Éxodo 8:22 - Li Santil hu

²² Aban incꞌaꞌ tintakla li raxya̱t saꞌ li naꞌajej Gosén bar cuanqueb cuiꞌ lin tenamit. Aran incꞌaꞌ teꞌchꞌiꞌchꞌiꞌi̱nk li raxya̱t. Riqꞌuin aꞌan te̱nau nak la̱in li Ka̱cuaꞌ Dios ut cuan incuanquil saꞌ xbe̱n li ruchichꞌochꞌ.

Q'eqchi Bible

²² Ab'an sa' li kutan a'an ink'a' tintaqlaheb' li kas sa' xsutam Gosen b'arwi' wankeb' lintenamit: aran maajun junaq kas taawanq. Jo'kan taanaw naq laa'in li Qaawa' wankin sa' li tenamit a'in.

Éxodo 8:22 ပူးပေါင်းရင်းမြစ်များ

Éxodo 9:4

Abanan lix queto̱mkeb laj Israel ma̱cꞌaꞌ teꞌxcꞌul. Caꞌaj cuiꞌ lix queto̱mkeb laj Egipto teꞌca̱mk”, chan li Dios.

Malaquías 3:18

Toj aran te̱qꞌue retal li ani quixba̱nu li us ut li ani incꞌaꞌ quixba̱nu li us. Te̱qꞌue retal lix jalanil riqꞌuineb li ani queꞌcꞌanjelac chicuu ut li ani incꞌaꞌ queꞌcꞌanjelac chicuu, chan li Ka̱cuaꞌ.

Éxodo 10:23

Eb laj Egipto incꞌaꞌ quiru queꞌril rib xban nak kꞌaxal cuiꞌchic kꞌojyi̱n. Yal chunchu̱queb aj chic saꞌ lix naꞌajeb saꞌ kꞌojyi̱n chiru li oxib cutan aꞌan. Ma̱ bar naru nequeꞌxic. Abanan eb laj Israel cutan saꞌ li naꞌajej li cuanqueb cuiꞌ.

Ezequiel 30:19

Joꞌcaꞌin nak tinrakok a̱tin saꞌ xbe̱neb laj Egipto. Ut eb aꞌan teꞌxqꞌue retal nak la̱in li nimajcual Dios.—

Éxodo 9:6

Joꞌ cuulajak chic li Ka̱cuaꞌ Dios quixba̱nu joꞌ quixye reheb. Quilajeꞌcam lix queto̱mkeb laj Egipto ut reheb laj Israel ma̱ jun queꞌcam.

Salmos 110:2

Li nimajcual Dios tixqꞌue chak la̱ cuanquil toj saꞌ li santil naꞌajej Sión. Ut la̱at chic tattakla̱nk saꞌ xbe̱neb li xicꞌ nequeꞌiloc a̱cue.

Éxodo 12:13

Abanan li quicꞌ li te̱qꞌue chire xpuertil le̱ rochoch, aꞌan e̱retalil chicuu. Nak tincuil li quicꞌ, ti̱c tinnumekꞌ saꞌ le̱ rochoch. Ma̱ jun ta̱ca̱mk saꞌ le̱ rochoch la̱ex nak yo̱kin chixcamsinquil li xbe̱n ralaleb aj Egipto.

Éxodo 9:29

Laj Moisés quixye re: —Nak tincuulak chire li tenamit, aran tintaksi li cuukꞌ ut tintijok chiru li Ka̱cuaꞌ Dios. Incꞌaꞌ chic ta̱cua̱nk sakbach chi moco li ca̱k. Chi joꞌcan ta̱nau nak li Ka̱cuaꞌ Dios aꞌan laj e̱chal re li ruchichꞌochꞌ.

Éxodo 9:26

Caꞌaj chic saꞌ li tenamit Gosén incꞌaꞌ quicuan li sakbach xban nak aran cuanqueb laj Israel.

Éxodo 8:10

Laj faraón quixye: —Cuulaj ajcuiꞌ ta̱ba̱nu.— Ut laj Moisés quixye re: —Cuulaj ajcuiꞌ ta̱uxma̱nk li cꞌaꞌru yo̱cat chixtzꞌa̱manquil re nak ta̱cuil nak ma̱cꞌaꞌ chic junak Dios joꞌ li Ka̱cuaꞌ Dios, li nakalokꞌoni la̱o.

Éxodo 7:17

Anakcuan, at faraón, la̱at ta̱qꞌue retal nak aꞌan li Ka̱cuaꞌ Dios, ut kꞌaxal nim xcuanquil. La̱in tinsacꞌ li nimaꞌ Nilo riqꞌuin lin xukꞌ. Ut riqꞌuin aꞌan ta̱quicꞌokꞌ li haꞌ.

Salmos 74:12

At inDios, la̱at li kaRey chalen chak najter. Ut nabal sut coa̱col chiruheb li xicꞌ nequeꞌiloc ke arin saꞌ ruchichꞌochꞌ.

Éxodo 7:5

Nak tinrakok a̱tin saꞌ xbe̱neb teꞌxnau nak la̱in li Ka̱cuaꞌ Dios ut tincuisiheb lin tenamit saꞌ xya̱nkeb, chan li Dios.

Éxodo 8:21

Cui incꞌaꞌ nacacanabeb chi xic lin tenamit, la̱in tintakla li qꞌuila okꞌob chi raxya̱t saꞌ e̱ya̱nk ut saꞌ xya̱nkeb la̱ mo̱s, ut saꞌ xya̱nkeb chixjunileb li tenamit joꞌ eb ajcuiꞌ saꞌ le̱ rochoch. Telajeꞌqꞌuia̱nk saꞌ le̱ rochoch ut telajeꞌqꞌuia̱nk ajcuiꞌ saꞌ li chꞌochꞌ bar cuiꞌ telajexcua̱nk.

Éxodo 8:23

Sicꞌbil ru inban lin tenamit. Jalan tinba̱nu re lin tenamit la̱in chiru la̱ tenamit la̱at. Cuulaj ta̱ba̱numa̱nk li xinye a̱cue”, chan li Ka̱cuaꞌ Dios.

Éxodo 19:5

Cui la̱ex te̱rabi li cua̱tin ut te̱ba̱nu li contrato li xkacꞌu̱b chi kibil kib, la̱exak lin tenamit raro̱quex inban. Chixjunil li ruchichꞌochꞌ cue la̱in. Abanan la̱ex li tenamit li sicꞌbil ru inban.

Éxodo 20:11

Chiru cuakib cutan li Ka̱cuaꞌ Dios quixyi̱b li choxa, li ruchichꞌochꞌ ut li palau. Quilajxyi̱b chixjunil li cꞌaꞌak re ru cuan saꞌ ruchichꞌochꞌ joꞌ ajcuiꞌ saꞌ choxa. Ut saꞌ xcuuk li cutan quihilan. Joꞌcan nak li Ka̱cuaꞌ Dios quirosobtesi li hiloba̱l cutan ut quixsantobresi.

Génesis 46:34

la̱ex texchakꞌok ut te̱ye re, “Chalen chak saꞌ kacaꞌchꞌinal, la̱o aj ilol queto̱mk. Aꞌan ajcuiꞌ li cꞌanjel li queꞌxba̱nu chak eb li kaxeꞌto̱nil yucuaꞌ.” Joꞌcaꞌin te̱ye re laj faraón re nak aꞌan tixye e̱re nak texcana̱k saꞌ li naꞌajej Gosén. Kꞌaxal us raj texcana̱k arin Gosén xban nak eb laj Egipto xicꞌ nequeꞌrileb li nequeꞌqꞌuiresin queto̱mk, chan laj José reheb li ras.