Éxodo 40:3 - Li Santil hu

³ Chi saꞌ li tabernáculo te̱qꞌue li Lokꞌlaj Ca̱x li cꞌu̱lanbil cuiꞌ li laje̱b chi chakꞌrab. Ut te̱tas xsaꞌ riqꞌuin jun li tꞌicr re xrambal li Lokꞌlaj Ca̱x.

Q'eqchi Bible

³ Aran taak'e li xLoq'laj Kaaxil li Sumwank, ut taatz'ap li Loq'laj Kaax rik'in li t'ikr.

Éxodo 40:3 ပူးပေါင်းရင်းမြစ်များ

Números 4:5

Nak oqueb re chixjalbal lix naꞌajeb laj Israel, laj Aarón ut eb li ralal teꞌoc chi saꞌ li tabernáculo ut teꞌrisi li nimla tꞌicr. Riqꞌuin aꞌan teꞌxtzꞌap li Lokꞌlaj Ca̱x li cuan cuiꞌ lix contrato li Ka̱cuaꞌ.

Éxodo 35:12

Teꞌxyi̱b li Lokꞌlaj Ca̱x ut li cheꞌ re xpakonquil ut teꞌxyi̱b ajcuiꞌ lix tzꞌapbal re joꞌ ajcuiꞌ li tꞌicr li ta̱cꞌanjelak chokꞌ tas.

Apocalipsis 11:19

Ut quicuil nak quiteheꞌ lix templo li Dios cuan saꞌ choxa. Ut quicꞌutun li Lokꞌlaj Ca̱x li cuan cuiꞌ li contrato saꞌ lix templo li Dios. Nareploc li rakꞌ ca̱k ut nabal li choki̱nc. Quicuan jun li hi̱c ut nabal li sakbach quitꞌaneꞌ nak quicuil.

Levítico 16:14

Laj Aarón tixcꞌam caꞌchꞌinak xquiqꞌuel li toro. Riqꞌuin li ruꞌuj rukꞌ tixrach li quicꞌ saꞌ xbe̱n lix tzꞌapbal re li Lokꞌlaj Ca̱x li nacana saꞌ releb sakꞌe ut chiru li Lokꞌlaj Ca̱x tixrach cuukub sut li quicꞌ aꞌan.

Éxodo 25:22

Ut aran saꞌ xbe̱n li Lokꞌlaj Ca̱x saꞌ xyi li cuib chi querubines li cuanqueb saꞌ xbe̱n lix tzꞌapbal re, la̱in tincua̱nk saꞌ musikꞌej. Aran tina̱tinak a̱cuiqꞌuin ut tinqꞌue a̱cue li chakꞌrab li ta̱qꞌue reheb li ralal xcꞌajol laj Israel.

Éxodo 26:31

Te̱yi̱b ajcuiꞌ jun li nimla tꞌicr riqꞌuin li nokꞌ azul, joꞌ ajcuiꞌ púrpura ut cak ut riqꞌuin li bakbil nokꞌ lino. Ut chokꞌ xsahob ru li tꞌicr aꞌan, te̱qꞌue li querubines chiru chi cha̱bil xyi̱banquil.

Éxodo 25:10

Te̱yi̱b junak Lokꞌlaj Ca̱x riqꞌuin li cha̱bil cheꞌ acacia xcꞌabaꞌ. Jun metro riqꞌuin laje̱b centímetro xnimal li rok. Ut o̱b xca̱cꞌa̱l (65) centímetro xnimal li ru ut o̱b xca̱cꞌa̱l (65) centímetro xteram.

Hebreos 9:3

Li naꞌajej li cuan jun pacꞌal li tꞌicr, aꞌan Lokꞌlaj Santil Naꞌajej xcꞌabaꞌ.

1 Crónicas 17:5

Relic chi ya̱l nak la̱in incꞌaꞌ xincuan saꞌ junak cha̱bil cab chalen saꞌ li cutan nak quicuisiheb lin tenamit aran Egipto toj chalen anakcuan. Nincuan ban saꞌ li tabernáculo, li muheba̱l yi̱banbil riqꞌuin tꞌicr.

Éxodo 31:7

Teꞌxyi̱b li tabernáculo, joꞌ ajcuiꞌ li Lokꞌlaj Ca̱x, ut lix tzꞌapbal, joꞌ ajcuiꞌ chixjunil li ta̱cꞌanjelak saꞌ li tabernáculo.

Éxodo 35:4

Laj Moisés quia̱tinac riqꞌuineb li ralal xcꞌajol laj Israel ut quixye reheb: —Aꞌan aꞌin li cꞌaꞌru xye li Ka̱cuaꞌ re takaba̱nu.

Éxodo 39:32

Joꞌcaꞌin nak queꞌrakeꞌ xyi̱banquil chixjunil li cꞌaꞌru ta̱cꞌanjelak re xyi̱banquil li tabernáculo. Eb laj Israel queꞌxba̱nu chixjunil chi tzꞌakal re ru joꞌ quiyeheꞌ re laj Moisés xban li Ka̱cuaꞌ.