Éxodo 5:12 - Li Santil hu

¹² Tojoꞌnak chixjunileb laj Israel queꞌxjeqꞌui rib saꞌ li tenamit Egipto chixsicꞌbaleb lix qꞌuim.

Q'eqchi Bible

¹² Toja' naq li tenamit ke'xjek'atq rib' sa' xsutam Ejiipt chi xsik'b'al yal pim jo' reeqaj li k'im.

Éxodo 5:12 ပူးပေါင်းရင်းမြစ်များ

1 Corintios 3:12

Cuan li teꞌcablak saꞌ xbe̱n li cimiento aꞌan riqꞌuin li cꞌaꞌak re ru najt naxcuy joꞌ li oro, li plata ut li terto̱quil pec. Ut cuan li teꞌcablak saꞌ xbe̱n riqꞌuin li incꞌaꞌ naxcuy joꞌ li cheꞌ, li cu̱c ut li qꞌuim. Lix ya̱lal aꞌan, aꞌin: nak cuan li teꞌcꞌanjelak chi cha̱bil chiru li Dios ut cuan incꞌaꞌ.

Nahum 1:10

Osoꞌjenakex chi cala̱c. Chanchanex li qꞌuix li naxbaqꞌui rib. Tex-osokꞌ joꞌ nak nacꞌat li chaki qꞌuim.

Abdías 1:18

Eb li ralal xcꞌajol laj Jacob chanchanakeb li xam. Eb li ralal xcꞌajol laj José chanchanakeb li rakꞌ xam. Ut eb li ralal xcꞌajol laj Esaú chanchan nak nacꞌat li qꞌuim nak teꞌosokꞌ. Teꞌsachekꞌ ruheb chi junaj cua li ralal xcꞌajol laj Esaú. Ma̱ jun saꞌ xya̱nkeb teꞌcolekꞌ. La̱in li Ka̱cuaꞌ xinyehoc re aꞌin.

Joel 2:5

Chanchanakeb lix ya̱b li qꞌuila carruaje nak teꞌtakekꞌ saꞌ xbe̱n li tzu̱l ut chanchanakeb lix ya̱b li xam li yo̱ chi cꞌatoc re li chaki xak cheꞌ. Ut chanchanakeb ajcuiꞌ jun tu̱b chi soldado ac xeꞌxcauresi rib re teꞌxic chi pletic.

Isaías 47:14

Eb aꞌan teꞌsachekꞌ ruheb. Incꞌaꞌ naru teꞌxcol rixeb. Chanchanakeb li qꞌuim nak teꞌcꞌatekꞌ riqꞌuin xam. Li xam aꞌan ma̱cuaꞌ re teꞌxkꞌixna ribeb. Re ban xsachbal ruheb.

Isaías 5:24

Xban le̱ ma̱usilal, la̱ex tex-osokꞌ joꞌ na-osoꞌ li qꞌuim ut li chaki pim nak nacꞌat xban xam. Joꞌ nak nakꞌa lix xeꞌ li acui̱mk ut li rutzꞌuꞌujil nachakic ut nasukꞌi poks, joꞌcan ajcuiꞌ nak tex-osokꞌ la̱ex xban nak nequetzꞌekta̱na lix chakꞌrab li nimajcual Dios. Nequetzꞌekta̱na li ra̱tin li Dios santo, lix Dioseb laj Israel.

Éxodo 15:7

Riqꞌuin xnimal la̱ cuanquilal xasacheb li queꞌxyal xnimobresinquil rib cha̱cuu. Cacꞌutbesi la̱ joskꞌil chiruheb ut quilajeꞌosoꞌ joꞌ nak na-osoꞌ li qꞌuim nak nacuteꞌ saꞌ xam.

Éxodo 5:11

Anakcuan la̱ex chic texxic chixxocbal le̱ qꞌuim yalak bar te̱tau chak. Li trabaj saꞌ xnaꞌajquilak ajcuiꞌ. Incꞌaꞌ ta̱cꞌosk xqꞌuial li xan nequeyi̱b, chanqueb.

Éxodo 5:13

Kꞌaxal cuiꞌchic xjoskꞌileb li nequeꞌtaklan saꞌ xbe̱neb ut queꞌxye reheb: —Te̱choy le̱ trabaj li nakꞌaxtesiman e̱re rajlal cutan joꞌ nequeba̱nu nak kꞌaxtesinbil le̱ qꞌuim junxil, chanqueb re.