Éxodo 9:14 - Li Santil hu

¹⁴ Ut anakcuan tintakla cuiꞌchic jun raylal saꞌ a̱be̱n joꞌ ajcuiꞌ saꞌ xbe̱neb la̱ mo̱s ut saꞌ xbe̱neb ajcuiꞌ chixjunil li tenamit re nak chi joꞌcan ta̱nau nak ma̱ ani chic junak Dios saꞌ ruchichꞌochꞌ joꞌ la̱in.

Q'eqchi Bible

¹⁴ Xb'aan naq anaqwan tintaqla chaq chixjunileb' li rahilal chi junk'eeb'al sa' aab'een, sa' xb'eeneb' laj k'anjel chawu ut laatenamit, re naq taanaw naq maajun wank sa' ruuchich'och' kama' laa'in.

Éxodo 9:14 ပူးပေါင်းရင်းမြစ်များ

Éxodo 8:10

Laj faraón quixye: —Cuulaj ajcuiꞌ ta̱ba̱nu.— Ut laj Moisés quixye re: —Cuulaj ajcuiꞌ ta̱uxma̱nk li cꞌaꞌru yo̱cat chixtzꞌa̱manquil re nak ta̱cuil nak ma̱cꞌaꞌ chic junak Dios joꞌ li Ka̱cuaꞌ Dios, li nakalokꞌoni la̱o.

Apocalipsis 22:18

Aꞌan aꞌin li tinye re li ani ta̱abi̱nk reheb li a̱tin li tzꞌi̱banbil saꞌ li hu aꞌin chirix li ta̱cꞌulma̱nk mokon: Cui ani tixqꞌue xtzꞌakob li a̱tin aꞌin, li Dios tixqꞌue li raylal saꞌ xbe̱n joꞌ tzꞌi̱banbil retalil saꞌ li hu aꞌin.

Apocalipsis 18:8

Joꞌcan nak chiru jun cutan talajeꞌcha̱lk li raylal saꞌ xbe̱n li tenamit aꞌan. Ta̱cha̱lk ca̱mc, ut ya̱bac ut cueꞌej saꞌ xbe̱neb. Li tenamit ta̱sachekꞌ ru riqꞌuin xam xban nak kꞌaxal nim xcuanquil li Ka̱cuaꞌ li ta̱rakok a̱tin saꞌ xbe̱neb, chan.

Miqueas 6:13

Joꞌcan nak la̱in xinqꞌue li raylal saꞌ e̱be̱n. Xban li ma̱usilal nequeba̱nu, la̱in tinsach ru li cꞌaꞌru cuan e̱re.

Jeremías 19:8

La̱in tinsach ru li naꞌajej aꞌin. Xiu xiu rilbal tincanab. Li ani teꞌnumekꞌ aran teꞌxsach xchꞌo̱l ut teꞌxhob xban nak poꞌinbil ta̱cana̱k.

Jeremías 10:6

At Ka̱cuaꞌ, kꞌaxal nim la̱ cuanquil. Ma̱ ani juntakꞌe̱t a̱cuiqꞌuin. Nim xcuanquil la̱ cꞌabaꞌ ut kꞌaxal lokꞌ.

Isaías 46:9

Chijulticokꞌ e̱re li cꞌaꞌru quicꞌulman najter kꞌe cutan. La̱in li Dios. Ma̱ jun chic dios cuan. Caꞌaj cuiꞌ la̱in ut ma̱ ani juntakꞌe̱t cuiqꞌuin.

Salmos 86:8

At Ka̱cuaꞌ, ma̱cꞌaꞌ chic junak Dios joꞌ la̱at. Ma̱cꞌaꞌ chic junak Dios naru tixba̱nu li cꞌaꞌru nacaba̱nu la̱at.

1 Crónicas 17:20

At nimajcual Dios, ma̱cꞌaꞌ chic junak Dios juntakꞌe̱t a̱cuiqꞌuin. Ma̱ jun chic Dios cuan. Caꞌaj cuiꞌ la̱at. Li cꞌaꞌru quilaja̱ba̱nu ac kabiom resil.

1 Reyes 8:38

chacuabi taxak lix tijeb laj Israel nak teꞌcha̱lk chixya̱banquil la̱ cꞌabaꞌ ut chi tijoc cha̱cuu saꞌ li naꞌajej aꞌin. Chacuabi lix tijeb yalak ani li ta̱cha̱lk chi tijoc saꞌ li naꞌajej aꞌin. Ma̱re la̱ tenamit Israel teꞌcha̱lk chi tijoc cha̱cuu nak teꞌrecꞌa xrahil li raylal li yo̱keb chixcꞌulbal. Ut ma̱re teꞌxtaksi li rukꞌeb chi tijoc saꞌ li templo aꞌin.

2 Samuel 7:22

At nimajcual Dios, kꞌaxal nim la̱ cuanquilal. Ma̱ jun chic nim xcuanquil joꞌ la̱at. Ma̱ jun chic Dios cuan. Caꞌaj cuiꞌ la̱at, joꞌ ac kabiom resil.

1 Samuel 4:8

¿Ani ta̱ru̱k ta̱colok ke chiruheb lix dioseb li ni̱nkeb xcuanquil? Eb li dios aꞌan, aꞌan eb li queꞌtaklan re nabal li raylal saꞌ xbe̱neb laj Egipto saꞌ li chaki chꞌochꞌ ut queꞌxsach ruheb.

Levítico 26:28

ta̱numta̱k lin joskꞌil saꞌ e̱be̱n. Cuukub sut chic li raylal li tinqꞌue saꞌ e̱be̱n.

Levítico 26:21

Ut cui toj yo̱kex ajcuiꞌ xkꞌetkꞌetinquil e̱rib chicuu ut incꞌaꞌ te̱ba̱nu li cꞌaꞌru ninye, la̱in texinqꞌue cuiꞌchic cuukub sut chixtojbal e̱ma̱c.

Levítico 26:18

Abanan cui toj incꞌaꞌ ajcuiꞌ tex-abi̱nk chicuu nak acak xecꞌul chixjunil li raylal aꞌin, la̱in tinqꞌue xtzꞌakob lix tojbal rix le̱ ma̱c. Cuukub sut chic te̱toj rix le̱ ma̱c.

Éxodo 9:15

Cui ta la̱in xcuaj, xinqꞌue raj jun nimla yajel saꞌ e̱be̱n ut xex-osoꞌ raj. Ut xexcuisi raj chi junaj cua saꞌ ruchichꞌochꞌ.

Éxodo 15:11

Ma̱cꞌaꞌ chic junak dios joꞌ la̱at, at Ka̱cuaꞌ. Ma̱ ani chic junak cuan xti̱quilal joꞌ la̱ ti̱quilal la̱at. Ma̱ ani chic junak nim xcuanquil joꞌ la̱ nimajcual cuanquilal la̱at. Ma̱ ani chic junak naru ta̱ba̱nu̱nk re li sachba chꞌo̱lej xaba̱nu la̱at.

Deuteronomio 3:24

At nimajcual Dios, la̱in aj cꞌanjel cha̱cuu. Xatiquib xcꞌutbal la̱ cuanquilal chicuu. Ninnau nak kꞌaxal nim la̱ cuanquil xban nak ma̱cꞌaꞌ chic junak dios tixba̱nu joꞌ nacaba̱nu la̱at. Ma̱ jun cuan, chi moco saꞌ choxa, chi moco saꞌ ruchichꞌochꞌ.

Deuteronomio 4:35

Li Ka̱cuaꞌ quixba̱nu chixjunil aꞌin re xcꞌutbal che̱ru nak aꞌan li tzꞌakal Dios. Ut ma̱cꞌaꞌ chic junak Dios. Caꞌaj cuiꞌ aꞌan.

Isaías 45:5

La̱in li Ka̱cuaꞌ. Ma̱ jun chic dios cuan. Caꞌaj cuiꞌ la̱in. La̱in tatincauresi re tatxic chixba̱nunquil li cꞌanjel xinteneb saꞌ a̱be̱n usta incꞌaꞌ nacanau cuu.

Jeremías 10:7

¿Ma cuan ta biꞌ junak incꞌaꞌ ta̱xucua̱nk a̱cuu? La̱at lix reyeb chixjunileb li tenamit. A̱cꞌulub nak ta̱xucua̱k a̱cuu. Ma̱ jun ta̱ru̱k xjuntakꞌe̱tanquil a̱cuiqꞌuin chi moco saꞌ xya̱nkeb li cuanqueb xnaꞌleb saꞌ ruchichꞌochꞌ, chi moco saꞌ xya̱nkeb li cuanqueb xcuanquil.

Daniel 5:21

Qui-isi̱c saꞌ xya̱nkeb li tenamit ut lix naꞌleb chanchan chic xnaꞌleb li xul. Quicuan saꞌ pim saꞌ xya̱nkeb li bu̱r re li qꞌuicheꞌ, ut quixcuaꞌ li pim joꞌqueb li bo̱yx. Quitꞌakresi̱c xban li xchuꞌque toj quixqꞌue retal nak li nimajcual Dios aꞌan li kꞌaxal nim xcuanquil saꞌ xbe̱neb chixjunileb li cuanqueb xcuanquil xban nak aꞌan naxqꞌue xcuanquil li ani naraj.

Éxodo 8:6

Tojoꞌnak laj Aarón quixyeꞌ lix xukꞌ saꞌ xbe̱neb chixjunileb li haꞌ. Ut queꞌel chak li amoch ut quilajeꞌtam saꞌ li tenamit Egipto.