Éxodo 4:5 - Li Santil hu

⁵ Ut li Dios quixye re: —Ba̱nu chi joꞌcan chiruheb laj Israel re nak eb aꞌan teꞌxpa̱b nak la̱in lix Dios lix xeꞌto̱nil yucuaꞌeb laj Abraham, laj Isaac ut laj Jacob. La̱in xincꞌutbesi cuib cha̱cuu.—

Q'eqchi Bible

⁵ “B'aanu chi jo'kan chiruheb' laj Israel re naq te'xpaab' naq li Qaawa' xk'utb'esi rib' chawu, a' li xYos li xxe'toonil yuwa'eb', li xYos laj Abrahán, laj Isahak ut laj Jakob”, chan li Qaawa'.

Éxodo 4:5 ပူးပေါင်းရင်းမြစ်များ

Éxodo 19:9

Li Ka̱cuaꞌ Dios quixye re laj Moisés: —Re nak tateꞌxpa̱b chi junelic laj Israel, la̱in tina̱tinak a̱cuiqꞌuin saꞌ jun chok moymo ru ut eb aꞌan teꞌrabi nak yo̱kin chi a̱tinac a̱cuiqꞌuin.— Ut laj Moisés quixye reheb laj Israel li cꞌaꞌru quixye li Dios.

Éxodo 3:15

Li Dios quixye cuiꞌchic re laj Moisés: —Joꞌcaꞌin ta̱ye reheb laj Israel, “Li nimajcual Dios xtaklan chak cue. Aꞌan li Dios li queꞌxlokꞌoni eb le̱ xeꞌto̱nil yucuaꞌ laj Abraham, laj Isaac ut laj Jacob.” Nimajcual Dios incꞌabaꞌ ut aꞌan tincꞌabaꞌin chi junelic kꞌe cutan.—

Génesis 48:3

Ut laj Jacob quia̱tinac riqꞌuin laj José ut quixye re: —Li Ka̱cuaꞌ Dios li kꞌaxal nim xcuanquil, quicuulac cuiqꞌuin saꞌ li naꞌajej Luz, li cuan Canaán. Ut aran li Ka̱cuaꞌ Dios quinrosobtesi.

Génesis 26:2

Ut li Ka̱cuaꞌ Dios quixcꞌutbesi rib chiru laj Isaac ut quixye re: —Matxic saꞌ li tenamit Egipto. Tatcua̱nk saꞌ li naꞌajej li tinye a̱cue.

Génesis 18:1

Nak ac xnumeꞌ cuaꞌleb, laj Abraham chunchu chire lix muheba̱l saꞌ li naꞌajej ji ru. Eb li cheꞌ ji, aꞌan re laj Mamre. Quicuulac li Ka̱cuaꞌ Dios riqꞌuin. Joꞌcaꞌin nak quixcꞌutbesi rib li Dios chiru laj Abraham.

Génesis 12:7

Saꞌ li naꞌajej aꞌan quia̱tinac li Dios riqꞌuin laj Abram ut quixye re, —Saꞌ jun cutan tinqꞌue chixjunil li naꞌajej aꞌin reheb la̱ cualal a̱cꞌajol, chan li Dios. Joꞌcan nak laj Abram quixtus li pec ut quixyi̱b jun lix artal re xlokꞌoninquil li Ka̱cuaꞌ Dios.

San Juan 11:42

La̱in ninnau nak junelic niquina̱cuabi. Abanan ninye a̱cue aꞌin re nak eb li cuanqueb arin teꞌril li cꞌaꞌru tinba̱nu ut teꞌxpa̱b nak la̱at xattaklan chak cue, chan li Jesús nak quitijoc.

Éxodo 4:31

Ut li cristian queꞌxpa̱b li cꞌaꞌru queꞌyeheꞌ re. Queꞌrabi nak li Ka̱cuaꞌ Dios quixnau li raylal li yo̱queb chixcꞌulbal ut quixtokꞌoba ruheb, queꞌxxulub lix jolomeb ut queꞌxlokꞌoni li Ka̱cuaꞌ Dios.

Hechos 7:2

Quichakꞌoc laj Esteban ut quixye: —Ex cuas cui̱tzꞌin ut la̱ex li nequexcꞌamoc be, abihomak li oc cue chixyebal. Li Dios li kꞌaxal lokꞌ quixcꞌutbesi rib chiru laj Abraham li kaxeꞌto̱nil yucuaꞌ nak cuan aran Mesopotamia nak toj ma̱jiꞌ naxic chi cua̱nc saꞌ li naꞌajej Harán.

San Juan 20:31

Abanan li joꞌ qꞌuial tzꞌi̱banbil retalil saꞌ li hu aꞌin, quitzꞌi̱ba̱c re nak te̱pa̱b nak li Jesús, aꞌan li Cristo. Aꞌan li Ralal li Dios. Quitzꞌi̱ba̱c re nak riqꞌuin xpa̱banquil ta̱cua̱nk e̱yuꞌam chi junelic saꞌ xcꞌabaꞌ aꞌan.

San Juan 20:27

Tojoꞌnak quixye re laj Tomás: —Il chi us li cuukꞌ. Chꞌic li ruꞌuj la̱ cuukꞌ arin saꞌ xnaꞌaj li claux. Ut chꞌic la̱ cuukꞌ saꞌ xcꞌatk lin saꞌ. Chatpa̱ba̱nk. ¿Cꞌaꞌut nak incꞌaꞌ xapa̱b nak xincuacli cuiꞌchic chi yoꞌyo?—

San Juan 11:15

Abanan nasahoꞌ saꞌ inchꞌo̱l nak ma̱ anihin chak aran nak xcam re nak la̱ex te̱pa̱b nak cuan incuanquil. Yoꞌkeb riqꞌuin, chan li Jesús.

San Juan 5:36

Li cꞌaꞌru quixchꞌolob laj Juan chicuix, aꞌan ya̱l. Abanan riqꞌuin li cꞌaꞌru ninba̱nu, kꞌaxal cuiꞌchic naxcꞌut chi tzꞌakal anihin la̱in. La̱in ninba̱nu li cꞌaꞌru quixye cue li Yucuaꞌbej. Li cꞌaꞌru ninba̱nu la̱in, aꞌan naxcꞌut nak taklanbilin xban li Yucuaꞌbej.

Jeremías 31:3

Li Ka̱cuaꞌ quixcꞌutbesi rib chiruheb laj Israel junxil ut quixye reheb: —La̱in junelic ninrahoc e̱re. Joꞌcan nak junelic nacuuxta̱na e̱ru.

Isaías 7:9

Li tenamit Samaria, aꞌan lix nimal ru tenamit saꞌ xnaꞌajeb li ralal xcꞌajol laj Efraín. Ut laj Peka li ralal laj Remalías, aꞌan lix reyeb. Cui incꞌaꞌ cau e̱chꞌo̱l saꞌ le̱ pa̱ba̱l joꞌcan ajcuiꞌ te̱cꞌul joꞌ li teꞌxcꞌul li ralal xcꞌajol laj Efraín.—

2 Crónicas 20:20

Cuulajak chic nak toj ekꞌela queꞌcuacli ut queꞌco̱eb saꞌ li chaki chꞌochꞌ Tecoa. Nak ac e̱lqueb re, laj Josafat quixakli chiruheb ut quixye reheb: —Cherabihak la̱ex aj Judá ut la̱ex aj Jerusalén. Chepa̱b li Ka̱cuaꞌ le̱ Dios re nak aꞌan ta̱tenkꞌa̱nk e̱re. Ut cꞌojobomak e̱chꞌo̱l riqꞌuineb lix profetas re nak us tex-e̱lk, chan.

Éxodo 4:1

Tojoꞌnak laj Moisés quichakꞌoc ut quixye: —Eb laj Israel incꞌaꞌ tineꞌxpa̱b ut incꞌaꞌ teꞌraj rabinquil li cꞌaꞌru tinye. Eb aꞌan teꞌxye cue, “Li Ka̱cuaꞌ Dios incꞌaꞌ xcꞌutbesi rib cha̱cuu,” chaꞌkeb.—

Éxodo 3:18

Eb aꞌan teꞌrabi la̱ cua̱tin. La̱at ut eb li cui̱nk li nequeꞌcꞌamoc be saꞌ xya̱nkeb laj Israel texxic riqꞌuin lix reyeb laj Egipto ut te̱ye re, “Li nimajcual Dios li nequeꞌxlokꞌoni laj hebreo, aꞌan quixcꞌutbesi rib chiku. Choa̱canab chi xic saꞌ li chaki chꞌochꞌ oxib cutan chi be. Aran tomayejak chiru li Ka̱cuaꞌ Dios”, chaꞌkex re.

Éxodo 3:6

Ut li Dios quixye ajcuiꞌ: —La̱in lix Dios la̱ xeꞌto̱nil yucuaꞌ. La̱in lix Dios laj Abraham, laj Isaac ut laj Jacob, chan. Laj Moisés quixucuac chirilbal li Dios ut quixmuk li ru.

Génesis 17:1

Nak ac bele̱laju roꞌcꞌa̱l (99) chihab cuan re laj Abram, li Ka̱cuaꞌ Dios quixcꞌutbesi rib chiru ut quixye re: —La̱in li Ka̱cuaꞌ Dios li kꞌaxal nim incuanquil. Chatcua̱nk saꞌ xya̱lal chicuu ut ti̱cak a̱chꞌo̱l.

Hebreos 11:16

Aban queꞌroybeni jun naꞌajej kꞌaxal cha̱bil, aꞌ li santil choxa. Joꞌcan nak li Dios incꞌaꞌ naxuta̱nac chixyebal nak aꞌan lix Dioseb xban nak quixcꞌu̱b jun li naꞌajej chokꞌ reheb.

Génesis 28:13

Li Ka̱cuaꞌ Dios cuan chak toj saꞌ xbe̱n li escalera ut aꞌan quixye re laj Jacob: —La̱in li Ka̱cuaꞌ Dios. La̱in li quinixlokꞌoni chak laj Abraham la̱ xeꞌto̱nil yucuaꞌ. La̱in ajcuiꞌ li quinixlokꞌoni laj Isaac la̱ yucuaꞌ. La̱in tinqꞌue a̱cue li chꞌochꞌ li yo̱cat cuiꞌ chi hila̱nc anakcuan. Tinqꞌue ajcuiꞌ reheb la̱ cualal a̱cꞌajol.

Génesis 48:15

Ut laj Israel quirosobtesi laj José nak quixye re chi joꞌcaꞌin: —Li Ka̱cuaꞌ Dios li x-osobtesin chak reheb lin yucuaꞌ laj Abraham, joꞌ eb ajcuiꞌ laj Isaac, aꞌan ajcuiꞌ li Ka̱cuaꞌ Dios li yo̱ chi iloc chak cue chalen anakcuan;

Éxodo 3:4

Quiril li Ka̱cuaꞌ Dios nak laj Moisés quijiloc chixcꞌatk. Ut saꞌ li qꞌuix li yo̱ chi cꞌatc, quia̱tinac li Dios ut quixye: —At Moisés, chan. Laj Moisés quixye: —Cueꞌquin, chan.

Éxodo 3:16

Li Dios quixye cuiꞌchic re laj Moisés: —Ayu ut ta̱chꞌutubeb li cui̱nk li nequeꞌcꞌamoc be saꞌ xya̱nkeb laj Israel. Ut ta̱ye reheb, “Li nimajcual Dios li queꞌxlokꞌoni laj Abraham, laj Isaac ut laj Jacob, aꞌan xcꞌutbesi rib chicuu. Joꞌcaꞌin quixye cue: Xexcuil ut ninnau chixjunil li cꞌaꞌru yo̱quex chixcꞌulbal arin Egipto.

Éxodo 4:4

Tojoꞌnak li Ka̱cuaꞌ Dios quixye cuiꞌchic re laj Moisés: —Chap chi xye li cꞌantiꞌ, chan. Ut laj Moisés quixchap li cꞌantiꞌ. Ut saꞌ li rukꞌ quisukꞌi cuiꞌchic chokꞌ xukꞌ.

1 Reyes 18:36

Nak quicuulac x-o̱ril xcꞌatbal li mayej, li profeta Elías quixye: —At nimajcual Dios, la̱at lix Dios laj Abraham, laj Isaac ut laj Israel. Chicꞌutu̱nk taxak chiruheb anakcuan nak la̱at li tzꞌakal Dios arin Israel ut nak la̱in laj cꞌanjel cha̱cuu. Ut li cꞌaꞌru yo̱quin chixba̱nunquil anakcuan, la̱at xattaklan cue chixba̱nunquil.