lix carruaje, kꞌaxal cuiꞌchic teꞌxqꞌue inlokꞌal eb laj Israel.

San Judas 1:4

Nintzꞌi̱ba li hu aꞌin xban nak cuanqueb aj balakꞌ queꞌxchꞌic rib saꞌ e̱ya̱nk chi mukmu. Eb aꞌan nequeꞌxye nak laj pa̱banel naru teꞌxba̱nu yalak cꞌaꞌru chi ma̱usilal ut xban li rusilal li kaDios, ma̱cꞌaꞌ teꞌxcꞌul. Nequeꞌxsach xcuanquil li Ka̱cuaꞌ Jesucristo, laj e̱chal ke. Eb aꞌan aj kꞌetoleb ra̱tin li Dios ut chalen chak junxil cutan ac xakabanbil chak li rakba a̱tin saꞌ xbe̱neb.

1 Pedro 2:8

Ut tzꞌi̱banbil ajcuiꞌ saꞌ li Santil Hu chi joꞌcaꞌin: Aꞌan ut li pec li queꞌxtich cuiꞌ li rokeb. Aꞌan li pec li natꞌanoc. (Isa. 8:14-15) Li cristian li nequeꞌxtich rokeb chiru, aꞌaneb laj kꞌetol ra̱tin li Dios. Ac chꞌolchꞌo nak teꞌxcꞌul lix tojbal lix ma̱c xban nak nequeꞌxtzꞌekta̱na li Cristo.

Romanos 9:22

Chanchan aꞌan li naxba̱nu li Dios. Aꞌan yal re cꞌaꞌru tixba̱nu. Xcꞌulubeb raj li cuanqueb saꞌ ruchichꞌochꞌ li rakba a̱tin ut li ca̱mc. Li Dios quixcꞌut raj lix joskꞌil ut lix cuanquilal. Abanan kꞌaxal nim xcuyum saꞌ xbe̱neb.

Malaquías 1:11

Yalak bar saꞌ ruchichꞌochꞌ ta̱qꞌuehekꞌ inlokꞌal xbaneb li cuanqueb saꞌ li xni̱nkal ru tenamit. Ut yalak bar saꞌ eb li naꞌajej teꞌxqꞌue xlokꞌal incꞌabaꞌ riqꞌuin xcꞌatbal li sununquil ban chicuu ut riqꞌuin li cha̱bil mayej li teꞌxmayeja. Nimanbilak lin cꞌabaꞌ saꞌ eb li jalan tenamit.

Éxodo 18:11

Anakcuan ninnau nak mas nim xcuanquil li Ka̱cuaꞌ Dios chiruheb chixjunileb li jalanil dios. Aꞌan quixcoleb laj Israel saꞌ rukꞌeb laj Egipto li queꞌxnimobresi xcuanquil xjuneseb saꞌ xbe̱neb laj Israel, chan.

Éxodo 14:4

Ut la̱in tincacuubresi xchꞌo̱l laj faraón ut laj faraón texta̱ke la̱ex aj Israel re nak texsukꞌisi chak. Ut kꞌaxal cuiꞌchic ta̱nimobresi̱k lin cꞌabaꞌ xban laj faraón ut eb lix soldado. Ut eb laj Egipto teꞌxnau nak la̱in li Ka̱cuaꞌ Dios, chan li Dios re laj Moisés. Ut eb laj Israel queꞌxba̱nu joꞌ quixye li Ka̱cuaꞌ Dios.

1 Pedro 2:19

Cui nequecꞌul junak raylal chi ma̱cꞌaꞌ e̱ma̱c, osobtesinbilakex cui nequecuy xban nak yo̱quex chixpa̱banquil li Dios.

Malaquías 1:14

Tzꞌekta̱nanbilak li ani nabalakꞌin riqꞌuin xyechiꞌinquil jun li cha̱bil xul te̱lom chokꞌ xmayej ut incꞌaꞌ ajcuiꞌ naxqꞌue. Naxmayeja ban li xul li yaj li incꞌaꞌ us. La̱in li tzꞌakal Rey, chan li nimajcual Dios, ut xucuanbilak cuu saꞌ xya̱nkeb li xni̱nkal ru tenamit.

1 Samuel 4:8

¿Ani ta̱ru̱k ta̱colok ke chiruheb lix dioseb li ni̱nkeb xcuanquil? Eb li dios aꞌan, aꞌan eb li queꞌtaklan re nabal li raylal saꞌ xbe̱neb laj Egipto saꞌ li chaki chꞌochꞌ ut queꞌxsach ruheb.

Éxodo 9:15

Cui ta la̱in xcuaj, xinqꞌue raj jun nimla yajel saꞌ e̱be̱n ut xex-osoꞌ raj. Ut xexcuisi raj chi junaj cua saꞌ ruchichꞌochꞌ.

Éxodo 9:17

Abanan la̱at riqꞌuin chixjunil aꞌin, toj yo̱cat chixnimobresinquil a̱cuib saꞌ xbe̱neb lin tenamit ut incꞌaꞌ nacacanabeb chi xic.

Nehemías 9:10

Caba̱nu lix ni̱nkal ru milagro sachba chꞌo̱lej rilbal re risinquil xcuanquil laj faraón, joꞌqueb ajcuiꞌ li nequeꞌcꞌanjelac chiru, joꞌqueb ajcuiꞌ chixjunileb laj Egipto xban nak la̱at caqꞌue retal chanru nak queꞌrahobtesi̱c li kaxeꞌto̱nil yucuaꞌ xbaneb. Joꞌcan nak chalen anakcuan naꞌno saꞌ chixjunil li tenamit nak la̱at nacaba̱nu li xni̱nkal ru milagro.

Salmos 76:10

Relic chi ya̱l lix joskꞌil li cui̱nk ta̱sukꞌi̱k chokꞌ re xqꞌuebal a̱lokꞌal. Li joꞌ qꞌuialeb chic li incꞌaꞌ teꞌca̱mk saꞌ li ple̱t teꞌxqꞌue retal nak nim a̱cuanquil ut teꞌxqꞌue a̱lokꞌal.

Salmos 106:8

Abanan li Ka̱cuaꞌ quicoloc reheb joꞌ quixye reheb. Quixcꞌut chiruheb lix cuanquil re nak ta̱qꞌuehekꞌ xlokꞌal.

Jeremías 32:20

Caba̱nu li sachba chꞌo̱lej ut li milagros aran Egipto. Ut chalen toj anakcuan yo̱cat chixba̱nunquil li sachba chꞌo̱lej arin Israel ut saꞌ chixjunil li ruchichꞌochꞌ. Joꞌcan nak naqꞌueheꞌ a̱lokꞌal toj chalen anakcuan.

Ezequiel 39:21

La̱in tincꞌutbesi lin lokꞌal chiruheb chixjunileb li xni̱nkal ru tenamit. Ut chixjunileb teꞌril lin cuanquil nak la̱in tinrakok a̱tin saꞌ xbe̱neb saꞌ ti̱quilal ut tinqꞌueheb chixtojbal lix ma̱queb.

Números 14:21

Relic chi ya̱l tinye a̱cue nak la̱in yoꞌyo̱quin ut saꞌ xcꞌabaꞌ lin lokꞌal li naqꞌueheꞌ saꞌ ruchichꞌochꞌ,

Josué 4:24

Quixba̱nu chi joꞌcan re nak chixjunileb li cuanqueb saꞌ ruchichꞌochꞌ teꞌxqꞌue retal nak kꞌaxal nim xcuanquil li Ka̱cuaꞌ ut re ajcuiꞌ nak la̱ex junelic te̱xucua ru li Ka̱cuaꞌ le̱ Dios, chan laj Josué.

2 Samuel 7:23

Ma̱ jun chic tenamit cuan saꞌ ruchichꞌochꞌ joꞌ la̱ tenamit Israel. Caꞌaj cuiꞌ aꞌan. At Ka̱cuaꞌ, la̱at xatcoloc reheb re nak teꞌoc chokꞌ a̱tenamit. Xaba̱nu li milagros, li sachba chꞌo̱lej ut li xni̱nkal ru naꞌleb re xcolbaleb, re nak naꞌno̱k ruheb la̱ tenamit. La̱at cat-isin chak reheb saꞌ xya̱nkeb li jalanil tenamit ut lix dioseb nak cacuisiheb chak Egipto. Caba̱nu chixjunil aꞌan xban xra̱baleb.

2 Reyes 19:35

Saꞌ ajcuiꞌ li kꞌojyi̱n aꞌan jun x-ángel li Dios quicuulac saꞌ xmuheba̱leb laj Asiria ut quixcamsi jun ciento riqꞌuin o̱b roxcꞌa̱l mil (185,000) chi soldado aj Asiria. Joꞌ cuulajak chic nak quisake̱u ac camenakeb chic chixjunil.