Éxodo 6:25 - Li Santil hu

²⁵ Laj Eleazar li ralal laj Aarón, quixcꞌam chokꞌ rixakil jun lix rabin laj Futiel. Ut quicuan li ralal riqꞌuin aj Finees xcꞌabaꞌ. Aꞌaneb li queꞌtaklan reheb li yucuaꞌbej saꞌ xya̱nkeb laj levitas. Aꞌaneb aꞌin li ralal xcꞌajol laj Eleazar.

Q'eqchi Bible

²⁵ Laj Elehasar, ralal laj Aharón, kixk'am cho'q rixaqil jun reheb' li xrab'in laj Putiel, ut rik'in a'an kiyo'laak laj Pinjás. A'aneb' a'in li xyuwa'ileb' li rochocheb' laj Leví, a' yaal chanru li xxe' xtoonaleb'.

Éxodo 6:25 ပူးပေါင်းရင်းမြစ်များ

Josué 24:33

Nak quicam laj Eleazar li ralal laj Aarón quimukeꞌ aran saꞌ jun li chꞌina tzu̱l li cuan saꞌ li naꞌajej li quiqꞌueheꞌ re laj Finees, li ralal laj Eleazar. Li naꞌajej aꞌan cuan saꞌ xya̱nkeb li tzu̱l re laj Efraín.

Jueces 20:28

Ut laj Finees, aꞌan laj tij saꞌ eb li cutan aꞌan. Laj Finees, aꞌan li ralal laj Eleazar. Ut laj Eleazar, aꞌan li ralal laj Aarón. Eb laj Israel queꞌxye re li Dios: —¿Ma us nak toxic cuiꞌchic cuulaj chi pletic riqꞌuineb li ralal xcꞌajol laj Benjamín, li kech aj Israelil, malaj ut incꞌaꞌ chic toxic? chanqueb. Ut li Ka̱cuaꞌ quixye reheb: —Texxic cuiꞌchic chi pletic riqꞌuineb xban nak cuulaj la̱in tinkꞌaxtesiheb saꞌ e̱rukꞌ, chan.

Josué 22:13

Eb laj Israel queꞌxtaklaheb saꞌ li naꞌajej Galaad laj Finees li ralal laj Eleazar laj tij riqꞌuineb li ralal xcꞌajol laj Rubén, li ralal xcꞌajol laj Gad ut li yijach li ralal xcꞌajol laj Manasés.

Números 31:6

Laj Moisés quixtaklaheb chi pletic jun mil reheb li junju̱nk xte̱paleb laj Israel. Ut quixtakla ajcuiꞌ laj Finees li ralal laj Eleazar laj tij. Laj Finees quixcꞌam li cꞌaꞌak re ru li queꞌrisi saꞌ li Lokꞌlaj Naꞌajej ut quixcꞌameb ajcuiꞌ li trompeta li teꞌxya̱basi nak teꞌoc chi pletic.

Números 26:57

Aꞌaneb aꞌin li ralal xcꞌajol laj Leví li queꞌajla̱c: eb li ralal xcꞌajol laj Gersón; eb li ralal xcꞌajol laj Coat; ut eb li ralal xcꞌajol laj Merari.

Esdras 7:5

Laj Buqui, aꞌan ralal laj Abisúa. Laj Abisúa, aꞌan ralal laj Finees. Ut laj Finees, aꞌan ralal laj Eleazar. Laj Eleazar, aꞌan ralal laj Aarón, li xbe̱n aj tij.