Éxodo 6:3 - Li Santil hu

³ La̱in quincꞌutbesi chiruheb laj Abraham, laj Isaac joꞌ ajcuiꞌ laj Jacob nak la̱in li nimajcual Dios. Aban incꞌaꞌ quincꞌutbesi chiruheb nak la̱in li Dios li nacoloc.

Q'eqchi Bible

³ Xink'ut wib' jo' Nimajwal Yos chiru laj Abrahán, laj Isahak ut laj Jakob, ab'anan ink'a' xink'eheb' chixnaw lintz'aqal k'ab'a': a' li Qaawa'.

Éxodo 6:3 ပူးပေါင်းရင်းမြစ်များ

Salmos 83:18

re nak chixjunileb teꞌxnau nak caꞌaj cuiꞌ la̱at li nimajcual Dios li cuan a̱cuanquil saꞌ xbe̱n chixjunil li ruchichꞌochꞌ.

Salmos 68:4

Chexbicha̱nk re xlokꞌoninquil li Dios. Chexbicha̱nk re xqꞌuebal xlokꞌal lix cꞌabaꞌ. Chenima ru li cuan saꞌ li chok li yo̱ chi cꞌamoc be. Nimajcual Dios lix cꞌabaꞌ. Chisahokꞌ taxak saꞌ le̱ chꞌo̱l riqꞌuin li Ka̱cuaꞌ.

Éxodo 3:14

Li Dios quixye cuiꞌchic re laj Moisés: —La̱in cuanquin chalen chak kꞌe cutan ut chalen anakcuan. La̱in li Dios. Ta̱ye reheb laj Israel nak La̱in xintaklan a̱cue.

Génesis 48:3

Ut laj Jacob quia̱tinac riqꞌuin laj José ut quixye re: —Li Ka̱cuaꞌ Dios li kꞌaxal nim xcuanquil, quicuulac cuiqꞌuin saꞌ li naꞌajej Luz, li cuan Canaán. Ut aran li Ka̱cuaꞌ Dios quinrosobtesi.

Génesis 17:1

Nak ac bele̱laju roꞌcꞌa̱l (99) chihab cuan re laj Abram, li Ka̱cuaꞌ Dios quixcꞌutbesi rib chiru ut quixye re: —La̱in li Ka̱cuaꞌ Dios li kꞌaxal nim incuanquil. Chatcua̱nk saꞌ xya̱lal chicuu ut ti̱cak a̱chꞌo̱l.

Isaías 44:6

Li Ka̱cuaꞌ li nimajcual Dios, lix Reyeb laj Israel ut laj Colol reheb naxye chi joꞌcaꞌin: —La̱in ac cuanquin ajcuiꞌ chak nak toj ma̱jiꞌ nayi̱ba̱c li ruchichꞌochꞌ. Ut cua̱nkin ajcuiꞌ saꞌ rosoꞌjic. Ma̱cꞌaꞌ junak chic dios chicuu la̱in. Caꞌaj cuiꞌ la̱in.

Génesis 35:11

Li Dios quixye re: —La̱in li Ka̱cuaꞌ Dios li kꞌaxal nim incuanquil. Chexqꞌui̱k ut cheꞌta̱mk la̱ cualal a̱cꞌajol. Riqꞌuineb la̱ cualal a̱cꞌajol teꞌcua̱nk li ni̱nki tenamit. Ut saꞌ xya̱nkeb ajcuiꞌ aꞌan teꞌcua̱nk ajcuiꞌ li rey.

Apocalipsis 1:4

La̱in laj Juan. Yo̱quin chi tzꞌi̱bac e̱riqꞌuin la̱ex li cuukub chꞌu̱talex chi aj pa̱banel li cuanquex aran Asia. Aꞌ taxak li usilal ut li tuktu̱quilal chicua̱nk e̱riqꞌuin li naxqꞌue li Dios li ac cuan chak saꞌ xticlajic, li cuan anakcuan, ut li cua̱nk chi junelic, ut li naxqꞌue li Santil Musikꞌej li cuan cuiꞌ lix lokꞌlaj cꞌojariba̱l li Ka̱cuaꞌ.

San Juan 8:58

Li Jesús quichakꞌoc ut quixye reheb: —Relic chi ya̱l tinye e̱re nak chalen chak saꞌ xticlajic nak toj ma̱jiꞌ nayoꞌla laj Abraham, ac cuanquin ajcuiꞌ chak la̱in, chan li Jesús.

Isaías 42:8

La̱in li Ka̱cuaꞌ. “Nimajcual Dios” incꞌabaꞌ. La̱in incꞌaꞌ nacuaj te̱qꞌue lin lokꞌal re jalan chic, chi moco naru te̱lokꞌoni li yi̱banbil dios xban nak caꞌaj cuiꞌ la̱in li tzꞌakal Dios.

Génesis 22:14

Ut laj Abraham quixqꞌue chokꞌ xcꞌabaꞌ li naꞌajej aꞌan, “Li Ka̱cuaꞌ Dios naxqꞌue chak li cꞌaꞌru napaltoc ke.” Ut chalen anakcuan nayeman, “Saꞌ lix tzu̱l li Ka̱cuaꞌ Dios naqꞌueheꞌ li cꞌaꞌru na-ajman ru”.

Génesis 13:18

Tojoꞌnak laj Abram quixjal lix naꞌajeb lix muheba̱l. Ut co̱ chi cua̱nc saꞌ li naꞌajej ji ru. Eb li cheꞌ ji, aꞌan re laj Mamre. Li naꞌajej aꞌin nachꞌ cuan riqꞌuin li tenamit Hebrón. Ut laj Abram quixyi̱b jun chic li artal aran re xlokꞌoninquil li Ka̱cuaꞌ Dios.

Génesis 28:3

Li Ka̱cuaꞌ Dios, li kꞌaxal nim xcuanquil, aꞌan taxak ta̱osobtesi̱nk a̱cue ut tixqꞌue chi qꞌuia̱nc la̱ cualal a̱cꞌajol. Riqꞌuineb aꞌan teꞌcua̱nk li ni̱nki tenamit.

Éxodo 15:3

Li Dios numtajenak xcuanquil saꞌ xbe̱neb li xicꞌ nequeꞌiloc ke. Ka̱cuaꞌ Dios xcꞌabaꞌ.

Éxodo 23:21

Chex-abi̱nk chiru ut cheba̱nu li cꞌaꞌru naxye. Me̱kꞌetkꞌeti e̱rib chiru xban nak aꞌan incꞌaꞌ tixcuy e̱ma̱c. Li cꞌaꞌru tixba̱nu aꞌan, tixba̱nu saꞌ incꞌabaꞌ la̱in.

Li xHu LIX RUT 1:20

Ut lix Noemí quixye reheb: —Me̱ye chic xNoemí cue; xMara chic te̱ye cue xban nak li nimajcual Dios xqꞌue jun nimla raylal saꞌ inbe̱n.

Jeremías 16:21

Li Dios quixye: —Joꞌcan nak la̱in tincꞌutbesi lin cuanquil chiruheb ut teꞌxqꞌue retal nak nim incuanquil. Ut teꞌxqꞌue ajcuiꞌ retal nak “Ka̱cuaꞌ Dios” incꞌabaꞌ.—

Jeremías 33:2

Li Ka̱cuaꞌ li quiyi̱ban re li ruchichꞌochꞌ ut quixxakab saꞌ xnaꞌaj, li nimajcual Dios xcꞌabaꞌ, quixye re laj Jeremías:

Ezequiel 20:5

Ta̱ye reheb nak la̱in li Ka̱cuaꞌ quintaksi li cuukꞌ ut quinba̱nu li juramento saꞌ li cutan nak quinsicꞌ ruheb chokꞌ intenamit laj Israel li ralal xcꞌajol laj Jacob. Ut quincꞌutbesi cuib chiruheb nak cuanqueb Egipto. Quintaksi li cuukꞌ ut quinye reheb: La̱inak li Ka̱cuaꞌ le̱ Dios.

Ezequiel 37:6

La̱in tinqꞌue cuiꞌchic le̱ richꞌ mul ut tinqꞌue cuiꞌchic le̱ tibel ut le̱ tzꞌu̱mal. Ut tinqꞌue cuiꞌchic le̱ musikꞌ re nak texcuacli̱k cuiꞌchic chi yoꞌyo. Ut riqꞌuin aꞌan te̱qꞌue retal nak la̱in li Ka̱cuaꞌ, chan.

Ezequiel 37:13

Ex intenamit, la̱ex te̱qꞌue retal nak la̱in li Ka̱cuaꞌ nak tinte li mukleba̱l li mukmu̱quex cuiꞌ ut texincuaclesi.