Éxodo 8:15 - Li Santil hu

¹⁵ Ut laj faraón nak quiril nak qui-usa li tenamit, quixcacuubresi cuiꞌchic xchꞌo̱l. Ut incꞌaꞌ qui-abin, joꞌ quixye li Ka̱cuaꞌ Dios.

Q'eqchi Bible

¹⁵ Ab'an naq laj Parahón kiril naq ak xnume'k li rahilal, kixkawub'resi xch'ool ut ink'a' kirab'iheb' laj Moisés ut laj Aharón, kama' yeeb'il chaq xb'aan li Qaawa'.

Éxodo 8:15 ပူးပေါင်းရင်းမြစ်များ

Isaías 26:10

Usta la̱at ta̱cuil xtokꞌoba̱l ruheb li incꞌaꞌ useb xnaꞌleb, eb aꞌan ma̱ jokꞌe teꞌxtau ru. Incꞌaꞌ teꞌraj cua̱nc saꞌ ti̱quilal. Usta cuanqueb saꞌ junak naꞌajej bar nacatlokꞌoni̱c cuiꞌ, eb aꞌan junelic teꞌxba̱nu li ma̱usilal xban nak incꞌaꞌ nequeꞌxqꞌue retal la̱ cuanquilal.

Hebreos 3:15

Joꞌcaꞌin tzꞌi̱banbil saꞌ li Santil Hu li quixye li Dios: Cherabihak li cua̱tin anakcuan. Me̱cacuubresi e̱chꞌo̱l joꞌ queꞌxba̱nu chak le̱ xeꞌto̱nil yucuaꞌ nak queꞌxkꞌet chak li cua̱tin. (Sal. 95:7-8)

Hebreos 3:8

Me̱ba̱nu joꞌ queꞌxba̱nu le̱ xeꞌto̱nil yucuaꞌ nak queꞌxkꞌet chak li cua̱tin. Queꞌcuechꞌoc ut nequeꞌayaynac ut queꞌxyal inchꞌiꞌchꞌiꞌinquil nak cuanqueb chak saꞌ li chaki chꞌochꞌ.

Eclesiastés 8:11

Ut xban nak incꞌaꞌ nequeꞌxcꞌul chi ticto xtojbal rix li ma̱usilal li nequeꞌxba̱nu, joꞌcan nak kꞌaxal cuiꞌchic nequeꞌraj xba̱nunquil li ma̱usilal li jun chꞌol chic.

Éxodo 7:4

Ut laj faraón ti̱c incꞌaꞌ ta̱abi̱nk che̱ru. La̱in tinrakok a̱tin saꞌ xbe̱neb laj Egipto. Tintakla nabal raylal saꞌ xbe̱neb re nak ta̱ru̱k tincuisiheb lin tenamit Israel saꞌ xya̱nkeb laj Egipto.

Éxodo 14:5

Nak quirabi nak ac xeꞌel laj Israel, laj faraón joꞌ eb ajcuiꞌ laj cꞌanjel chiru queꞌyotꞌeꞌ xchꞌo̱l nak queꞌxcanabeb chi xic. Eb aꞌan queꞌxye: —¿Ma us ta biꞌ nak xkacanabeb chi xic ut xocana chi ma̱cꞌaꞌ chic kamo̱s? chanqueb.

Éxodo 4:21

Li Ka̱cuaꞌ Dios quixye ajcuiꞌ re laj Moisés: —Nak cua̱nkat aran Egipto, ta̱ba̱nu chiru laj faraón chixjunil li cꞌaꞌru xinye a̱cue ut xinqꞌue a̱cuanquilal chixba̱nunquil. La̱in tinqꞌue xcacuil xchꞌo̱l laj faraón re nak incꞌaꞌ tixcanabeb chi e̱lc eb laj Israel.

Apocalipsis 16:9

Eb li cristian queꞌcꞌateꞌ xban xtikcual li sakꞌe. Xban li raylal li yo̱queb chixcꞌulbal, queꞌxmajecua li Dios li cuan xcuanquil saꞌ xbe̱neb li raylal. Ut incꞌaꞌ queꞌyotꞌeꞌ xchꞌo̱leb chi moco queꞌxqꞌue xlokꞌal li Dios.

Oseas 6:4

Abanan li Ka̱cuaꞌ naxye: —¿Cꞌaꞌru tinba̱nu e̱riqꞌuin la̱ex ralal xcꞌajol laj Efraín? Ut, ¿cꞌaꞌru tinba̱nu e̱riqꞌuin la̱ex ralal xcꞌajol laj Judá? Le̱ cha̱bilal chanchan li chok chiru li ekꞌela, li nacꞌameꞌ saꞌ junpa̱t xban li ikꞌ, ut chanchan li xchuꞌque li nacuan ekꞌela, li nasach saꞌ junpa̱t.

Proverbios 29:1

Li ani incꞌaꞌ naxqꞌue saꞌ xchꞌo̱l lix kꞌusbal ta̱sachekꞌ ru chi junpa̱t ut ma̱ ani naru nacoloc re chiru li sachc.

Éxodo 8:8

Tojoꞌnak laj faraón quixbok laj Moisés ut laj Aarón. Quixye reheb: —Te̱tzꞌa̱ma chiru li Ka̱cuaꞌ Dios nak ta̱risi chixjunil li amoch cuiqꞌuin joꞌ ajcuiꞌ riqꞌuineb lin tenamit. Ut la̱in tincanabeb chi xic laj Israel re nak teꞌxic chi mayejac chiru li Dios, chan.

Éxodo 8:14

Ut eb li cristian quilajeꞌxchꞌutub li camenak amoch ut cꞌajoꞌ nak quichuhoꞌ li tenamit xban xbo̱c li amoch.

Éxodo 8:16

Tojoꞌnak li Ka̱cuaꞌ Dios quixye re laj Moisés: —Joꞌcaꞌin ta̱ye re laj Aarón: “Ta̱yeꞌ la̱ xukꞌ ut ta̱sacꞌ li poks riqꞌuin la̱ xukꞌ. Riqꞌuin aꞌan teꞌpucꞌa̱nk li suk saꞌ li tenamit Egipto”, chan.

Éxodo 8:28

Laj faraón quixye re: —La̱in texincanab chi xic. Mayejankex chak chiru le̱ Dios saꞌ li chaki chꞌochꞌ. Aban incꞌaꞌ mas najt texxic. Textijok ajcuiꞌ chicuix, chan laj faraón.

Éxodo 8:29

Laj Moisés quichakꞌoc ut quixye re: —Xic cue anakcuan. Tintzꞌa̱ma chiru li Ka̱cuaꞌ Dios nak cuulaj ta̱risiheb li raxya̱t a̱cuiqꞌuin joꞌ ajcuiꞌ riqꞌuineb la̱ mo̱s ut riqꞌuineb chixjunileb le̱ tenamit. Ut, ba̱nu usilal, moa̱balakꞌi cuiꞌchic. Ma̱ye cuiꞌchic ke nak incꞌaꞌ toxic chi mayejac chiru li Ka̱cuaꞌ Dios, chan laj Moisés.

Éxodo 8:32

Aban quixcacuubresi cuiꞌchic xchꞌo̱l laj faraón ut incꞌaꞌ quixcanabeb chi xic li tenamit.

1 Samuel 6:6

¿Cꞌaꞌut nak te̱cacuubresi le̱ chꞌo̱l joꞌ queꞌxba̱nu laj Egipto ut laj faraón? Eb aꞌan nabal li raylal quiqꞌueheꞌ saꞌ xbe̱neb xban li Dios, tojoꞌnak queꞌxcanabeb laj Israel chi e̱lc saꞌ lix tenamiteb.

Proverbios 26:11

Eb li ma̱cꞌaꞌeb xnaꞌleb junelic yo̱queb chixba̱nunquil li incꞌaꞌ us. Chanchaneb li tzꞌiꞌ li nequeꞌxlou xcaꞌ sut lix xaꞌau.

1 Samuel 6:3

Eb laj tij ut eb laj kꞌe queꞌxye reheb: —Cui te̱takla lix Lokꞌlaj Ca̱x lix Dioseb laj Israel, tento te̱takla jun xma̱tan re xtojbal rix li ma̱c xeba̱nu. Cui te̱ba̱nu aꞌan, texqꞌuira̱k ut te̱nau cꞌaꞌut nak xqꞌue chak li raylal aꞌin saꞌ e̱be̱n, chanqueb.

1 Samuel 6:9

Te̱qꞌue retal cui eb li ba̱c teꞌoc chi xic saꞌ li be li naxic saꞌ li tenamit Bet-semes, lix naꞌajeb laj Israel. Cui aran teꞌxic, te̱nau nak lix Dioseb laj Israel, aꞌan li quiqꞌuehoc chak re li raylal aꞌin saꞌ kabe̱n. Cui ut incꞌaꞌ teꞌxic aran, riqꞌuin aꞌan te̱qꞌue retal nak moco aꞌan ta li quiqꞌuehoc re li raylal aꞌin saꞌ kabe̱n. Yal xkacꞌul ban, chanqueb.

1 Samuel 6:12

Ut eb li ba̱c ti̱c queꞌco̱eb saꞌ li tenamit Bet-semes. Yo̱queb chi ya̱bac nak yo̱queb chi xic. Incꞌaꞌ queꞌxjal xbeheb saꞌ li nim chi moco saꞌ li tzꞌe. Ti̱c ban queꞌco̱eb. Eb li nequeꞌtaklan saꞌ xbe̱neb laj filisteo queꞌco̱eb chirix toj saꞌ li nuba̱l re li tenamit Bet-semes.