Éxodo 4:31 - Li Santil hu

³¹ Ut li cristian queꞌxpa̱b li cꞌaꞌru queꞌyeheꞌ re. Queꞌrabi nak li Ka̱cuaꞌ Dios quixnau li raylal li yo̱queb chixcꞌulbal ut quixtokꞌoba ruheb, queꞌxxulub lix jolomeb ut queꞌxlokꞌoni li Ka̱cuaꞌ Dios.

Q'eqchi Bible

³¹ Eb' laj Israel ke'xpaab' ut, naq ke'rab'i naq li Qaawa' xulrula'ani li xtenamit ut xk'e reetal li xrahilaleb', ke'xhupub' rib' chi loq'onink.

Éxodo 4:31 ပူးပေါင်းရင်းမြစ်များ

Éxodo 3:18

Eb aꞌan teꞌrabi la̱ cua̱tin. La̱at ut eb li cui̱nk li nequeꞌcꞌamoc be saꞌ xya̱nkeb laj Israel texxic riqꞌuin lix reyeb laj Egipto ut te̱ye re, “Li nimajcual Dios li nequeꞌxlokꞌoni laj hebreo, aꞌan quixcꞌutbesi rib chiku. Choa̱canab chi xic saꞌ li chaki chꞌochꞌ oxib cutan chi be. Aran tomayejak chiru li Ka̱cuaꞌ Dios”, chaꞌkex re.

San Lucas 8:13

Ut li iyaj li quinak saꞌ xya̱nk li pec, aꞌan retalileb li nequeꞌabin re li ra̱tin li Dios ut nequeꞌxpa̱b chi saheb saꞌ xchꞌo̱l. Abanan incꞌaꞌ nacana saꞌ xchꞌo̱leb. Nak nayaleꞌ rix lix pa̱ba̱leb, incꞌaꞌ nequeꞌxcuy xnumsinquil. Nachꞌinan ban xchꞌo̱leb.

Éxodo 12:27

la̱ex te̱chꞌolob xya̱lal chiruheb ut te̱ye reheb: —Aꞌin li kamayej re li ninkꞌe pascua re xjulticanquil chanru nak coxcol li Ka̱cuaꞌ Dios nak quinumeꞌ saꞌ li tenamit Egipto chixcamsinquil li xbe̱n ralaleb, chan laj Moisés. Ut eb laj Israel quilajeꞌxxulub xjolomeb ut queꞌxlokꞌoni li Ka̱cuaꞌ Dios.

Éxodo 3:16

Li Dios quixye cuiꞌchic re laj Moisés: —Ayu ut ta̱chꞌutubeb li cui̱nk li nequeꞌcꞌamoc be saꞌ xya̱nkeb laj Israel. Ut ta̱ye reheb, “Li nimajcual Dios li queꞌxlokꞌoni laj Abraham, laj Isaac ut laj Jacob, aꞌan xcꞌutbesi rib chicuu. Joꞌcaꞌin quixye cue: Xexcuil ut ninnau chixjunil li cꞌaꞌru yo̱quex chixcꞌulbal arin Egipto.

Éxodo 2:25

Li Dios quixqꞌue retal li raylal li yo̱queb chixcꞌulbal eb laj Israel ut quiril xtokꞌoba̱l ruheb.

Génesis 24:26

Nak quirabi aꞌan, lix mo̱s laj Abraham quixxulub lix jolom ut qui-oc chixlokꞌoninquil li Ka̱cuaꞌ Dios.

1 Crónicas 29:20

Chirix aꞌan laj David quixye reheb chixjunileb li tenamit li chꞌutchꞌu̱queb aran: —Lokꞌonihomak li Ka̱cuaꞌ li kaDios, chan. Ut chixjunileb queꞌxlokꞌoni li Ka̱cuaꞌ, lix Dioseb lix xeꞌto̱nil yucuaꞌ. Queꞌxcuikꞌib ribeb saꞌ chꞌochꞌ chiru li Ka̱cuaꞌ ut chiru ajcuiꞌ li rey.

Éxodo 3:7

Li Ka̱cuaꞌ Dios quixye re: —La̱in yo̱quin chirilbal li raylal li yo̱queb chixcꞌulbal lin tenamit li cuanqueb Egipto. Yo̱quin chirabinquil nak yo̱queb chixkꞌokonquil ribeb saꞌ rukꞌeb li nequeꞌtaklan reheb saꞌ joskꞌil. Ninnau nak kꞌaxal nayotꞌeꞌ xchꞌo̱leb xban nak rahobtesinbileb.

San Lucas 1:68

—Lokꞌoninbil taxak li Ka̱cuaꞌ Dios li nequeꞌxlokꞌoni laj Israel xban nak xril xtokꞌoba̱l ruheb lix tenamit ut xcoleb.

2 Crónicas 20:18

Laj Josafat quixxulub rib saꞌ chꞌochꞌ. Ut chixjunileb laj Judá ut eb laj Jerusalén queꞌxcuikꞌib ribeb chiru li Ka̱cuaꞌ ut queꞌxlokꞌoni.

Génesis 17:3

Laj Abram quicuikꞌla ut quixxulub lix jolom saꞌ chꞌochꞌ.

Génesis 29:32

Lix Lea quicana chi yaj aj ixk. Quicuan jun lix cꞌulaꞌal. Lix Lea quixye: —Li Ka̱cuaꞌ Dios quixnau nak quirahoꞌ saꞌ inchꞌo̱l junxil. Anakcuan tinixra chic lin be̱lom, chan. Joꞌcan nak aj Rubén quixqꞌue chokꞌ xcꞌabaꞌ lix cꞌulaꞌal.

Génesis 50:24

Saꞌ jun li cutan, laj José quixye reheb li ras: —La̱in chi se̱b nincam. Li Ka̱cuaꞌ Dios ta̱ilok e̱re chi junelic. Ut aꞌan ta̱isi̱nk e̱re saꞌ li tenamit aꞌin ut texcꞌam cuiꞌchic saꞌ li tenamit Canaán. Aꞌan li chꞌochꞌ li yechiꞌinbil chak najter xban li Ka̱cuaꞌ Dios reheb laj Abraham, laj Isaac ut laj Jacob, chan.

Éxodo 4:5

Ut li Dios quixye re: —Ba̱nu chi joꞌcan chiruheb laj Israel re nak eb aꞌan teꞌxpa̱b nak la̱in lix Dios lix xeꞌto̱nil yucuaꞌeb laj Abraham, laj Isaac ut laj Jacob. La̱in xincꞌutbesi cuib cha̱cuu.—

Éxodo 14:31

Ut eb laj Israel queꞌxxucua ru ut queꞌxlokꞌoni li Ka̱cuaꞌ Dios nak queꞌril li quixba̱nu reheb laj Egipto. Queꞌxpa̱b li Dios ut queꞌabin chiru laj Moisés xban nak aꞌan aj cꞌanjel chiru li Dios.

Éxodo 19:8

Junajeb lix chꞌo̱l eb laj Israel nak queꞌxye: —Takaba̱nu chixjunil li quixye li Dios, chanqueb. Laj Moisés quixye re li Ka̱cuaꞌ Dios li cꞌaꞌru queꞌxye.

Éxodo 19:9

Li Ka̱cuaꞌ Dios quixye re laj Moisés: —Re nak tateꞌxpa̱b chi junelic laj Israel, la̱in tina̱tinak a̱cuiqꞌuin saꞌ jun chok moymo ru ut eb aꞌan teꞌrabi nak yo̱kin chi a̱tinac a̱cuiqꞌuin.— Ut laj Moisés quixye reheb laj Israel li cꞌaꞌru quixye li Dios.

Éxodo 34:8

Saꞌ junpa̱t quixxulub lix jolom laj Moisés ut quixlokꞌoni li Dios.

Li xHu LIX RUT 1:6

Saꞌ jun li cutan lix Noemí quirabi resil aran Moab nak li Ka̱cuaꞌ quirosobtesi cuiꞌchic lix tenamit ut cuanqueb chic xcua aran Judá. Joꞌcan nak lix Noemí quixcauresi rib chi e̱lc saꞌ li naꞌajej cuan cuiꞌ re ta̱sukꞌi̱k saꞌ lix tenamit.

Nehemías 8:6

Laj Esdras quixlokꞌoni li Ka̱cuaꞌ li nimajcual Dios ut chixjunileb li tenamit queꞌxtaksi li rukꞌeb ut queꞌxye: —¡Joꞌcan taxak! ¡Joꞌcan taxak!— Queꞌxcubsi ribeb chiru li Ka̱cuaꞌ ut queꞌxxulub lix jolomeb, ut queꞌxlokꞌoni li Dios.

Sofonías 2:7

Ut li joꞌ qꞌuial chic li teꞌcolekꞌ saꞌ li naꞌajej Judá, aꞌaneb chic teꞌe̱chani̱nk re lix naꞌajeb laj Ascalón ut aran chic teꞌcua̱nk. Chiru li kꞌojyi̱n teꞌcua̱rk saꞌ li rochocheb laj Ascalón xban nak li Ka̱cuaꞌ lix Dioseb tixtenkꞌaheb ut ta̱rosobtesiheb cuiꞌchic.

Éxodo 33:10

Nak eb li cristian nequeꞌril li chok saꞌ li oqueba̱l re li tabernáculo, nequeꞌxlokꞌoni li Dios chire li oqueba̱l re lix muheba̱leb.

2 Crónicas 7:3

Nak eb laj Israel queꞌril nak quicube chak saꞌ choxa li xam ut lix lokꞌal li Dios quinujac saꞌ li templo chixjunileb queꞌxcuikꞌib ribeb ut queꞌxxulub lix jolom saꞌ chꞌochꞌ ut queꞌxnima ru li Ka̱cuaꞌ ut queꞌxqꞌue xlokꞌal. Queꞌxye: —Kꞌaxal cha̱bil li Ka̱cuaꞌ ut kꞌaxal nim li ruxta̱n saꞌ kabe̱n junelic, chanqueb.

2 Crónicas 32:8

Yal cui̱nkeb li cuanqueb rochben aꞌan. Abanan li Ka̱cuaꞌ li kaDios cuan kiqꞌuin la̱o chikatenkꞌanquil. Aꞌan ta̱tenkꞌa̱nk ke chi pletic, chan. Ut eb li tenamit queꞌxcacuubresi xchꞌo̱leb riqꞌuin li cꞌaꞌru quixye laj Ezequías lix reyeb laj Judá.

Li xHu LAJ JOB 1:20

Nak quirabi aꞌan, laj Job quicuacli ut quixpej li rakꞌ ut quixbes li rismal retalil lix rahil xchꞌo̱l ut quixcuikꞌib rib saꞌ chꞌochꞌ ut quixlokꞌoni li Dios.