Éxodo 8:28 - Li Santil hu

²⁸ Laj faraón quixye re: —La̱in texincanab chi xic. Mayejankex chak chiru le̱ Dios saꞌ li chaki chꞌochꞌ. Aban incꞌaꞌ mas najt texxic. Textijok ajcuiꞌ chicuix, chan laj faraón.

Q'eqchi Bible

²⁸ Laj Parahón kixsumeheb': “Texinkanab' chi xik re naq texmayejaq chaq sa' li chaqich'och' chiru li Qaawa' leeYos; ab'an ink'a' jwal najt texxik. Ut chextijoq chaq chiwix”, chan.

Éxodo 8:28 ပူးပေါင်းရင်းမြစ်များ

Éxodo 8:8

Tojoꞌnak laj faraón quixbok laj Moisés ut laj Aarón. Quixye reheb: —Te̱tzꞌa̱ma chiru li Ka̱cuaꞌ Dios nak ta̱risi chixjunil li amoch cuiqꞌuin joꞌ ajcuiꞌ riqꞌuineb lin tenamit. Ut la̱in tincanabeb chi xic laj Israel re nak teꞌxic chi mayejac chiru li Dios, chan.

Éxodo 9:28

Ta̱ya̱ba xcꞌabaꞌ li Ka̱cuaꞌ Dios. Tzꞌakal li xkacꞌul riqꞌuin li sakbach ut li ca̱k. Texincanab chi xic. Incꞌaꞌ chic nacuaj nak texba̱yk arin, chan.

1 Reyes 13:6

Li rey Jeroboam quixye re lix profeta li Dios: —Nintzꞌa̱ma cha̱cuu nak tattijok chiru li Ka̱cuaꞌ la̱ Dios ut ta̱tzꞌa̱ma chiru nak tixqꞌuirtesi li cuukꞌ, chan. Ut lix profeta li Dios quitijoc chiru li Ka̱cuaꞌ ut li rukꞌ li rey quiqꞌuira ut quicana joꞌ nak quicuan junxil.

Hechos 8:24

Quichakꞌoc laj Simón ut quixye: —Chextijok chicuix chiru li Ka̱cuaꞌ re nak incꞌaꞌ tincꞌul joꞌ xaye la̱at, chan.

Oseas 10:2

Eb aꞌan aj caꞌ pacꞌal uheb xban nak nequeꞌxcꞌanjela ru li yi̱banbil dios ut nequeꞌraj ajcuiꞌ cꞌanjelac chiru li Ka̱cuaꞌ. Joꞌcan nak anakcuan li Ka̱cuaꞌ tixqꞌueheb chixtojbal rix lix ma̱queb. Tixpuqꞌui lix artaleb ut tixsacheb ru lix dioseb.

Esdras 6:10

Ta̱qꞌuehekꞌ reheb re nak ta̱ru̱k teꞌxqꞌue li mayej li ta̱cuulak chiru li Dios li cuan saꞌ choxa ut teꞌtijok chicuix la̱in li rey ut chirixeb ajcuiꞌ li cualal incꞌajol.

Éxodo 10:17

Tintzꞌa̱ma che̱ru, caꞌaj chic anakcuan te̱cuy inma̱c ut chetzꞌa̱ma chiru le̱ Dios nak ta̱risi li raylal aꞌin saꞌ kabe̱n nak toj ma̱jiꞌ nococam, chan.

Éxodo 8:29

Laj Moisés quichakꞌoc ut quixye re: —Xic cue anakcuan. Tintzꞌa̱ma chiru li Ka̱cuaꞌ Dios nak cuulaj ta̱risiheb li raxya̱t a̱cuiqꞌuin joꞌ ajcuiꞌ riqꞌuineb la̱ mo̱s ut riqꞌuineb chixjunileb le̱ tenamit. Ut, ba̱nu usilal, moa̱balakꞌi cuiꞌchic. Ma̱ye cuiꞌchic ke nak incꞌaꞌ toxic chi mayejac chiru li Ka̱cuaꞌ Dios, chan laj Moisés.

Eclesiastés 6:10

Li cꞌaꞌru nacꞌulman anakcuan ac chꞌolchꞌo nak joꞌcan ta̱cꞌulma̱nk. Joꞌcan nak incꞌaꞌ naru xcuechꞌinquil rix li cꞌaꞌru naxba̱nu li Dios.

Éxodo 8:15

Ut laj faraón nak quiril nak qui-usa li tenamit, quixcacuubresi cuiꞌchic xchꞌo̱l. Ut incꞌaꞌ qui-abin, joꞌ quixye li Ka̱cuaꞌ Dios.

Jeremías 42:2

Queꞌxye re laj Jeremías: —Ba̱nu usilal, chacuabi li cꞌaꞌru nakatzꞌa̱ma cha̱cuu. Chattijok chikix chiru li Ka̱cuaꞌ la̱ Dios. Tattijok chikix li joꞌ qꞌuial chic incꞌaꞌ xsacheꞌ ku. Junxil nabalo, abanan anakcuan coꞌxib aj chic xocana, joꞌ yo̱cat chirilbal.

Éxodo 3:19

La̱in ac ninnau nak lix reyeb laj Egipto incꞌaꞌ texcanab chi e̱lc cui incꞌaꞌ tincꞌut lin cuanquil chiruheb.

Éxodo 7:13

Aban laj faraón toj naxcacuubresi lix chꞌo̱l ut ti̱c incꞌaꞌ na-abin chiruheb, joꞌ quixye li Ka̱cuaꞌ Dios.