Éxodo 5:17 - Li Santil hu

¹⁷ Laj faraón quixye reheb: —La̱ex moco sacꞌahex ta. Joꞌcan nak incꞌaꞌ nequeraj trabajic. Xban aꞌan nak yo̱quex xyebal nak te̱raj xic chi mayejac chiru le̱ Dios.

Q'eqchi Bible

¹⁷ Kichaq'ok a'an ut kixye: “Aj q'emex, tz'aqal aj q'emex. Jo'kan naq nekeye: «Xikaqo chi mayejak chiru li Qaawa'».

Éxodo 5:17 ပူးပေါင်းရင်းမြစ်များ

San Juan 6:27

Mixic e̱chꞌo̱l caꞌaj cuiꞌ riqꞌuin xsicꞌbal li tzacae̱mk li na-osoꞌ. Cheqꞌuehak ban e̱chꞌo̱l chixsicꞌbal li tzacae̱mk li incꞌaꞌ nalaj na-osoꞌ. Aꞌan li junelic yuꞌam li ninqꞌue la̱in li Cꞌajolbej. Aꞌan aj e nak quixqꞌue incuanquil ut quinixtakla chak li Yucuaꞌbej, chan li Jesús.

San Mateo 26:8

Nak queꞌril aꞌan, eb lix tzolom queꞌjoskꞌoꞌ ut queꞌxye chi ribileb rib: —¿Cꞌaꞌut nak xsach li sununquil ban aꞌin chi ma̱cꞌaꞌ rajbal?

Éxodo 5:8

Ta̱qꞌuema̱nk ajcuiꞌ lix trabajeb joꞌ junxil. Incꞌaꞌ naru te̱cꞌos lix qꞌuial li xan li nequeꞌxba̱nu. Xban nak moco sacꞌaheb ta chic chi trabajic ut mas a̱leb, joꞌcan nak nequeꞌayaynac ut teꞌraj xic chi mayejac chiru lix Dioseb.

Éxodo 5:16

Incꞌaꞌ chic naqꞌueman li qꞌuim reheb li mo̱s ut chixjunil li nequeꞌtaklan nequeꞌxye ke, “Yi̱bomak li xan.” Ut sacꞌbilo chikajunilo xbaneb. Abanan ma̱cuaꞌ la̱o aj Israel cuan ke. Aꞌ ban la̱ tenamit cuanqueb re, chanqueb re laj faraón.

Éxodo 5:18

Ayukex. Ba̱nuhomak le̱ trabaj. Moco ta̱qꞌuehekꞌ ta chic le̱ qꞌuim. Ut li xan te̱kꞌaxtesi joꞌ xqꞌuial nequekꞌaxtesi rajlal, chan laj faraón.