Éxodo 6:4 - Li Santil hu

⁴ La̱in quinba̱nu lin contrato riqꞌuineb ut quinyechiꞌi reheb li naꞌajej Canaán. Yal aj numeleb nak queꞌhilan aran.

Q'eqchi Bible

⁴ Xink'ojob' ajwi' jun Sumwank rik'ineb' ut xinye li waatin naq tink'e reheb' li tenamit Kanahán, a' li ch'och' ke'xb'eeni chaq jo' aj numeleb'.

Éxodo 6:4 ပူးပေါင်းရင်းမြစ်များ

Génesis 28:4

Aꞌ taxak li Ka̱cuaꞌ Dios chi-osobtesi̱nk a̱cue, joꞌqueb ajcuiꞌ la̱ cualal a̱cꞌajol, joꞌ quixyechiꞌi re laj Abraham. La̱ex te̱re̱chani li chꞌochꞌ aꞌin li cuanco cuiꞌ anakcuan joꞌ aj numelo. Li chꞌochꞌ aꞌin yechiꞌinbil re laj Abraham xban li Ka̱cuaꞌ Dios, chan laj Isaac.

Génesis 15:18

Aꞌan aꞌin li retalil nak saꞌ li cutan aꞌan li Ka̱cuaꞌ Dios quixba̱nu jun li contrato riqꞌuin laj Abram. Ut li Dios quixye re laj Abram: —Li naꞌajej aꞌin tinqꞌue chokꞌ a̱cue ut chokꞌ reheb ajcuiꞌ la̱ cualal a̱cꞌajol li teꞌcua̱nk. Li naꞌajej li tinqꞌue reheb naticla chak cuan cuiꞌ li nimaꞌ re Egipto ut nocoxrakekꞌ cuan cuiꞌ li nimla nimaꞌ Éufrates, chan.

Génesis 26:3

Tatcana̱k saꞌ li naꞌajej aꞌin li cuancat cuiꞌ anakcuan. La̱in tinberesi̱nk a̱cue ut tatcuosobtesi. Chixjunil li chꞌochꞌ aꞌin tinqꞌue a̱cue la̱at ut reheb ajcuiꞌ la̱ cualal a̱cꞌajol re nak ta̱tzꞌaklok ru li contrato li quinba̱nu chak najter riqꞌuin la̱ yucuaꞌ, chan li Dios.

Hechos 7:5

Abanan li Dios incꞌaꞌ quixqꞌue xchꞌochꞌ laj Abraham aran. Chi ti̱c ma̱cꞌaꞌ quixqꞌue re. Abanan quixye re nak tixqꞌue chokꞌ reheb li ralal xcꞌajol li teꞌcua̱nk mokon usta toj ma̱ jun lix cocꞌal cuan.

Isaías 55:3

Cha̱lkex cuiqꞌuin. Cherabihak li cꞌaꞌru ninye. Cheba̱nuhak li cꞌaꞌru ninye ut ta̱cua̱nk e̱yuꞌam chi junelic. La̱in tinba̱nu jun li contrato e̱riqꞌuin. Texcuosobtesi chi junelic joꞌ xinyechiꞌi re laj David junxil.

Salmos 105:12

Moco nabaleb ta laj Israel nak quiyechiꞌi̱c lix naꞌajeb xban li Dios. Ut yal aj numeleb saꞌ li naꞌajej li cuanqueb cuiꞌ.

2 Samuel 23:5

Usta ma̱cuaꞌ joꞌcaneb li cualal incꞌajol riqꞌuin li Dios, abanan li Dios quixba̱nu li contrato cuiqꞌuin ut xakxo̱k xcuanquil chi junelic. Aꞌan xyehoc re chixjunil li cꞌaꞌak re ru aꞌin, ut tento ta̱uxma̱nk usta toj ma̱jiꞌ nacꞌulman. Ninnau nak laj Colol cue tixba̱nu li cꞌaꞌru nacuaj.

Génesis 28:13

Li Ka̱cuaꞌ Dios cuan chak toj saꞌ xbe̱n li escalera ut aꞌan quixye re laj Jacob: —La̱in li Ka̱cuaꞌ Dios. La̱in li quinixlokꞌoni chak laj Abraham la̱ xeꞌto̱nil yucuaꞌ. La̱in ajcuiꞌ li quinixlokꞌoni laj Isaac la̱ yucuaꞌ. La̱in tinqꞌue a̱cue li chꞌochꞌ li yo̱cat cuiꞌ chi hila̱nc anakcuan. Tinqꞌue ajcuiꞌ reheb la̱ cualal a̱cꞌajol.

Génesis 23:4

Quixye reheb: —La̱in chalenakin chak saꞌ jalan tenamit. Te̱ba̱nu usilal cꞌayihomak caꞌchꞌinak li naꞌajej re tinmuk lin camenak, chan.

Génesis 17:13

Tento nak chixjunileb la̱ cualal a̱cꞌajol teꞌxcꞌul li circuncisión. Joꞌcan ajcuiꞌ eb la̱ mo̱s cui̱nk. Chi joꞌcaꞌin ta̱cana̱k jun retalil riqꞌuin le̱ tzꞌejcual. Aꞌan retalil li contrato li xkaba̱nu chi kibil kib.

Génesis 17:4

Ut li Dios quixye ajcuiꞌ re laj Abram: —Li contrato li tinba̱nu a̱cuiqꞌuin, aꞌan aꞌin: La̱at tat-oc chokꞌ xxeꞌto̱nil yucuaꞌeb nabaleb chi tenamit, chan.

Génesis 15:13

Ut li Dios quixye re: —Tento nak ta̱nau nak la̱ cualal a̱cꞌajol teꞌxic chi najt saꞌ jalan tenamit ma̱cuaꞌ xtenamiteb aꞌan. Ut kꞌaxal ra teꞌxcꞌul aran. Teꞌqꞌuehekꞌ chokꞌ rahobtesinbil mo̱s. Ut chiru ca̱hib ciento (400) chihab teꞌcua̱nk saꞌ raylal, chan li Dios.

Génesis 6:18

La̱in tinba̱nu jun li contrato a̱cuiqꞌuin. Tat-oc saꞌ li jucub cab la̱at ut eb la̱ cualal ut la̱ cuixakil joꞌ eb ajcuiꞌ li rixakileb la̱ cualal teꞌoc saꞌ li jucub cab.

Génesis 12:7

Saꞌ li naꞌajej aꞌan quia̱tinac li Dios riqꞌuin laj Abram ut quixye re, —Saꞌ jun cutan tinqꞌue chixjunil li naꞌajej aꞌin reheb la̱ cualal a̱cꞌajol, chan li Dios. Joꞌcan nak laj Abram quixtus li pec ut quixyi̱b jun lix artal re xlokꞌoninquil li Ka̱cuaꞌ Dios.

Génesis 26:4

Teꞌnabalokꞌ la̱ cualal a̱cꞌajol joꞌ xqꞌuial li chahim chiru choxa. Chixjunil li chꞌochꞌ aꞌin tinqꞌue chokꞌ reheb la̱ cualal a̱cꞌajol. Chixjunileb li tenamit li teꞌcua̱nk saꞌ ruchichꞌochꞌ teꞌosobtesi̱k saꞌ xcꞌabaꞌeb la̱ cualal a̱cꞌajol, chan.

Números 10:29

Ut laj Moisés quia̱tinac riqꞌuin laj Hobab lix ba̱lc. Aꞌan li ralal laj Ragüel laj Madián. Quixye re: —La̱o xic ke saꞌ li naꞌajej li quixyechiꞌi ke li Ka̱cuaꞌ. Yoꞌo chikix ut la̱o takaba̱nu usilal a̱cue. Li Ka̱cuaꞌ quixye nak torosobtesi, chan.

Éxodo 6:8

La̱in texincꞌam saꞌ li naꞌajej li quinyechiꞌi reheb laj Abraham, laj Isaac ut laj Jacob. Relic chi ya̱l te̱re̱chani li naꞌajej saꞌ incꞌabaꞌ la̱in. La̱in li nimajcual Dios li nacoloc e̱re, chan li Dios.

Éxodo 13:5

Texninkꞌei̱k rajlal chihab saꞌ li po aꞌin nak cua̱nkex saꞌ li naꞌajej li yo̱ cuiꞌ che̱cꞌambal li Ka̱cuaꞌ Dios. Aꞌan li cha̱bil naꞌajej li quiyechiꞌi̱c reheb le̱ xeꞌto̱nil yucuaꞌ junxil ut te̱re̱chani ajcuiꞌ la̱ex. Aꞌan li naꞌajej cuanqueb cuiꞌ laj cananeo, laj heteo, laj amorreo, laj heveo ut laj jebuseo.

Salmos 105:11

Quixye reheb chi joꞌcaꞌin: —La̱in tinqꞌue e̱re li naꞌajej Canaán. Ut la̱ex tex-e̱chani̱nk re chi junaj cua, chan li Dios.