Éxodo 40:34 - Li Santil hu

³⁴ Quicube chak li chok ut quixtzꞌap li tabernáculo. Ut quinujac li tabernáculo riqꞌuin xlokꞌal li Dios.

Q'eqchi Bible

³⁴ Toja' naq li choql kixmuheela li xMuheb'aal li ch'utam ut kinujak li Loq'laj Muheb'aal rik'in li xnimal xloq'al li Qaawa'.

Éxodo 40:34 ပူးပေါင်းရင်းမြစ်များ

Apocalipsis 15:8

Ut chanchan quinujac chi sib lix templo li Dios nak quinujac riqꞌuin xlokꞌal ut xcuanquilal li Dios. Ut ma̱ ani quiru qui-oc aran toj retal quinumeꞌ li cuukub chi raylal li yo̱queb chixcꞌambal chak li cuukub chi ángel.

2 Crónicas 7:2

Ut eb laj tij incꞌaꞌ queꞌru chi oc saꞌ lix templo li Ka̱cuaꞌ xban nak quinujac riqꞌuin lix lokꞌal.

Éxodo 29:43

Ut aran ajcuiꞌ tincua̱nk riqꞌuineb li ralal xcꞌajol laj Israel. Ut tinsantobresi li naꞌajej aꞌan riqꞌuin lin lokꞌal.

Éxodo 14:24

Nak yo̱ chi sake̱uc cuan li Ka̱cuaꞌ Dios saꞌ li chok ut saꞌ li xam. Quirileb laj Egipto ut quixtakla li raylal saꞌ xbe̱neb.

Levítico 16:2

Li Dios quixye re laj Moisés: —Ye re laj Aarón la̱ cuas nak incꞌaꞌ naru ta̱oc yalak jokꞌe cuan cuiꞌ li Lokꞌlaj Ca̱x. Cui na-oc yalak jokꞌe, naru nacam xban nak aran ninhilan la̱in saꞌ li chanchan chok saꞌ xbe̱n lix tzꞌapbal re li Lokꞌlaj Ca̱x li nacuyeꞌ cuiꞌ li ma̱c.

Éxodo 33:9

Nak laj Moisés na-oc saꞌ li tabernáculo, li chok nacube ut nacana saꞌ li oqueba̱l. Ut li Dios naa̱tinac riqꞌuin laj Moisés.

Apocalipsis 21:3

Ut quicuabi jun yo̱ chak chi a̱tinac cuan cuiꞌ li cꞌojariba̱l ut quixye chi cau xya̱b xcux: —Anakcuan ta̱cua̱nk li Dios riqꞌuineb li cristian. Aꞌanakeb li ralal xcꞌajol. Li Dios ta̱cua̱nk riqꞌuineb. Aꞌanak lix Dioseb.

Hageo 2:9

Li templo li te̱yi̱b la̱ex aꞌanak li kꞌaxal lokꞌ chiru li quicuan junxil. Ut tinqꞌueheb chi cua̱nc saꞌ tuktu̱quil usilal li cuanqueb saꞌ li naꞌajej aꞌin, chan li nimajcual Dios.

Hageo 2:7

Sicsotkeb xban xxiuheb chixjunileb li xni̱nkal ru tenamit ut teꞌxcꞌam chak arin saꞌ lin templo lix biomaleb ut ta̱nujak lin templo riqꞌuin lin lokꞌal, chan li Ka̱cuaꞌ Dios li kꞌaxal nim xcuanquil.

Isaías 6:4

Ut xban xya̱b xcuxeb, queꞌecꞌan saꞌ xnaꞌajeb li rokechal xpuertil li templo ut quinujac li sib saꞌ li templo.

2 Crónicas 5:13

Yo̱queb chixchꞌeꞌbal lix cuajbeb ut yo̱queb chi bicha̱nc chi junaj xya̱b lix cuxeb re xqꞌuebal xlokꞌal li Ka̱cuaꞌ. Queꞌxbicha xlokꞌal ut queꞌxye: Kꞌaxal cha̱bil li Ka̱cuaꞌ ut nim li ruxta̱n saꞌ kabe̱n junelic, chanqueb. Ut quinujac li templo riqꞌuin xlokꞌal li Dios. Chanchan li chok.

Éxodo 25:8

Ut te̱yi̱b junak li muheba̱l re nak ta̱ru̱k tincua̱nk aran saꞌ e̱ya̱nk.

Romanos 9:4

Aꞌan eb li ralal xcꞌajol laj Israel. Li Dios quixsiqꞌueb ru ut quixcꞌuleb chokꞌ ralal xcꞌajol, ut quixcꞌut lix lokꞌal chiruheb retalil nak cuan riqꞌuineb. Quixba̱nu li contrato riqꞌuineb ut quixqꞌue lix chakꞌrab reheb. Quicꞌuteꞌ chiruheb chanru teꞌxlokꞌoni li Dios saꞌ xya̱lal ut cuan cꞌaꞌ re ru quixyechiꞌi li Dios reheb.

Números 7:89

Nak laj Moisés qui-oc saꞌ li tabernáculo chi a̱tinac riqꞌuin li Ka̱cuaꞌ, quirabi xya̱b xcux li Ka̱cuaꞌ nak yo̱ chak chi a̱tinac saꞌ xyi li cuib chi querubines li cuan saꞌ xbe̱n lix tzꞌapbal re li Lokꞌlaj Ca̱x li cuan cuiꞌ lix contrato li Dios.

2 Samuel 7:6

Relic chi ya̱l nak la̱in incꞌaꞌ xincuan saꞌ junak cha̱bil cab chalen saꞌ li cutan nak quicuisiheb lin tenamit aran Egipto toj chalen anakcuan. Nincuan ban saꞌ li tabernáculo, li muheba̱l yi̱banbil riqꞌuin tꞌicr.

Ezequiel 10:4

Lix lokꞌal li Ka̱cuaꞌ qui-el saꞌ xbe̱neb li querubines ut co̱ saꞌ li oqueba̱l re li templo. Ut li templo quinujac riqꞌuin li chok. Ut li neba̱l cꞌajoꞌ nak quilemtzꞌun xban xlokꞌal li Ka̱cuaꞌ.

Éxodo 16:10

Ut nak laj Aarón yo̱ chi a̱tinac riqꞌuineb laj Israel, queꞌiloc saꞌ li chaki chꞌochꞌ ut aran queꞌril nak li Ka̱cuaꞌ Dios quixcꞌutbesi lix lokꞌal chiruheb saꞌ li chok.

Salmos 26:8

At Ka̱cuaꞌ, la̱in ninra la̱ cuochoch nacatcuan cuiꞌ, li naꞌajej li nacuan cuiꞌ lix nimal la̱ lokꞌal.

Isaías 57:15

Quixye ajcuiꞌ li santil Dios li nim xcuanquil ut yoꞌyo chi junelic: —La̱in nincuan saꞌ jun li Santil Naꞌajej li cuan takecꞌ. Ut nincuan ajcuiꞌ riqꞌuineb li tu̱laneb ut eb li nequeꞌxcubsi ribeb. La̱in ninqꞌue xcacuilal xchꞌo̱leb li nequeꞌxcubsi ribeb ut ninqꞌue ajcuiꞌ xcacuilal xchꞌo̱leb li nequeꞌyotꞌeꞌ xchꞌo̱l.