Éxodo 40:29 - Li Santil hu

²⁹ Ut quixqꞌue li artal re li cꞌatbil mayej chiru li oqueba̱l re li tabernáculo. Ut aran quixcꞌat li mayej ut quixmayeja ajcuiꞌ li ru li acui̱mk joꞌ quiyeheꞌ re xban li Dios.

Q'eqchi Bible

²⁹ ut kiroksi ajwi' li artal reheb' li k'atb'il mayej sa' li Loq'laj Na'ajej, sa' rokeb'aal li xMuheb'aal li ch'utam; ut aran kixk'at mayej ut kimayejak, jo' tz'aqal kitaqlaak wi' xb'aan li Qaawa'.

Éxodo 40:29 ပူးပေါင်းရင်းမြစ်များ

Éxodo 40:6

Li artal re xcꞌatbal li mayej te̱qꞌue chiru li oqueba̱l re li tabernáculo.

Hebreos 13:10

La̱o cuan jun ka-artal. Aꞌan nak quixmayeja rib li Ka̱cuaꞌ Jesucristo chiru li cruz. Eb laj tij incꞌaꞌ naru teꞌxtzaca li mayej aꞌan joꞌ queꞌxba̱nu chak najter saꞌ li tabernáculo nak queꞌxmayeja li xul. (Naraj naxye nak li colba-ib incꞌaꞌ natauman riqꞌuin xba̱nunquil li chakꞌrab. Natauman ban riqꞌuin xpa̱banquil li Cristo.)

Hebreos 9:12

Li Ka̱cuaꞌ Jesucristo co̱ saꞌ li Lokꞌlaj Santil Naꞌajej saꞌ choxa. Aꞌan incꞌaꞌ quixmayeja xquiqꞌuel li chiba̱t chi moco ral cuacax. Quixmayeja ban lix lokꞌlaj quiqꞌuel. Jun sut ajcuiꞌ quixmayeja rib re xqꞌuebal li kacolbal chi junelic.

San Mateo 23:19

Ma̱cꞌaꞌ e̱naꞌleb ut mutzꞌex xban nak incꞌaꞌ nequetau xya̱lal. ¿Bar cuan li kꞌaxal nim xcuanquil? ¿Ma li mayej malaj aꞌ li artal li nasantobresin re li mayej?

Éxodo 40:28

Quixqꞌue jun li nimla tꞌicr saꞌ li oqueba̱l re li tabernáculo.

Éxodo 40:30

Quixqꞌue li pila saꞌ xyi li artal riqꞌuin li oqueba̱l re li tabernáculo ut quixqꞌue li haꞌ chi saꞌ re chꞌajoc.

2 Reyes 16:14

Quirisi saꞌ xnaꞌaj li artal li yi̱banbil riqꞌuin bronce li cuan chiru lix templo li Ka̱cuaꞌ ut quixqꞌue chixcꞌatk li artal li toj quixyi̱b laj Urías saꞌ li norte. Li artal bronce quicana saꞌ xyi li acꞌ artal ut lix templo li Ka̱cuaꞌ.

Ezequiel 43:18

Ut li cui̱nk quixye cue: —At ralal cui̱nk, joꞌcaꞌin xye li nimajcual Dios: Aꞌan aꞌin le̱ chakꞌrabinquil nak acak xeyi̱b li artal. Nak te̱mayeja le̱ cꞌatbil mayej, te̱rachrachi lix quiqꞌuel li xul saꞌ xbe̱n li artal.

Levítico 1:1

Li Dios quia̱tinac chak saꞌ li tabernáculo li nequeꞌxchꞌutub cuiꞌ ribeb li tenamit chi lokꞌoni̱nc. Quixbok laj Moisés ut quia̱tinac riqꞌuin.

Ezequiel 40:47

Chirix aꞌan li cui̱nk quixbis li neba̱l li cuan chi saꞌ. Ca̱ xucu̱t li naꞌajej. Laje̱b roxcꞌa̱l metro rok ut laje̱b roxcꞌa̱l metro ru. Li artal cuan chiru li templo.