Éxodo 6:12 - Li Santil hu

¹² Laj Moisés quixye re li Ka̱cuaꞌ Dios: —La̱at nacanau nak eb laj Israel incꞌaꞌ nequeꞌxpa̱b li cua̱tin. Cui eb aꞌan incꞌaꞌ nequeꞌabin chicuu, ¿ma tojaꞌ ta chic laj faraón ta̱abi̱nk chicuu? La̱in incꞌaꞌ ninnau a̱tinac chi us, chan laj Moisés.

Q'eqchi Bible

¹² Kichaq'ok laj Moisés chiru li Qaawa': “Toq'ob' wu! -chan-. Wi eb' laj Israel ink'a' nikine'rab'i, ma toja' ta chik tinrab'i laj Parahón? Xb'aan naq ch'a'aj li aatinak chiwu”.

Éxodo 6:12 ပူးပေါင်းရင်းမြစ်များ

Éxodo 4:10

Tojoꞌnak quichakꞌoc laj Moisés ut quixye: —At Ka̱cuaꞌ, la̱in chꞌaꞌaj li a̱tinac chicuu. Ac cue nak incꞌaꞌ ninnau a̱tinac chalen chak saꞌ incaꞌchꞌinal. Ut chalen ajcuiꞌ anakcuan nak yo̱cat chicua̱tinanquil incꞌaꞌ ninnau a̱tinac, chan laj Moisés.

Jeremías 1:6

Ut la̱in quinchakꞌoc ut quinye: —At inDios, ¿cꞌaꞌru tinba̱nu? La̱in incꞌaꞌ ninnau a̱tinac xban nak toj sa̱jin, chanquin.

Éxodo 6:30

Ut laj Moisés quixye: —La̱in incꞌaꞌ ninnau a̱tinac chi us. ¿Chanru nak laj faraón tixpa̱b li cꞌaꞌru tinye la̱in? chan.

Jeremías 6:10

La̱in quinye re li Ka̱cuaꞌ: —¿Aniheb li tincua̱tinaheb? ¿Aniheb li tinqꞌueheb xnaꞌleb? ¿Ma teꞌraj ta biꞌ rabinquil li cꞌaꞌru tinye reheb? Eb aꞌan chanchan tzꞌaptzꞌo̱queb xxic. Incꞌaꞌ nequeꞌraj rabinquil la̱ cua̱tin. Xuta̱nal chokꞌ reheb nak nequeꞌrabi.

Hechos 7:51

La̱ex incꞌaꞌ nequetau xya̱lal. Kꞌaxal cau e̱chꞌo̱l. Chanchanex li incꞌaꞌ nequeꞌpa̱ban re li Dios. Junelic nequekꞌetkꞌeti e̱rib chiru li Santil Musikꞌej joꞌ queꞌxba̱nu le̱ xeꞌto̱nil yucuaꞌ.

Levítico 26:41

Ut la̱ex te̱qꞌue retal nak xma̱c aꞌan nak quebintakla saꞌ xtenamiteb li xicꞌ nequeꞌiloc e̱re. Nak te̱cubsi e̱rib ut te̱cꞌu̱luban saꞌ e̱be̱n lix tojbal rix le̱ ma̱c,

Éxodo 6:9

Laj Moisés quia̱tinac riqꞌuineb laj Israel joꞌ quiyeheꞌ re xban li Dios. Ut eb aꞌan incꞌaꞌ queꞌrabi li ra̱tin xban nak ac xeꞌchꞌinan xchꞌo̱leb ut tacuajenakeb xban lix cacuil trabaj.

Éxodo 3:13

Laj Moisés quixye re li Dios: —Nak tincuulak riqꞌuineb laj Israel, tinye reheb nak lix Dios lix xeꞌto̱nil yucuaꞌeb xtaklan cue. Ut eb aꞌan teꞌxpatzꞌ cue, “¿Ani xcꞌabaꞌ li Dios aꞌan?” Ut, ¿cꞌaꞌru tinye reheb? chan laj Moisés.

Jeremías 9:26

Tinqꞌueheb chixtojbal xma̱queb laj Egipto, eb laj Judá, eb laj Edom, ut eb laj Amón joꞌ eb ajcuiꞌ laj Moab. Tinqꞌueheb chixtojbal xma̱queb li cuanqueb saꞌ najtil tenamit ut saꞌ li chaki chꞌochꞌ. Incꞌaꞌ queꞌxcꞌul li circuncisión chixjunileb aꞌan. Joꞌcan eb ajcuiꞌ laj Israel. Incꞌaꞌ ti̱queb xchꞌo̱l xban nak incꞌaꞌ queꞌxjal xcꞌaꞌuxeb.—

Isaías 6:5

Tojoꞌnak quinye la̱in: —Tokꞌob xak cuu. La̱in jun cui̱nk aj ma̱c ut incꞌaꞌ us li na-el saꞌ xtzꞌu̱mal cue. Ut saꞌ xya̱nkeb li tenamit aj ma̱c cuanquin. Anakcuan tinca̱mk xban nak riqꞌuin xnakꞌ cuu xcuil ru li Rey, li Ka̱cuaꞌ li nimajcual Dios.—

Deuteronomio 30:6

Chanchan nak te̱ba̱nu li circuncisión nak li Ka̱cuaꞌ ta̱risi saꞌ le̱ ra̱m li incꞌaꞌ us, joꞌ tixba̱nu reheb le̱ ralal e̱cꞌajol re nak te̱ra li Ka̱cuaꞌ le̱ Dios chi anchal e̱chꞌo̱l ut chi anchal le̱ ra̱m ut ta̱cua̱nk le̱ yuꞌam chi junelic.

Éxodo 3:11

Ut laj Moisés quichakꞌoc ut quixye re li Dios: —¿Ma cuan ta biꞌ incuanquil la̱in nak tinxic riqꞌuin laj faraón ut tincuisiheb chak laj Israel? chan.

Éxodo 4:1

Tojoꞌnak laj Moisés quichakꞌoc ut quixye: —Eb laj Israel incꞌaꞌ tineꞌxpa̱b ut incꞌaꞌ teꞌraj rabinquil li cꞌaꞌru tinye. Eb aꞌan teꞌxye cue, “Li Ka̱cuaꞌ Dios incꞌaꞌ xcꞌutbesi rib cha̱cuu,” chaꞌkeb.—

Éxodo 6:13

Ut li Ka̱cuaꞌ Dios quia̱tinac riqꞌuin laj Moisés ut laj Aarón. Quixqꞌue li chakꞌrab reheb laj Israel joꞌ ajcuiꞌ laj faraón re nak teꞌisi̱k laj Israel saꞌ li tenamit Egipto.