Éxodo 40:20 - Li Santil hu

²⁰ Ut quixqꞌue li laje̱b chi chakꞌrab chi saꞌ li Lokꞌlaj Ca̱x ut quixyi̱b ajcuiꞌ li cheꞌ re xpakonquil. Quixqꞌue xtzꞌapbal re li Lokꞌlaj Ca̱x, li “Naꞌajej li Nacuyeꞌ cuiꞌ li Ma̱c” xcꞌabaꞌ.

Q'eqchi Bible

²⁰ Moqon chik kixchap li reetalil li Sumwank ut kiroksi sa' li Loq'laj Kaax; kixch'ikeb' li che' re xpaqonkil li Loq'laj Kaax, ut taqe'q kixk'e xtz'apb'al xb'een.

Éxodo 40:20 ပူးပေါင်းရင်းမြစ်များ

Éxodo 16:34

Laj Aarón quixba̱nu joꞌ quiyeheꞌ re laj Moisés xban li Ka̱cuaꞌ Dios. Quixcꞌu̱la li maná re nak mokon tixqꞌue saꞌ li naꞌajej ta̱cꞌu̱la̱k cuiꞌ li pec li tzꞌi̱banbil cuiꞌ li laje̱b chi chakꞌrab.

1 Juan 2:2

Li Jesucristo quicam re xtojbal rix li kama̱c. Moco caꞌaj ta cuiꞌ xban li kama̱c la̱o. Quicam aj ban cuiꞌ re xtojbal rix xma̱queb chixjunileb li cuanqueb saꞌ ruchichꞌochꞌ.

Hebreos 9:4

Aran cuan jun xcꞌatbal li pom yi̱banbil riqꞌuin oro, ut cuan ajcuiꞌ jun li Lokꞌlaj Ca̱x letzbil oro chirix. Chi saꞌ li Lokꞌlaj Ca̱x aꞌan cuan li xar oro bar cuiꞌ cꞌu̱lanbil li maná. Cꞌu̱lanbil ajcuiꞌ saꞌ li ca̱x lix xukꞌ laj Aarón li quituxmec ut qui-atzꞌumac. Ut cꞌu̱lanbil ajcuiꞌ aran li cuib chi pec ti̱c ru li tzꞌi̱banbil cuiꞌ li laje̱b chi chakꞌrab.

Hebreos 4:16

Chotijok chi anchal kachꞌo̱l chiru li nimajcual Dios. Aꞌan ta̱ril xtokꞌoba̱l ku ut riqꞌuin xnimal rusilal toxtenkꞌa nak cua̱nko saꞌ junak raylal.

Romanos 10:4

Nak quicꞌulun li Cristo saꞌ ruchichꞌochꞌ, quirakeꞌ xcꞌanjel li chakꞌrab li quiqꞌueheꞌ re laj Moisés xban li Dios. Ut chixjunileb li teꞌpa̱ba̱nk re li Cristo teꞌti̱cokꞌ xchꞌo̱leb chiru li Dios.

Romanos 3:25

Li Dios quixtakla chak li Ka̱cuaꞌ Jesucristo chi ca̱mc re xcuybal xma̱queb li teꞌpa̱ba̱nk re. Riqꞌuin li quixba̱nu quicꞌutun lix ti̱quilal xchꞌo̱l li Dios. Xban lix nimal xcuyum, incꞌaꞌ quixqꞌue saꞌ xchꞌo̱l lix ma̱queb li tenamit li queꞌma̱cob chak junxil.

San Mateo 3:15

Ut li Jesús quichakꞌoc ut quixye re: —Us takaba̱nu anakcuan xban nak tento ta̱uxma̱nk chixjunil li cꞌaꞌru naxye li Dios, chan. Tojoꞌnak quixcꞌu̱luban xchꞌo̱l laj Juan.

Salmos 40:8

At inDios, nacuulac chicuu xba̱nunquil li cꞌaꞌru nacacuaj. Junelic cuan saꞌ inchꞌo̱l la̱ chakꞌrab.

1 Reyes 8:9

Ma̱cꞌaꞌ cuan chi saꞌ li Lokꞌlaj Ca̱x aꞌan. Caꞌaj cuiꞌ li cuib pere̱l chi pec li tzꞌi̱banbil cuiꞌ li chakꞌrab. Laj Moisés quixqꞌueheb saꞌ li Lokꞌlaj Ca̱x aran Horeb nak li Dios quixba̱nu li contrato riqꞌuineb li ralal xcꞌajol laj Israel nak queꞌel chak saꞌ li tenamit Egipto.

Deuteronomio 10:5

Ut la̱in quincube cuiꞌchic riqꞌuineb ut quinqꞌue li pec saꞌ li ca̱x li quinyi̱b joꞌ quixye cue li Ka̱cuaꞌ. Ut aran xocxo anakcuan.

Éxodo 40:3

Chi saꞌ li tabernáculo te̱qꞌue li Lokꞌlaj Ca̱x li cꞌu̱lanbil cuiꞌ li laje̱b chi chakꞌrab. Ut te̱tas xsaꞌ riqꞌuin jun li tꞌicr re xrambal li Lokꞌlaj Ca̱x.

Éxodo 31:18

Nak quirakeꞌ chi a̱tinac li Dios riqꞌuin laj Moisés saꞌ li tzu̱l Sinaí, quixkꞌaxtesi li cuib chi perpo̱quil pec re, li quixtzꞌi̱ba cuiꞌ li chakꞌrab.

Éxodo 26:34

Te̱qꞌue lix tzꞌapbal re saꞌ xbe̱n li Lokꞌlaj Ca̱x li te̱qꞌue saꞌ li Lokꞌlaj Santil Naꞌajej.

Éxodo 40:19

Quixhel li xtꞌicrul li tabernáculo saꞌ xbe̱n li cheꞌ ut quixtzꞌap chi us riqꞌuin rix li xul. Quixba̱nu joꞌ quiyeheꞌ re xban li Dios.

1 Crónicas 15:3

Laj David quixchꞌutubeb chixjunileb laj Israel aran Jerusalén re nak teꞌxcꞌam lix Lokꞌlaj Ca̱x li Ka̱cuaꞌ saꞌ li naꞌajej li quixyi̱b laj David.

2 Crónicas 5:10

Ma̱cꞌaꞌ cuan chi saꞌ li Lokꞌlaj Ca̱x. Caꞌaj cuiꞌ li cuib chi perpo̱quil pec li quixqꞌue laj Moisés chi saꞌ nak cuan chak saꞌ li tzu̱l Horeb. Chiru li pec aꞌan tzꞌi̱banbil li contrato li quixba̱nu li Ka̱cuaꞌ riqꞌuineb laj Israel nak queꞌel chak saꞌ li tenamit Egipto.