Éxodo 7:4 - Li Santil hu

⁴ Ut laj faraón ti̱c incꞌaꞌ ta̱abi̱nk che̱ru. La̱in tinrakok a̱tin saꞌ xbe̱neb laj Egipto. Tintakla nabal raylal saꞌ xbe̱neb re nak ta̱ru̱k tincuisiheb lin tenamit Israel saꞌ xya̱nkeb laj Egipto.

Q'eqchi Bible

⁴ laj Parahón ink'a' texrab'i. Toja' naq tintaqsi li wuq' sa' xb'een Ejiipt ut rik'in xninqal rahilal twisi aran lintenamit, eb' linteepal, a'aneb' laj Israel.

Éxodo 7:4 ပူးပေါင်းရင်းမြစ်များ

Éxodo 11:9

Junxil yebil chak re laj Moisés nak li Ka̱cuaꞌ Dios quixye re: —Laj faraón incꞌaꞌ ta̱abi̱nk cha̱cuu xban nak toj tincuaj tincꞌutbesi lin cuanquil chiruheb chixjunileb li tenamit Egipto.—

Éxodo 6:6

Ta̱ye reheb laj Israel li tinye a̱cue anakcuan. La̱in li nimajcual Dios ut la̱in ajcuiꞌ tin-isi̱nk reheb saꞌ li cacuil trabaj saꞌ rukꞌeb laj Egipto. La̱in tincolok reheb saꞌ xya̱lal nak tinrahobtesiheb laj Egipto nak tincꞌut lin cuanquil chiruheb.

Éxodo 12:51

Ut saꞌ li cutan aꞌan li Ka̱cuaꞌ Dios quilajrisiheb chak laj Israel saꞌ li tenamit Egipto. Nequeꞌtzololnac nak queꞌel laj Israel chi junju̱nk chꞌu̱tal aran Egipto.

Apocalipsis 19:2

Aꞌan ti̱c xchꞌo̱l chi rakoc a̱tin saꞌ xya̱lal. Aꞌan xrakoc a̱tin saꞌ xbe̱n li nimla tenamit li chanchan jun li ixk naxcꞌayi rib. Xban nak numtajenak lix ma̱usilal, aꞌan quipoꞌoc ruheb li tenamit li cuanqueb saꞌ ruchichꞌochꞌ. Li Dios xqꞌueheb chixtojbal rix lix ma̱queb xban nak queꞌxcamsi nabaleb laj cꞌanjel chiru.

Apocalipsis 16:7

Ut quicuabi jun yo̱ chak chi a̱tinac saꞌ li artal. Ut quixye: Relic chi ya̱l, at Ka̱cuaꞌ, at nimajcual Dios, La̱at nacatrakoc a̱tin saꞌ xya̱lal ut saꞌ ti̱quilal, chan.

Apocalipsis 15:4

¿Ma cuan ta biꞌ junak incꞌaꞌ tixxucua a̱cuu? Chixjunileb teꞌxnima a̱cuu, at Ka̱cuaꞌ, xban nak caꞌaj cuiꞌ la̱at ti̱c a̱chꞌo̱l. Chixjunileb li cuanqueb saꞌ li xni̱nkal ru tenamit teꞌcha̱lk ut teꞌxcuikꞌib ribeb cha̱cuu ut tateꞌxlokꞌoni xban nak teꞌxqꞌue retal nak la̱at tatrakok a̱tin saꞌ ti̱quilal.

Ezequiel 30:19

Joꞌcaꞌin nak tinrakok a̱tin saꞌ xbe̱neb laj Egipto. Ut eb aꞌan teꞌxqꞌue retal nak la̱in li nimajcual Dios.—

Ezequiel 30:14

Tinsach ru li naꞌajej Patros ut tincꞌat li tenamit Zoán. Ut tinqꞌueheb chixtojbal xma̱queb li cuanqueb Tebas.

Ezequiel 25:11

La̱in tinqꞌueheb laj Moab chixtojbal rix lix ma̱queb ut riqꞌuin aꞌan teꞌxqꞌue retal nak la̱in li Ka̱cuaꞌ Dios.

Ezequiel 14:21

Aꞌan aꞌin li naxye li nimajcual Dios: Kꞌaxal ra cuiꞌchic chokꞌ reheb laj Jerusalén nak la̱in tinrakok a̱tin saꞌ xbe̱neb riqꞌuin li ca̱hib chi raylal. La̱in tintakla li ple̱t, li cueꞌej, li joskꞌ aj xul, ut li caki yajel re nak teꞌcamsi̱k li cristian ut eb li xul.

Lamentaciones 3:3

Rajlal cutan junes raylal nincꞌul.

Isaías 26:9

Chiru li kꞌojyi̱n cꞌajoꞌ nak nacuaj rilbal a̱cuu. Chi anchal inchꞌo̱l tatinsicꞌ toj ekꞌela joꞌ najtil ta̱cua̱nk inyuꞌam. Nak tatrakok a̱tin, li cuanqueb saꞌ ruchichꞌochꞌ teꞌxqꞌue retal cꞌaꞌru li ti̱quilal.

Proverbios 19:29

Ac cauresinbil chak li rakba a̱tin chokꞌ reheb li nequeꞌhoboc. Ut ac cauresinbil ajcuiꞌ li tzꞌu̱m chokꞌ reheb li incꞌaꞌ nequeꞌraj xtaubal xnaꞌleb.

Jueces 2:15

Nak nequeꞌxic chi pletic yalak bar, li Ka̱cuaꞌ incꞌaꞌ chic naxtenkꞌaheb. Incꞌaꞌ chic naxcoleb chiruheb li xicꞌ nequeꞌiloc reheb. Quixcanabeb ban chi rahobtesi̱c joꞌ quixye reheb. Kꞌaxal ra queꞌxcꞌul joꞌ quiyeheꞌ reheb xban li Ka̱cuaꞌ.

Éxodo 10:1

Li Ka̱cuaꞌ Dios quixye re laj Moisés: —Tatxic cuiꞌchic riqꞌuin laj faraón. La̱in xincacuubresi xchꞌo̱l laj faraón joꞌ eb ajcuiꞌ laj cꞌanjel chiru re nak tincꞌut lin cuanquilal chiruheb.

Éxodo 9:3

la̱in tintakla jun nimla raylal saꞌ xbe̱neb le̱ queto̱mk li cuanqueb saꞌ cꞌaleba̱l. Jun nimla yajel ta̱tꞌanekꞌ saꞌ xbe̱neb li cuacax, li cacua̱y, li bu̱r, li camello joꞌ ajcuiꞌ eb li carner.

Éxodo 6:26

Aꞌ laj Aarón ut laj Moisés aꞌaneb li queꞌa̱tina̱c xban li Ka̱cuaꞌ Dios ut quixye reheb nak teꞌrisiheb laj Israel saꞌ li tenamit Egipto chi tzoltzo.

Éxodo 3:20

La̱in tincꞌut lin cuanquil chiruheb laj Egipto. Tinrahobtesiheb ut riqꞌuin aꞌan texcanab chi e̱lc.

Éxodo 3:19

La̱in ac ninnau nak lix reyeb laj Egipto incꞌaꞌ texcanab chi e̱lc cui incꞌaꞌ tincꞌut lin cuanquil chiruheb.

Éxodo 6:1

Ut li Ka̱cuaꞌ Dios quixye re laj Moisés: —Anakcuan ta̱cuil cꞌaꞌru tinba̱nu re laj faraón. Moco caꞌaj cuiꞌ ta tixcanabeb chi xic laj Israel. Saꞌ joskꞌil ban tixyolesiheb nak ta̱risiheb saꞌ lix tenamit, chan li Dios.

Éxodo 7:13

Aban laj faraón toj naxcacuubresi lix chꞌo̱l ut ti̱c incꞌaꞌ na-abin chiruheb, joꞌ quixye li Ka̱cuaꞌ Dios.

Éxodo 7:16

Ut ta̱ye re, “Li Ka̱cuaꞌ Dios lix Dioseb laj hebreo, xtaklan chak cue a̱cuiqꞌuin. Joꞌ aꞌin xye a̱cue: Xcanabakeb chi xic lin tenamit re nak eb aꞌan tineꞌxlokꞌoni saꞌ li chaki chꞌochꞌ. Chalen anakcuan incꞌaꞌ nacacuaj xba̱nunquil li cꞌaꞌru nacuaj chan li Dios a̱cue.

Éxodo 8:15

Ut laj faraón nak quiril nak qui-usa li tenamit, quixcacuubresi cuiꞌchic xchꞌo̱l. Ut incꞌaꞌ qui-abin, joꞌ quixye li Ka̱cuaꞌ Dios.

Éxodo 8:19

Eb laj kꞌe queꞌxye re laj faraón: —Aꞌin xba̱nuhom li Ka̱cuaꞌ Dios, chanqueb. Ut joꞌ quixye li Dios, laj faraón kꞌaxal cuiꞌchic quicacuubresi xchꞌo̱l ut incꞌaꞌ qui-abin chiruheb.

Éxodo 9:12

Ut li Ka̱cuaꞌ Dios quixcacuubresi xchꞌo̱l laj faraón. Joꞌ quixye li Ka̱cuaꞌ Dios re laj Moisés junxil, laj faraón ti̱c incꞌaꞌ quixba̱nu li cꞌaꞌru queꞌxye.

Éxodo 13:3

Laj Moisés quixye reheb: —Saꞌ li cutan aꞌin re li po Abib xcꞌabaꞌ, li Ka̱cuaꞌ Dios xexrisi chak saꞌ li tenamit Egipto bar quexcꞌanjelac cuiꞌ chak chokꞌ rahobtesinbil mo̱s. Rajlal chihab texninkꞌei̱k re xjulticanquil li cutan aꞌin, ut me̱cuaꞌ li caxlan cua li cuan xchꞌamal. Chijulticokꞌ e̱re nak riqꞌuin xnimal xcuanquil li Dios quexrisi chak saꞌ li tenamit aꞌan.

Éxodo 13:9

Li ninkꞌe aꞌin ta̱cꞌanjelak chokꞌ e̱re re xjulticanquil nak junelic cua̱nk saꞌ e̱chꞌo̱l li ra̱tin li Dios. Te̱serakꞌi ajcuiꞌ li ra̱tin li Dios xban nak riqꞌuin lix nimal xcuanquilal, li Dios quexrisi chak saꞌ li tenamit Egipto.

Éxodo 18:8

Laj Moisés quixserakꞌi re li quilajxba̱nu li Ka̱cuaꞌ Dios riqꞌuin laj faraón joꞌ eb ajcuiꞌ laj Egipto saꞌ xcꞌabaꞌeb laj Israel. Quixserakꞌi reheb chirix chixjunil li raylal li quilajeꞌxcꞌul nak yo̱queb chi xic saꞌ li chaki chꞌochꞌ ut quixye reheb chanru nak li Ka̱cuaꞌ Dios quixcoleb laj Israel.