Éxodo 40:18 - Li Santil hu

¹⁸ Laj Moisés quiyi̱ban re li tabernáculo. Quixyi̱b li xnaꞌaj li rokechal li tabernáculo ut quixxakabeb li okech saꞌ xbe̱n. Quixqꞌueheb li cheꞌ chi kꞌekꞌo chiru ut quixxakabeb ajcuiꞌ li cheꞌ li najt xteram li queꞌxtꞌuyub cuiꞌ li tꞌicr.

Q'eqchi Bible

¹⁸ Laj Moisés kixxaqab' li Loq'laj Muheb'aal, kixyiib' xna'ajeb' li roqechal, kixk'e sa' xna'ajeb' li tz'alamche', eb' li che' li te'kanaaq chi q'eq'o, ut kixxaqab'eb' li roqechal.

Éxodo 40:18 ပူးပေါင်းရင်းမြစ်များ

Apocalipsis 21:3

Ut quicuabi jun yo̱ chak chi a̱tinac cuan cuiꞌ li cꞌojariba̱l ut quixye chi cau xya̱b xcux: —Anakcuan ta̱cua̱nk li Dios riqꞌuineb li cristian. Aꞌanakeb li ralal xcꞌajol. Li Dios ta̱cua̱nk riqꞌuineb. Aꞌanak lix Dioseb.

1 Pedro 1:5

Xban nak nocopa̱ban, li Dios li kꞌaxal nim xcuanquil nocoril chi junelic re nak tocolekꞌ. Li colba-ib aꞌin ta̱cꞌutbesi̱k chi tzꞌakal re ru saꞌ rosoꞌjic li cutan.

1 Timoteo 3:15

Abanan ma̱re tinba̱yk chi cuulac. Joꞌcan nak yo̱quin chi tzꞌi̱bac a̱cuiqꞌuin re nak ta̱nau chanru teꞌcꞌanjelak li teꞌxakaba̱k chi cꞌanjelac saꞌ xya̱nkeb li nequeꞌpa̱ban re li yoꞌyo̱quil Dios. Ut la̱o aj pa̱banel, la̱o li nakaqꞌue xcuanquil ut nakacol rix li katijbal li tzꞌakal ya̱l.

Gálatas 4:4

Abanan nak quicuulac xkꞌehil, li Dios quixtakla li Ralal chi yoꞌla̱c saꞌ ruchichꞌochꞌ riqꞌuin jun li ixk. Ut quicuan ajcuiꞌ rubel xcuanquil li najter chakꞌrab.

San Mateo 16:18

Ut la̱in ninye a̱cue nak la̱at laj Pedro. Ut saꞌ xbe̱n li sako̱nac aꞌin la̱in tincabla lin iglesia ut laj tza ma̱cꞌaꞌak xcuanquil saꞌ xbe̱n.

Isaías 33:24

Ma̱ ani chic tixye “yajin”. Ut li Ka̱cuaꞌ tixcuy tixsach lix ma̱queb li cuanqueb Jerusalén. Ma̱ ani chic ta̱yaje̱rk xban nak cuybil chic lix ma̱queb li cuanqueb Jerusalén.

Levítico 26:11

La̱in tincua̱nk saꞌ e̱ya̱nk ut incꞌaꞌ texintzꞌekta̱na.

Éxodo 40:2

—Saꞌ xticlajic li xbe̱n po re li chihab te̱yi̱b li tabernáculo. Ut aran te̱chꞌutub e̱rib re tine̱lokꞌoni.

San Juan 1:14

Li Jesucristo quitzꞌejcualoꞌ ut tzꞌakal cui̱nk nak quicuan arin saꞌ kaya̱nk. Cꞌajoꞌ li rusilal ut aꞌan naxcꞌut lix ya̱lal. Aꞌan li Ralal li Dios li junaj chi ribil ut la̱o xkil lix lokꞌal.

Éxodo 40:17

Saꞌ xticlajic li xbe̱n po re li xcab chihab, queꞌxyi̱b li tabernáculo.

Éxodo 40:19

Quixhel li xtꞌicrul li tabernáculo saꞌ xbe̱n li cheꞌ ut quixtzꞌap chi us riqꞌuin rix li xul. Quixba̱nu joꞌ quiyeheꞌ re xban li Dios.

2 Samuel 7:6

Relic chi ya̱l nak la̱in incꞌaꞌ xincuan saꞌ junak cha̱bil cab chalen saꞌ li cutan nak quicuisiheb lin tenamit aran Egipto toj chalen anakcuan. Nincuan ban saꞌ li tabernáculo, li muheba̱l yi̱banbil riqꞌuin tꞌicr.