Éxodo 6:20 - Li Santil hu

²⁰ Laj Amram quixcꞌam chokꞌ rixakil li ri̱tzꞌin lix yucuaꞌ lix Jocabed xcꞌabaꞌ. Quicuan cuib li ralal riqꞌuin. Laj Aarón ut aj Moisés xcꞌabaꞌeb. Jun ciento riqꞌuin cuuklaju xcaꞌcꞌa̱l (137) chihab cuan re nak quicam.

Q'eqchi Bible

²⁰ Laj Amrán kixk'am cho'q rixaqil lix Yokébed, li rikan na', ut rik'in a'an ke'yo'laak laj Aharón ut laj Moisés. Chixjunil li xyu'am laj Amrán a'an wuqlaju xwuqk'aal (137) chihab'.

Éxodo 6:20 ပူးပေါင်းရင်းမြစ်များ

Números 26:59

Laj Amram quisumla riqꞌuin lix Jocabed, jun ixk xcomoneb li ralal xcꞌajol laj Leví. Quiyoꞌla nak cuanqueb aran Egipto. Lix cocꞌal laj Amram li queꞌcuan riqꞌuin lix Jocabed, aꞌaneb laj Aarón, laj Moisés ut lix María.

Éxodo 6:18

Aꞌaneb aꞌin li ralal laj Coat: laj Amram, laj Izhar, laj Hebrón ut laj Uziel. Jun ciento riqꞌuin oxlaju xcaꞌcꞌa̱l (133) chihab cuan re laj Coat nak quicam.

Éxodo 6:16

Aꞌaneb aꞌin lix cꞌabaꞌeb li ralal laj Leví: laj Gersón, laj Coat, ut laj Merari. Aꞌaneb li ralal xcꞌajol laj Leví. Jun ciento riqꞌuin cuuklaju xcaꞌcꞌa̱l (137) chihab cuan re laj Leví nak quicam.

Números 3:1

Aꞌaneb aꞌin li ralal xcꞌajol laj Aarón ut laj Moisés saꞌ eb li cutan nak li Ka̱cuaꞌ quia̱tinac riqꞌuin laj Moisés saꞌ li tzu̱l Sinaí.

Números 26:58

Aꞌaneb aꞌin li jun chꞌol chic li ralal xcꞌajol laj Leví: eb li ralal xcꞌajol laj Libni, eb li ralal xcꞌajol laj Hebrón, eb li ralal xcꞌajol laj Mahli, eb li ralal xcꞌajol laj Musi, ut eb li ralal xcꞌajol laj Coré. Laj Coat, aꞌan lix yucuaꞌ laj Amram.

1 Crónicas 23:13

Eb li ralal laj Amram, aꞌan laj Aarón ut laj Moisés. Laj Aarón, joꞌ eb ajcuiꞌ li ralal xcꞌajol, aꞌaneb li queꞌsiqꞌueꞌ ruheb chi cꞌanjelac chi junelic chiru li Dios chokꞌ aj tij re xba̱nunquil li santil cꞌanjel li kꞌaxal lokꞌ. Queꞌxakaba̱c chixcꞌatbal li incienso ut chi cꞌanjelac chiru li Ka̱cuaꞌ ut chixtzꞌa̱manquil chiru li Ka̱cuaꞌ nak ta̱rosobtesiheb li tenamit.

Josué 21:4

Ut nak queꞌbu̱lic chirix li naꞌajej li teꞌxcꞌul eb laj levita, li xbe̱n li queꞌtzꞌak, aꞌaneb li ralal xcꞌajol aj Coat li ralal laj Aarón laj tij. Oxlaju li tenamit li quiqꞌueheꞌ reheb xbaneb laj Judá, laj Simeón, ut laj Benjamín.