Éxodo 7:11 - Li Santil hu

¹¹ Ut laj faraón quixbokeb li cui̱nk li cuanqueb xnaꞌleb joꞌ eb ajcuiꞌ laj kꞌe li cuanqueb saꞌ li tenamit Egipto. Joꞌ quixba̱nu laj Aarón, joꞌcan ajcuiꞌ queꞌxba̱nu eb aꞌan.

Q'eqchi Bible

¹¹ Ab'an laj Parahón kixb'oqeb' li wankeb' xna'leb' ut eb' laj tuul; ut eb' a'an ajwi' ke'xb'aanu a'an rik'in li xna'leb'eb':

Éxodo 7:11 ပူးပေါင်းရင်းမြစ်များ

Éxodo 7:22

Joꞌ nak queꞌxcꞌutbesi lix naꞌlebeb laj Moisés ut laj Aarón, joꞌcan ajcuiꞌ queꞌxba̱nu laj kꞌe. Ut kꞌaxal cuiꞌchic quicacuuc xchꞌo̱l laj faraón. Joꞌ quixye li Ka̱cuaꞌ Dios, laj faraón chi ti̱c incꞌaꞌ qui-abin chiru.

2 Timoteo 3:8

Eb a cui̱nk aꞌan yo̱queb chixba̱nunquil joꞌ queꞌxba̱nu laj Janes ut laj Jambres nak queꞌxcuechꞌi rix laj Moisés. Nequeꞌxtzꞌekta̱na li ya̱l. Incꞌaꞌ useb lix naꞌlebeb ut ma̱cꞌaꞌ nequeꞌoc cuiꞌ xban nak tzꞌekta̱nanbil li pa̱ba̱l xbaneb.

Éxodo 8:18

Joꞌcan ajcuiꞌ eb laj kꞌe queꞌxyal xba̱nunquil riqꞌuin lix naꞌleb aꞌan. Abanan incꞌaꞌ queꞌru. Li suk nequeꞌhananac chirixeb li cristian joꞌ eb ajcuiꞌ li xul.

Éxodo 8:7

Ut eb laj kꞌe queꞌxba̱nu ajcuiꞌ joꞌ quixba̱nu laj Moisés. Ut nabaleb li amoch queꞌel chak xbaneb.

2 Ts 2:9

Laj kꞌetol chakꞌrab ta̱cha̱lk riqꞌuin xcuanquil laj tza. Tixcꞌutbesi nak cuan xcuanquil chixba̱nunquil li milagros ut sachba chꞌo̱lej re xbalakꞌinquil li cristian.

Daniel 2:2

Joꞌcan nak quixbok chixjunileb laj kꞌe ut eb laj qꞌuehol naꞌleb, joꞌqueb ajcuiꞌ li nequeꞌtzoloc chirix li chahim ut eb laj Caldea re nak teꞌxye re cꞌaꞌru naxye lix matcꞌ. Ut queꞌcuulac riqꞌuin li rey.

Génesis 41:8

Nak quisake̱u cꞌajoꞌ lix cꞌaꞌux laj faraón. Quixtakla xbokbal chixjunileb laj kꞌe li cuanqueb Egipto, joꞌ ajcuiꞌ li cuanqueb xnaꞌleb. Ut laj faraón quilajxserakꞌi reheb li cꞌaꞌru quixmatqꞌue. Ma̱ jun quitaꞌoc ru lix ya̱lal lix matcꞌ laj faraón.

Efesios 4:14

Moco joꞌcakex ta chic li cocꞌal. Li cocꞌal nequeꞌxpa̱b li cꞌaꞌak re ru nequeꞌyeheꞌ re. La̱ex ma̱cuaꞌex chic cocꞌal. Joꞌcan nak me̱qꞌue e̱rib chi balakꞌi̱c xbaneb li nequeꞌbalakꞌin riqꞌuin jalanil tijleb.

Daniel 5:7

Li rey quixjap re chi cau ut quixye nak teꞌcꞌamekꞌ chak riqꞌuin chixjunileb laj qꞌuehol naꞌleb ut eb laj Caldea ut eb laj kꞌe. Ut li rey quixye reheb: —Li ani ta̱ru̱k xtaubal ru li a̱tin aꞌin ut tixye cue cꞌaꞌru lix ya̱lal, la̱in tinqꞌue li caki akꞌ chirix retalil lix cuanquil. Tinqꞌue lix kꞌol oro chi xcux ut aꞌanak li rox chi takla̱nc saꞌ xbe̱n li tenamit, chan.

Gálatas 3:1

La̱ex aj Galacia, ma̱cꞌaꞌ e̱naꞌleb. ¿Ani xbalakꞌin e̱re nak incꞌaꞌ chic yo̱quex xpa̱banquil lix ya̱lal? Nak xkachꞌolob che̱ru chanru nak quiqꞌueheꞌ li Jesucristo chiru cruz, chanchan nak tzꞌakal yo̱quex chirilbal.

San Mateo 24:24

Nabaleb aj balakꞌ teꞌcꞌulu̱nk ut teꞌxye nak aꞌaneb li Cristo. Ut cuan teꞌxye nak aꞌaneb profeta. Nabal li cꞌaꞌak re ru teꞌxcꞌutbesi ut sachba chꞌo̱lej telajeꞌxba̱nu re xyalbal xbalakꞌinquileb li tenamit, joꞌqueb ajcuiꞌ li sicꞌbileb ru xban li Dios.

Daniel 5:11

Rubel la̱ cuanquil cuan jun li cui̱nk qꞌuebil xnaꞌleb xbaneb lix dios santo. Nak toj cua̱nk la̱ yucuaꞌ chokꞌ rey quixqꞌue retal nak aꞌan cuan xnaꞌleb ut naxtau ru li incꞌaꞌ natauman ru. Lix naꞌleb aꞌan chanchan lix naꞌlebeb li dios. Ut la̱ yucuaꞌ quixqꞌue xcuanquil saꞌ xbe̱neb chixjunileb laj qꞌuehol naꞌleb ut eb laj kꞌe ut eb laj Caldea joꞌqueb ajcuiꞌ li nequeꞌtzoloc chirix li chahim.

Daniel 2:27

Laj Daniel quichakꞌoc ut quixye: —Li cꞌaꞌru nacacuaj xnaubal incꞌaꞌ nanauman. Chi moco laj kꞌe, chi moco li cuanqueb xnaꞌleb, chi moco li nequeꞌtzoloc chirix li chahim, chi moco laj tu̱l naru teꞌyehok a̱cue, at rey.

Apocalipsis 19:20

Li joskꞌ aj xul quichapeꞌ xban li Ti̱c Xchꞌo̱l li cuan chirix li cacua̱y sak rix ut quichapeꞌ ajcuiꞌ li profeta aj balakꞌ, li quixba̱nu li sachba chꞌo̱lej saꞌ xcꞌabaꞌ li joskꞌ aj xul. Riqꞌuin li sachba chꞌo̱lej quixba̱nu quixbalakꞌi nabaleb li tenamit chixcꞌulbal li retalil li joskꞌ aj xul ut queꞌxlokꞌoni lix jalam u̱ch. Chi xcabichaleb li joskꞌ aj xul ut li profeta aj balakꞌ queꞌcuteꞌ chi yoꞌyo̱queb saꞌ li xxamlel li azufre li chanchan nimla palau.

2 Timoteo 3:9

Aban incꞌaꞌ ajcuiꞌ us ta̱e̱lk chiruheb xban nak chꞌolchꞌo̱k chiruheb chixjunileb nak xmajelil xnaꞌlebeb teꞌxba̱nu cuiꞌ, joꞌ queꞌxcꞌul laj Janes ut laj Jambres nak queꞌxcuechꞌi rix laj Moisés.

Éxodo 7:12

Quilajeꞌxcut lix xukꞌ chi chꞌochꞌ ut eb lix xukꞌ queꞌsukꞌi chokꞌ cꞌantiꞌ. Ut lix xukꞌ laj Aarón quixnukꞌeb lix xukꞌ eb laj kꞌe.

1 Samuel 6:2

Eb laj filisteo queꞌxbokeb laj tij li nequeꞌcꞌanjelac chiru laj Dagón ut queꞌxbokeb ajcuiꞌ laj kꞌe ut queꞌxye reheb: —¿Cꞌaꞌru takaba̱nu riqꞌuin lix Lokꞌlaj Ca̱x li Dios, li nequeꞌxlokꞌoni laj Israel? Yehomak ke chanru takaba̱nu nak takatakla cuiꞌchic saꞌ lix naꞌaj, chanqueb.

Daniel 4:6

Joꞌcan nak xintakla xbokbaleb chixjunileb laj qꞌuehol naꞌleb li cuanqueb Babilonia re nak teꞌxye cue cꞌaꞌru naxye lin matcꞌ.

Éxodo 8:3

Numtajenakak xqꞌuial li amoch saꞌ li nimaꞌ. Telajeꞌoc saꞌ la̱ cuochoch ut teꞌoc ajcuiꞌ saꞌ li naꞌajej li nacatcuar cuiꞌ. Telajeꞌpiscꞌok saꞌ xbe̱n la̱ chꞌa̱t. Telajeꞌoc ajcuiꞌ saꞌ rochocheb le̱ mo̱s ut saꞌ rochocheb chixjunileb li tenamit. Telajeꞌoc saꞌ le̱ horno ut telajeꞌpiscꞌok saꞌ xbe̱n le̱ caꞌ.