Éxodo 8:1 - Li Santil hu

¹ Tojoꞌnak li Ka̱cuaꞌ Dios quixye re laj Moisés: —Tatxic cuiꞌchic riqꞌuin laj faraón ut ta̱ye re, “Joꞌcaꞌin xye li Ka̱cuaꞌ Dios: Xcanabakeb chi xic lin tenamit re nak tineꞌxlokꞌoni.

Q'eqchi Bible

¹ Kixye li Qaawa' re laj Moisés: “Ayu rik'in laj Parahón chi xyeeb'al re: «Jo'ka'in naxye li Qaawa': Kanab'eb' chi elk lintenamit re naq tinxloq'oni.

Éxodo 8:1 ပူးပေါင်းရင်းမြစ်များ

Éxodo 3:18

Eb aꞌan teꞌrabi la̱ cua̱tin. La̱at ut eb li cui̱nk li nequeꞌcꞌamoc be saꞌ xya̱nkeb laj Israel texxic riqꞌuin lix reyeb laj Egipto ut te̱ye re, “Li nimajcual Dios li nequeꞌxlokꞌoni laj hebreo, aꞌan quixcꞌutbesi rib chiku. Choa̱canab chi xic saꞌ li chaki chꞌochꞌ oxib cutan chi be. Aran tomayejak chiru li Ka̱cuaꞌ Dios”, chaꞌkex re.

Éxodo 3:12

Li Dios quichakꞌoc ut quixye re laj Moisés: —Ayu ut la̱in cua̱nkin a̱cuiqꞌuin. Ut aꞌin a̱cuetalil nak la̱in xintaklan a̱cue. Nak ac xacuisiheb chak laj Israel saꞌ li tenamit Egipto, saꞌ li tzu̱l aꞌin tina̱lokꞌoni cuiꞌchic, chan li Dios.

Éxodo 5:1

Chirix nak queꞌa̱tinac riqꞌuineb laj Israel, laj Moisés ut laj Aarón queꞌco̱eb riqꞌuin laj faraón ut queꞌxye re: —Li nimajcual Dios, li nequeꞌxlokꞌoni laj Israel, xye chi joꞌcaꞌin, “Canabeb chi xic lin tenamit saꞌ li chaki chꞌochꞌ re nak aran teꞌninkꞌei̱k re xqꞌuebal inlokꞌal,” chan li Ka̱cuaꞌ Dios.—

Éxodo 7:16

Ut ta̱ye re, “Li Ka̱cuaꞌ Dios lix Dioseb laj hebreo, xtaklan chak cue a̱cuiqꞌuin. Joꞌ aꞌin xye a̱cue: Xcanabakeb chi xic lin tenamit re nak eb aꞌan tineꞌxlokꞌoni saꞌ li chaki chꞌochꞌ. Chalen anakcuan incꞌaꞌ nacacuaj xba̱nunquil li cꞌaꞌru nacuaj chan li Dios a̱cue.

Éxodo 4:23

Xinye a̱cue nak ta̱canabeb chi xic eb laj Israel re nak teꞌcꞌanjelak chicuu. Cui incꞌaꞌ nacacanabeb chi xic, la̱in tincamsi li xbe̱n a̱cualal, chaꞌkat re laj faraón,” chan li Dios re laj Moisés.

Éxodo 5:3

Eb aꞌan queꞌxye re: —Li nimajcual Dios, li nakalokꞌoni la̱o aj hebreo, xcꞌutbesi rib chiku. Ba̱nu usilal, toa̱canab chi xic saꞌ li chaki chꞌochꞌ oxib cutan chi be. Ut aran tomayejak chiru li nimajcual Dios li nakalokꞌoni la̱o re nak incꞌaꞌ ta̱cha̱lk li rax ca̱mc saꞌ kabe̱n ut re ajcuiꞌ nak incꞌaꞌ tocamsi̱k riqꞌuin chꞌi̱chꞌ, chanqueb.

Éxodo 7:25

Cuukub cutan tzꞌakal quicuan chokꞌ quicꞌ li haꞌ xban li Ka̱cuaꞌ Dios.

Éxodo 8:2

Ut cui incꞌaꞌ nacacanabeb chi xic lin tenamit, la̱in tintakla chak nabal li amoch saꞌ la̱ tenamit.

Éxodo 8:20

Tojoꞌnak li Ka̱cuaꞌ Dios quixye re laj Moisés: —Ekꞌela tatcuacli̱k cuulaj ut tatxic chire li nimaꞌ. Aran ta̱cuoybeni laj faraón nak ta̱cuulak. Ta̱ye re, “Joꞌcaꞌin xye li Ka̱cuaꞌ Dios a̱cue: Canabeb chi xic lin tenamit re nak tineꞌxlokꞌoni.

Éxodo 9:1

Tojoꞌnak li Ka̱cuaꞌ Dios quixye re laj Moisés: —Tatxic cuiꞌchic riqꞌuin laj faraón ut ta̱ye re, “Joꞌcaꞌin quixye li Ka̱cuaꞌ Dios, lix Dioseb aj hebreo: Xcanabakeb chi xic lin tenamit re nak tineꞌxlokꞌoni.

Josué 8:18

Ut li Ka̱cuaꞌ Dios quixye re laj Josué: —Taksi la̱ chꞌi̱chꞌ cuan saꞌ la̱ cuukꞌ re xyebal reheb nak teꞌoc saꞌ li tenamit xban nak la̱in tinkꞌaxtesi e̱re li tenamit Hai, chan. Laj Josué quixtaksi lix chꞌi̱chꞌ cuan saꞌ rukꞌ saꞌ xbe̱n li tenamit Hai.

Salmos 105:30

Quinujac chi amoch chixjunil li tenamit toj retal queꞌoc saꞌ li naꞌajej li nacuar cuiꞌ lix reyeb.