Éxodo 5:22 - Li Santil hu

²² Tojoꞌnak laj Moisés quia̱tinac cuiꞌchic riqꞌuin li Ka̱cuaꞌ Dios ut quixye re: —Ka̱cuaꞌ, ¿cꞌaꞌut nak yo̱cat chixqꞌuebal saꞌ raylal li tenamit aꞌin? ¿Cꞌaꞌru aj e nak xina̱takla chak arin?

Q'eqchi Bible

²² Toja' naq kisutq'iik laj Moisés rik'in li Qaawa' ut kixye: “At Qaawa', k'a'ut naq nakarahob'tesi li tenamit a'in? K'a'ut naq xinaataqla chaq?

Éxodo 5:22 ပူးပေါင်းရင်းမြစ်များ

Jeremías 20:7

Laj Jeremías quixye: —At Ka̱cuaꞌ, la̱at xina̱balakꞌi ut la̱in xincanab cuib re tina̱balakꞌi. La̱at kꞌaxal cau a̱cuib chicuu la̱in. Joꞌcan nak xatnumta saꞌ inbe̱n. Rajlal cutan niquineꞌxhob li tenamit ut chixjunileb niquineꞌxseꞌe.

Habacuc 2:3

Li cꞌaꞌru tinye a̱cue saꞌ li visión, ta̱cꞌulma̱nk. Abanan, toj ma̱jiꞌ nacuulac xkꞌehil nak ta̱osokꞌ la̱ tenamit. Usta ta̱ba̱yk caꞌchꞌinak, abanan ta̱cuoybeni xban nak relic chi ya̱l nak ta̱cꞌulma̱nk li cꞌaꞌru tincꞌutbesi cha̱cuu.

Salmos 73:25

Caꞌaj cuiꞌ la̱at nacattenkꞌan cue. Ma̱ ani chic naru ta̱tenkꞌa̱nk cue, chi moco saꞌ choxa, chi moco saꞌ ruchichꞌochꞌ. Caꞌaj cuiꞌ a̱cuiqꞌuin nincꞌojob inchꞌo̱l.

1 Reyes 19:10

Laj Elías quichakꞌoc ut quixye: —La̱in narahoꞌ saꞌ inchꞌo̱l xban nak xinqꞌue inchꞌo̱l chi cꞌanjelac cha̱cuu, at nimajcual Dios. Eb li ralal xcꞌajol laj Israel xeꞌxcanab xba̱nunquil li naxye saꞌ li contrato li xaba̱nu riqꞌuineb. Ut xelajeꞌxpoꞌ la̱ artal ut xelajeꞌxcamsi chi chꞌi̱chꞌ eb la̱ profetas. Caꞌaj chic la̱in xincana injunes ut yo̱queb ajcuiꞌ chinsicꞌbal la̱in re tineꞌxcamsi, chan laj Elías.

1 Reyes 19:4

Ut laj Elías co̱ xjunes saꞌ li chaki chꞌochꞌ. Jun cutan quibe̱c. Nak yo̱ chi ecuu̱c, qui-oc chi hila̱nc rubel jun to̱n li cheꞌ enebro xcꞌabaꞌ. Quiraj raj ca̱mc ut xban xrahil xchꞌo̱l quixye re li Dios: —At Ka̱cuaꞌ, tzꞌakal li raylal ac xincꞌul. Us raj cui tina̱qꞌue chi ca̱mc. La̱in moco kꞌaxal cha̱bilin ta chiruheb lin xeꞌto̱nil yucuaꞌ, chan.

1 Samuel 30:6

Cꞌajoꞌ lix cꞌaꞌux laj David xban nak eb li cuanqueb rochben queꞌxye nak teꞌxcut chi pec laj David xban xrahil xchꞌo̱leb. Abanan li Ka̱cuaꞌ quixqꞌue xcacuilal xchꞌo̱l laj David.

Números 11:11

Joꞌcan nak laj Moisés quixye re li Ka̱cuaꞌ: —¿Cꞌaꞌut nak nacaba̱nu ra cue la̱in? La̱in laj cꞌanjel cha̱cuu. ¿Cꞌaꞌru inma̱c cha̱cuu nak yo̱cat chixqꞌuebal li i̱k saꞌ inbe̱n re xcꞌambal li tenamit aꞌin?

Éxodo 17:4

Laj Moisés quitijoc chiru li Ka̱cuaꞌ Dios ut quixye: —¿Cꞌaꞌru tinba̱nu riqꞌuineb li tenamit? Oqueb re chincamsinquil chi pec, chan.

Jeremías 12:1

Laj Jeremías quixye: —At Ka̱cuaꞌ, la̱at junelic ti̱c a̱chꞌo̱l ut incꞌaꞌ raj nacuaj xcuechꞌbal rix li cꞌaꞌru nacaba̱nu. Abanan nacuaj xpatzꞌbal a̱cue cꞌaꞌut nak nacꞌulman chi joꞌcaꞌin. ¿Cꞌaꞌut nak us nequeꞌel li nequeꞌxba̱nu li ma̱usilal? ¿Cꞌaꞌut nak junelic sa cuanqueb li incꞌaꞌ useb xnaꞌleb?

Jeremías 4:10

Laj Jeremías quixye: —At Ka̱cuaꞌ, at nimajcual Dios, relic chi ya̱l la̱at xabalakꞌiheb li tenamit. Xaye nak ta̱cua̱nk li tuktu̱quil usilal, abanan ca̱mc yo̱ chi cha̱lc saꞌ kabe̱n.

Josué 7:7

Laj Josué quixye: —At Ka̱cuaꞌ Dios, ¿cꞌaꞌut nak xoa̱qꞌue chak chi numecꞌ saꞌ li nimaꞌ Jordán yal re nak toa̱kꞌaxtesi saꞌ rukꞌeb laj amorreo re teꞌxsach ku? Kꞌaxal us raj chokꞌ ke nak xocana chak jun pacꞌal li nimaꞌ Jordán.