Éxodo 6:7 - Li Santil hu

⁷ La̱in texinqꞌue chokꞌ intenamit. La̱inak le̱ Dios. La̱ex te̱nau nak la̱in li nimajcual Dios li ta̱isi̱nk e̱re saꞌ li cacuil trabaj saꞌ rukꞌeb laj Egipto.

Q'eqchi Bible

⁷ Texink'e cho'q intenamit ut laa'inaq leeYos; ut teenaw naq Laa'inin li Qaawa' leeYos li texwisi sa' ruq'eb' laj Ejiipt.

Éxodo 6:7 ပူးပေါင်းရင်းမြစ်များ

Deuteronomio 29:13

re nak texxakab chokꞌ ralal xcꞌajol. La̱exak lix tenamit ut aꞌanak le̱ Dios joꞌ quixyechiꞌi riqꞌuin juramento reheb le̱ xeꞌto̱nil yucuaꞌ, laj Abraham, laj Isaac, ut laj Jacob.

Deuteronomio 7:6

Te̱ba̱nu chi joꞌcan xban nak la̱ex jun xsantil tenamit li Ka̱cuaꞌ le̱ Dios. Li Ka̱cuaꞌ le̱ Dios quisicꞌoc e̱ru saꞌ xya̱nkeb chixjunileb li cuanqueb saꞌ ruchichꞌochꞌ re nak la̱exak lix tenamit. Ut kꞌaxal lokꞌex chiru li Dios.

Deuteronomio 4:20

Abanan la̱ex sicꞌbil e̱ru xban li Ka̱cuaꞌ. Aꞌan qui-isin chak e̱re saꞌ li naꞌajej Egipto, li chanchan tikcual xam xban li raylal li quecꞌul. Quexrisi chak re nak texcua̱nk chokꞌ xtenamit. Ut relic chi ya̱l nak la̱ex chic lix tenamit anakcuan.

Apocalipsis 21:7

Li ani tixcuy xnumsinquil li raylal ut incꞌaꞌ ta̱chꞌina̱nk xchꞌo̱l saꞌ lix pa̱ba̱l, aꞌan ta̱re̱chani chixjunil li cꞌaꞌak re ru aꞌin. La̱inak lix Dios ut aꞌanak li cualal incꞌajol.

Deuteronomio 26:18

Ut saꞌ ajcuiꞌ li cutan aꞌin li Ka̱cuaꞌ quixye nak la̱ex lix lokꞌlaj tenamit. Ut rehex chic chi tzꞌakal joꞌ quixyechiꞌi e̱re. Ut aꞌan naraj nak te̱ba̱nu chixjunil li chakꞌrab li quixqꞌue e̱re.

Deuteronomio 14:2

La̱ex jun santil tenamit chiru li Ka̱cuaꞌ le̱ Dios. Saꞌ xya̱nkeb chixjunileb li xni̱nkal ru tenamit li cuanqueb saꞌ ruchichꞌochꞌ li Dios quixsicꞌ e̱ru ut la̱ex li tenamit li kꞌaxal lokꞌ saꞌ xya̱nkeb li jun chꞌol chic.

Apocalipsis 21:3

Ut quicuabi jun yo̱ chak chi a̱tinac cuan cuiꞌ li cꞌojariba̱l ut quixye chi cau xya̱b xcux: —Anakcuan ta̱cua̱nk li Dios riqꞌuineb li cristian. Aꞌanakeb li ralal xcꞌajol. Li Dios ta̱cua̱nk riqꞌuineb. Aꞌanak lix Dioseb.

1 Pedro 2:10

Junxil ma̱cuaꞌex ralal xcꞌajol li Dios. Aban anakcuan la̱ex chic ralal xcꞌajol. Junxil incꞌaꞌ nequenau lix nimal ruxta̱n li Dios. Aban anakcuan nequenau chic.

Hebreos 11:16

Aban queꞌroybeni jun naꞌajej kꞌaxal cha̱bil, aꞌ li santil choxa. Joꞌcan nak li Dios incꞌaꞌ naxuta̱nac chixyebal nak aꞌan lix Dioseb xban nak quixcꞌu̱b jun li naꞌajej chokꞌ reheb.

Romanos 8:31

¿Cꞌaꞌru takaye chirix aꞌin? Cui li Dios cuan kiqꞌuin, eb li xicꞌ nequeꞌiloc ke incꞌaꞌ teꞌnumta̱k saꞌ kabe̱n.

San Mateo 22:32

“La̱in lix Dios laj Abraham, lix Dios aj Isaac, ut lix Dios laj Jacob.” Li Dios, aꞌan ma̱cuaꞌ xDioseb li camenakeb; xDioseb ban li yoꞌyo̱queb, chan li Jesús. (Joꞌcan nak li Dios quixcꞌut nak cuan xcuaclijiqueb chi yoꞌyo li camenak.)

Zacarías 13:9

Ut li joꞌ qꞌuial chic teꞌcana̱k, chanchan numsinbil saꞌ xam tinba̱nu reheb nak tinyal rixeb, joꞌ nak nanumsi̱c li plata ut li oro saꞌ li xam. Eb aꞌan teꞌxya̱ba incꞌabaꞌ ut la̱in tinsumeheb ut tinye reheb: La̱ex lin tenamit. Ut eb aꞌan teꞌxye, “Li Ka̱cuaꞌ, aꞌan li kaDios,” chaꞌkeb.

Oseas 1:10

Li ralal xcꞌajol laj Israel kꞌaxal cuiꞌchic teꞌta̱mk. Lix qꞌuialeb chanchan li ru li samaib li cuan chire li palau. Incꞌaꞌ naru rajlanquil xban xqꞌuialeb. Saꞌ li naꞌajej bar quiyeheꞌ cuiꞌ reheb xban li Dios, “La̱ex ma̱cuaꞌex chic lin tenamit”, aran ajcuiꞌ ta̱yehekꞌ reheb: “La̱ex cualal incꞌajol la̱in li yoꞌyo̱quil Dios.”

Jeremías 31:33

Li acꞌ contrato tinba̱nu riqꞌuineb laj Israel nak ta̱cuulak xkꞌehil, aꞌan aꞌin: Tinqꞌue chi cua̱nc lin chakꞌrab saꞌ li ra̱meb ut tinqꞌue chi cua̱nc saꞌ lix chꞌo̱leb. La̱inak lix Dioseb ut aꞌanakeb lin tenamit.

Isaías 41:20

Tinba̱nu chixjunil aꞌin re nak eb li tenamit teꞌxqꞌue retal nak la̱in li Ka̱cuaꞌ xinba̱nun re aꞌan. Teꞌxnau nak li Ka̱cuaꞌ lix Dioseb laj Israel quiba̱nun re chixjunil.

Salmos 81:6

Quicuabi jun xya̱b cux ma̱ jun sut cuabiom. Quixye: —Xexcuisi chak saꞌ li raylal aran Egipto. Chanchan nak xcuisi li i̱k saꞌ e̱be̱n nak xexcuisi chak saꞌ li cacuil trabaj li yo̱quex chixba̱nunquil aran Egipto.

Éxodo 16:12

—La̱in xcuabi nak yo̱queb chi cuechꞌi̱nc laj Israel. Ta̱ye reheb nak joꞌcaꞌin xinye la̱in. “Rajlal ecuu textiꞌok tib ut ekꞌela texcuaꞌak cua. Chi joꞌcan te̱nau nak la̱in li Ka̱cuaꞌ le̱ Dios”, chan li Dios.

Éxodo 6:6

Ta̱ye reheb laj Israel li tinye a̱cue anakcuan. La̱in li nimajcual Dios ut la̱in ajcuiꞌ tin-isi̱nk reheb saꞌ li cacuil trabaj saꞌ rukꞌeb laj Egipto. La̱in tincolok reheb saꞌ xya̱lal nak tinrahobtesiheb laj Egipto nak tincꞌut lin cuanquil chiruheb.

Éxodo 2:11

Laj Moisés quicui̱nkiloꞌ. Saꞌ jun li cutan co̱ chirilbaleb li ras ri̱tzꞌin ut quiril nak ra yo̱queb chixcꞌulbal. Quiril jun li cui̱nk aj Egipto yo̱ chixsacꞌbal jun aj hebreo rech tenamitil laj Moisés.

Éxodo 16:6

Queꞌchakꞌoc laj Moisés ut laj Aarón, ut queꞌxye reheb chixjunileb laj Israel: —Anakcuan saꞌ li ecuu aꞌin, la̱ex te̱nau nak li Ka̱cuaꞌ Dios, aꞌan li qui-isin chak e̱re saꞌ li tenamit Egipto.

Levítico 11:44

La̱in li Ka̱cuaꞌ le̱ Dios. Santobresihomak e̱rib re nak santakex xban nak santin la̱in. Me̱mux e̱rib xbaneb li xul li nequeꞌxjucu ribeb saꞌ chꞌochꞌ.

Levítico 11:45

La̱in li Ka̱cuaꞌ Dios. La̱in li quin-isin chak e̱re aran Egipto. La̱in le̱ Dios. Santobresinbilakex la̱ex xban nak santin la̱in.

Isaías 49:23

Eb li rey ut eb li reina chanchanakeb lix naꞌ xyucuaꞌeb la̱ tenamit. Eb li jalan tenamit teꞌxcubsi ribeb cha̱cuu. Teꞌxcuikꞌib ribeb cha̱cuu re xqꞌuebal a̱lokꞌal. Ut la̱at ta̱nau nak la̱in li Ka̱cuaꞌ ut eb li cauheb xchꞌo̱l cuiqꞌuin incꞌaꞌ teꞌchꞌina̱nk xchꞌo̱leb.

Isaías 49:26

La̱in tinqꞌueheb chixcamsinquil ribeb chi ribileb rib li queꞌrahobtesin a̱cue. Chanchan nak teꞌcala̱k xban li camsi̱nc xeꞌxba̱nu. Ut chixjunileb li tenamit teꞌxnau nak la̱in li Ka̱cuaꞌ, li nacoloc a̱cue. Teꞌxnau nak la̱in lix Dios laj Jacob ut cau cuib.—

Isaías 60:16

Eb lix ni̱nkal tenamit teꞌxqꞌue le̱ cha̱bil tzacae̱mk ut eb li rey teꞌxcꞌam chak lix biomaleb ut teꞌxqꞌue e̱re. Riqꞌuin aꞌin te̱qꞌue retal nak la̱in li Ka̱cuaꞌ xincoloc e̱re. La̱in lix Dios laj Jacob. Nim incuanquil. La̱in xintenkꞌan e̱re.

Isaías 63:8

Li Ka̱cuaꞌ quixye: —Aꞌaneb li cualal incꞌajol. Incꞌaꞌ tineꞌxbalakꞌi, chan. Joꞌcan nak quixcoleb.

Jeremías 30:22

Aꞌanakeb lin tenamit ut la̱inak lix Dioseb, chan li Dios.

Ezequiel 20:19

La̱in li Ka̱cuaꞌ le̱ Dios. Cheqꞌuehak saꞌ e̱chꞌo̱l li naxye saꞌ lin chakꞌrab. Cheba̱nuhak chi tzꞌakal li cꞌaꞌru ninye e̱re.

Génesis 26:3

Tatcana̱k saꞌ li naꞌajej aꞌin li cuancat cuiꞌ anakcuan. La̱in tinberesi̱nk a̱cue ut tatcuosobtesi. Chixjunil li chꞌochꞌ aꞌin tinqꞌue a̱cue la̱at ut reheb ajcuiꞌ la̱ cualal a̱cꞌajol re nak ta̱tzꞌaklok ru li contrato li quinba̱nu chak najter riqꞌuin la̱ yucuaꞌ, chan li Dios.

Génesis 28:13

Li Ka̱cuaꞌ Dios cuan chak toj saꞌ xbe̱n li escalera ut aꞌan quixye re laj Jacob: —La̱in li Ka̱cuaꞌ Dios. La̱in li quinixlokꞌoni chak laj Abraham la̱ xeꞌto̱nil yucuaꞌ. La̱in ajcuiꞌ li quinixlokꞌoni laj Isaac la̱ yucuaꞌ. La̱in tinqꞌue a̱cue li chꞌochꞌ li yo̱cat cuiꞌ chi hila̱nc anakcuan. Tinqꞌue ajcuiꞌ reheb la̱ cualal a̱cꞌajol.

Éxodo 7:17

Anakcuan, at faraón, la̱at ta̱qꞌue retal nak aꞌan li Ka̱cuaꞌ Dios, ut kꞌaxal nim xcuanquil. La̱in tinsacꞌ li nimaꞌ Nilo riqꞌuin lin xukꞌ. Ut riqꞌuin aꞌan ta̱quicꞌokꞌ li haꞌ.

Éxodo 13:3

Laj Moisés quixye reheb: —Saꞌ li cutan aꞌin re li po Abib xcꞌabaꞌ, li Ka̱cuaꞌ Dios xexrisi chak saꞌ li tenamit Egipto bar quexcꞌanjelac cuiꞌ chak chokꞌ rahobtesinbil mo̱s. Rajlal chihab texninkꞌei̱k re xjulticanquil li cutan aꞌin, ut me̱cuaꞌ li caxlan cua li cuan xchꞌamal. Chijulticokꞌ e̱re nak riqꞌuin xnimal xcuanquil li Dios quexrisi chak saꞌ li tenamit aꞌan.

Éxodo 13:14

Mokon chic le̱ ralal e̱cꞌajol teꞌxpatzꞌ e̱re cꞌaꞌru xya̱lal li nequeba̱nu. La̱ex te̱ye reheb, “Nakaba̱nu aꞌin re xjulticanquil nak riqꞌuin xnimal xcuanquilal li Dios corisi chak saꞌ li tenamit Egipto bar cocuan cuiꞌ chak chokꞌ rahobtesinbil mo̱s.

Éxodo 14:4

Ut la̱in tincacuubresi xchꞌo̱l laj faraón ut laj faraón texta̱ke la̱ex aj Israel re nak texsukꞌisi chak. Ut kꞌaxal cuiꞌchic ta̱nimobresi̱k lin cꞌabaꞌ xban laj faraón ut eb lix soldado. Ut eb laj Egipto teꞌxnau nak la̱in li Ka̱cuaꞌ Dios, chan li Dios re laj Moisés. Ut eb laj Israel queꞌxba̱nu joꞌ quixye li Ka̱cuaꞌ Dios.

Éxodo 14:18

Ut chixjunileb laj Egipto teꞌxqꞌue retal nak la̱in li tzꞌakal Dios. Teꞌxqꞌue incuanquil nak teꞌril nak kꞌaxal nim incuanquilal saꞌ xbe̱n laj faraón ut chixjunileb lix soldado joꞌ ajcuiꞌ eb lix carruaje, chan li Dios.

Éxodo 15:2

Li Ka̱cuaꞌ Dios naxqꞌue incuanquilal. Xban aꞌan ninbichan. Li Dios aꞌan quinixcol. Aꞌan lin Dios ut aꞌan tinlokꞌoni. Aꞌan ajcuiꞌ lix Dios lin yucuaꞌ ut aꞌan tinnima ru.

Éxodo 15:16

Chacuocsiheb taxak xxiuheb chixjunil li tenamit. Mem ta cheꞌcana̱k nak teꞌrabi lix nimal la̱ cuanquilal re nak la̱o li tenamit li xasicꞌ ru tonumekꞌ saꞌ xya̱nkeb.

Números 15:41

La̱in li Ka̱cuaꞌ le̱ Dios li quin-isin chak e̱re saꞌ li naꞌajej Egipto re nak la̱inak le̱ Dios. La̱in li Ka̱cuaꞌ le̱ Dios.

Deuteronomio 29:5

Chiru caꞌcꞌa̱l chihab nak la̱in xincꞌamoc be che̱ru saꞌ li chaki chꞌochꞌ, incꞌaꞌ x-osoꞌ le̱ rakꞌ chi moco le̱ xa̱b li cuan che̱rok.

Deuteronomio 29:12

Cuanquex arin anakcuan re nak te̱ba̱nu li contrato riqꞌuin li Ka̱cuaꞌ le̱ Dios. Riqꞌuin juramento tixba̱nu li contrato li Ka̱cuaꞌ,

1 Reyes 8:60

Choxtenkꞌa taxak re nak eb li tenamit li cuanqueb saꞌ ruchichꞌochꞌ teꞌxqꞌue retal nak li Ka̱cuaꞌ, aꞌan li tzꞌakal Dios. Ma̱cꞌaꞌ chic junak joꞌ aꞌan.

1 Reyes 20:28

Jun xprofeta li Ka̱cuaꞌ Dios quicuulac riqꞌuin li rey Acab ut quixye re: —Joꞌcaꞌin xye li Ka̱cuaꞌ. “Xban nak eb laj Siria xeꞌxye nak caꞌaj cuiꞌ saꞌ eb li tzu̱l cuan incuanquil ut xeꞌxye nak ma̱cꞌaꞌ incuanquil saꞌ li ru takꞌa, joꞌcan nak la̱in tinkꞌaxtesiheb laj Siria saꞌ a̱cuukꞌ, usta kꞌaxal nabaleb. La̱at ta̱nau nak la̱in li Ka̱cuaꞌ,” chan.

Nehemías 1:10

Joꞌcan ut, at Ka̱cuaꞌ, misach saꞌ a̱chꞌo̱l xban nak la̱o aj cꞌanjel cha̱cuu. La̱o la̱ cualal a̱cꞌajol li coa̱col riqꞌuin la̱ cuanquilal ut riqꞌuin la̱ metzꞌe̱u.

Salmos 100:3

Chenauhak nak li Ka̱cuaꞌ, aꞌan li tzꞌakal Dios. La̱o li ralal xcꞌajol. Aꞌan li quiyoꞌobtesin ke ut aꞌan ajcuiꞌ li na-iloc ke joꞌ jun li pastor narileb lix carner.

Isaías 51:15

La̱in li Ka̱cuaꞌ la̱ Dios. La̱in ninqꞌue chi ecꞌa̱nc li palau re nak ta̱ecꞌa̱nk ru. “Nimajcual Dios” incꞌabaꞌ.