Éxodo 6:13 - Li Santil hu

¹³ Ut li Ka̱cuaꞌ Dios quia̱tinac riqꞌuin laj Moisés ut laj Aarón. Quixqꞌue li chakꞌrab reheb laj Israel joꞌ ajcuiꞌ laj faraón re nak teꞌisi̱k laj Israel saꞌ li tenamit Egipto.

Q'eqchi Bible

¹³ Toja' naq li Qaawa' kixye reheb' laj Moisés ut laj Aharón: “Yehomaq reheb' laj Israel ut re li awab'ej re Ejiipt: «Li Qaawa' xooxtaqla chaq chi risinkil li xtenamit sa' xch'och'eb' laj Ejiipt»”.

Éxodo 6:13 ပူးပေါင်းရင်းမြစ်များ

2 Timoteo 4:1

Nintzꞌa̱ma cha̱cuu saꞌ xcꞌabaꞌ li Dios nak ta̱chꞌolob lix ya̱lal. Ut nintzꞌa̱ma ajcuiꞌ saꞌ xcꞌabaꞌ li Ka̱cuaꞌ Jesucristo, li ta̱rakok a̱tin saꞌ xbe̱neb li yoꞌyo̱queb ut li camenakeb nak ta̱cha̱lk cuiꞌchic riqꞌuin lix nimal xcuanquil.

1 Timoteo 6:13

Saꞌ xcꞌabaꞌ li Dios li naqꞌuehoc yuꞌam, la̱in nintzꞌa̱ma cha̱cuu nak ta̱ba̱nu la̱ taklanquil. Ut nintzꞌa̱ma ajcuiꞌ cha̱cuu saꞌ xcꞌabaꞌ li Jesucristo li quichꞌoloban xya̱lal chi ma̱cꞌaꞌ xxiu chiru laj Poncio Pilato.

1 Timoteo 5:21

Joꞌ chiru li Dios, joꞌ chiru li Ka̱cuaꞌ Jesucristo, joꞌ ajcuiꞌ chiruheb li santil ángel, la̱in nintzꞌa̱ma cha̱cuu nak ta̱ba̱nu la̱ taklanquil yo̱quin chixyebal a̱cue. Ut incꞌaꞌ ta̱sicꞌ ru junak. Juntakꞌe̱takeb ban chixjunileb nak ta̱cuileb. Jun xxiquic nak ta̱kꞌuseb li ani cuanqueb xma̱c.

1 Timoteo 1:18

At Timoteo, chanchanat li cualal chicuu nak nacatcuil. Tinqꞌue a̱cue la̱ taklanquil joꞌ queꞌxye li profeta cha̱cuix junxil. Li a̱tin queꞌxye, aꞌan ta̱qꞌuehok xcacuil a̱chꞌo̱l chixba̱nunquil li cꞌanjel qꞌuebil a̱cue. Joꞌcan ut nak yal a̱kꞌe chi cꞌanjelac chiru li Ka̱cuaꞌ.

Salmos 91:11

Li Dios tixtaklaheb li ángel cha̱colbal. Eb aꞌan teꞌilok a̱cue yalak bar tatxic.

Deuteronomio 31:14

Li Ka̱cuaꞌ quixye re laj Moisés: —Cuulac re xkꞌehil nak tatca̱mk. Ta̱bok chak laj Josué ut saꞌ cuibal texxic saꞌ li tabernáculo re nak tinxakab laj Josué saꞌ xcꞌanjel, chan. Ut laj Moisés ut laj Josué queꞌco̱eb saꞌ li tabernáculo ut queꞌxakli chiru li Ka̱cuaꞌ.

Números 27:23

Quixqꞌue li rukꞌ saꞌ xjolom laj Josué ut quixxakab saꞌ xcꞌanjel joꞌ quiyeheꞌ re xban li Ka̱cuaꞌ.

2 Timoteo 2:4

Junak soldado incꞌaꞌ naru naxsicꞌ jalan xcꞌanjel xban nak ac sicꞌbil ru chokꞌ soldado. Naxqꞌue ban xchꞌo̱l chixba̱nunquil li nacuulac chiru li nataklan re.

1 Timoteo 6:17

Ta̱chꞌolob xya̱lal chiruheb li biom nak incꞌaꞌ teꞌxkꞌetkꞌeti ribeb chi moco teꞌxcꞌojob xchꞌo̱l saꞌ xbe̱n li biomal li na-osoꞌ. Cheꞌxqꞌue ban xchꞌo̱l chixyoꞌoninquil li yoꞌyo̱quil Dios. Aꞌan naqꞌuehoc ke chi nabal chixjunil li cꞌaꞌak re ru.

San Mateo 4:6

Ut laj tza quixye re: —Cui tzꞌakal ya̱l nak la̱at ralal li Dios, cut a̱cuib takꞌa. Ma̱cꞌaꞌ ta̱cꞌul xban nak joꞌcaꞌin tzꞌi̱banbil saꞌ li Santil Hu: Tixtaklaheb lix ángel cha̱cuilbal ut riqꞌuin rukꞌeb tateꞌxchap re nak incꞌaꞌ ta̱tochꞌ la̱ cuok chiru pec.— (Sal. 91:11-12)

Números 27:19

Ta̱cꞌam riqꞌuin laj Eleazar laj tij, ut ta̱xakab chiru ut chiruheb ajcuiꞌ chixjunileb laj Israel. Ut la̱at ta̱qꞌue li cꞌanjel saꞌ xbe̱n.

Éxodo 6:12

Laj Moisés quixye re li Ka̱cuaꞌ Dios: —La̱at nacanau nak eb laj Israel incꞌaꞌ nequeꞌxpa̱b li cua̱tin. Cui eb aꞌan incꞌaꞌ nequeꞌabin chicuu, ¿ma tojaꞌ ta chic laj faraón ta̱abi̱nk chicuu? La̱in incꞌaꞌ ninnau a̱tinac chi us, chan laj Moisés.

Éxodo 6:14

Aꞌaneb aꞌin li yucuaꞌbej saꞌ xya̱nkeb li ralal xcꞌajol laj Israel. Li xbe̱n ralal laj Israel, aꞌan laj Rubén. Ut eb li ralal laj Rubén, aꞌaneb aꞌin: laj Hanoc, laj Falú, laj Hezrón, ut laj Carmi. Aꞌaneb li ralal laj Rubén.

Éxodo 6:26

Aꞌ laj Aarón ut laj Moisés aꞌaneb li queꞌa̱tina̱c xban li Ka̱cuaꞌ Dios ut quixye reheb nak teꞌrisiheb laj Israel saꞌ li tenamit Egipto chi tzoltzo.