Éxodo 4:23 - Li Santil hu

²³ Xinye a̱cue nak ta̱canabeb chi xic eb laj Israel re nak teꞌcꞌanjelak chicuu. Cui incꞌaꞌ nacacanabeb chi xic, la̱in tincamsi li xbe̱n a̱cualal, chaꞌkat re laj faraón,” chan li Dios re laj Moisés.

Q'eqchi Bible

²³ Jo'kan naq ninye aawe: Kanab' chi xik li walal re naq toxinxloq'oni; ab'an wi ink'a' taakanab' chi xik, laa'in tinkamsi laawalal, a' li xb'een aawalal»”.

Éxodo 4:23 ပူးပေါင်းရင်းမြစ်များ

Éxodo 12:29

Tuktu kꞌojyi̱n nak quinumeꞌ li Dios ut quilajxcamsi li xbe̱n ralaleb chixjunileb laj Egipto. Quixcamsi li xbe̱n ralal laj faraón li kꞌaxal nim xcuanquil. Joꞌcan ajcuiꞌ li cuanqueb saꞌ tzꞌalam queꞌcamsi̱c ajcuiꞌ li xbe̱n ralaleb. Quilajeꞌcamsi̱c ajcuiꞌ li xbe̱n raleb lix queto̱mk chixjunileb, li cuanqueb xcuanquil ut li ma̱cꞌaꞌeb xcuanquil, chixjunileb li xbe̱n alalbej aran Egipto quilajeꞌcamsi̱c.

Éxodo 11:5

Ut telajeꞌca̱mk li xbe̱neb e̱ralal. Ma̱ jun teꞌcolekꞌ. Usta la̱at aj faraón, kꞌaxal nim a̱cuanquil, ta̱ca̱mk li xbe̱n a̱cualal. Ut teꞌca̱mk ajcuiꞌ xbe̱n ralal la̱ mo̱s ixk li ti̱c ma̱cꞌaꞌeb xcuanquil. (Chixjunileb li xbe̱n ralaleb laj Egipto talajeꞌca̱mk, li cuanqueb xcuanquil ut li ma̱cꞌaꞌeb xcuanquil.) Ut talajeꞌca̱mk ajcuiꞌ chixjunil li xbe̱n ral li queto̱mk.

Salmos 135:8

Quixtakla xcamsinquileb li xbe̱n alalbej joꞌqueb ajcuiꞌ li xbe̱n ral li queto̱mk aran Egipto.

Salmos 105:36

Ut li Dios quixqꞌueheb chi ca̱mc li xbe̱n ralaleb laj Egipto. Quixqꞌueheb chi ca̱mc li kꞌaxal raro xbaneb.

Salmos 78:51

Li Dios quixcanabeb chi camsi̱c li xbe̱n ralaleb laj Egipto, li ralal xcꞌajoleb laj Cam.

Éxodo 7:16

Ut ta̱ye re, “Li Ka̱cuaꞌ Dios lix Dioseb laj hebreo, xtaklan chak cue a̱cuiqꞌuin. Joꞌ aꞌin xye a̱cue: Xcanabakeb chi xic lin tenamit re nak eb aꞌan tineꞌxlokꞌoni saꞌ li chaki chꞌochꞌ. Chalen anakcuan incꞌaꞌ nacacuaj xba̱nunquil li cꞌaꞌru nacuaj chan li Dios a̱cue.

Éxodo 5:1

Chirix nak queꞌa̱tinac riqꞌuineb laj Israel, laj Moisés ut laj Aarón queꞌco̱eb riqꞌuin laj faraón ut queꞌxye re: —Li nimajcual Dios, li nequeꞌxlokꞌoni laj Israel, xye chi joꞌcaꞌin, “Canabeb chi xic lin tenamit saꞌ li chaki chꞌochꞌ re nak aran teꞌninkꞌei̱k re xqꞌuebal inlokꞌal,” chan li Ka̱cuaꞌ Dios.—

Éxodo 6:11

—Tatxic cuiꞌchic chi a̱tinac riqꞌuin laj faraón lix reyeb laj Egipto. Ta̱ye re nak tixcanabeb chi e̱lc laj Israel saꞌ lix tenamit, chan li Dios.

Éxodo 8:1

Tojoꞌnak li Ka̱cuaꞌ Dios quixye re laj Moisés: —Tatxic cuiꞌchic riqꞌuin laj faraón ut ta̱ye re, “Joꞌcaꞌin xye li Ka̱cuaꞌ Dios: Xcanabakeb chi xic lin tenamit re nak tineꞌxlokꞌoni.

Éxodo 8:20

Tojoꞌnak li Ka̱cuaꞌ Dios quixye re laj Moisés: —Ekꞌela tatcuacli̱k cuulaj ut tatxic chire li nimaꞌ. Aran ta̱cuoybeni laj faraón nak ta̱cuulak. Ta̱ye re, “Joꞌcaꞌin xye li Ka̱cuaꞌ Dios a̱cue: Canabeb chi xic lin tenamit re nak tineꞌxlokꞌoni.

Éxodo 9:1

Tojoꞌnak li Ka̱cuaꞌ Dios quixye re laj Moisés: —Tatxic cuiꞌchic riqꞌuin laj faraón ut ta̱ye re, “Joꞌcaꞌin quixye li Ka̱cuaꞌ Dios, lix Dioseb aj hebreo: Xcanabakeb chi xic lin tenamit re nak tineꞌxlokꞌoni.

Éxodo 9:13

Tojoꞌnak li Ka̱cuaꞌ Dios quixye re laj Moisés: —Cuulaj tatcuacli̱k ekꞌela ut tatxic riqꞌuin laj faraón. Ta̱ye re, “Joꞌcaꞌin xye a̱cue li Ka̱cuaꞌ Dios, lix Dioseb laj hebreo: Canabeb chi xic lin tenamit re nak tineꞌxlokꞌoni.

Éxodo 10:3

Tojoꞌnak laj Moisés ut laj Aarón queꞌco̱eb riqꞌuin laj faraón ut queꞌxye re: —Joꞌcaꞌin xye a̱cue li Ka̱cuaꞌ Dios, lix Dioseb laj hebreo. “¿Jokꞌe ta̱cubsi a̱cuib chicuu? Canabeb chi xic lin tenamit re nak tineꞌxlokꞌoni.”

Éxodo 18:8

Laj Moisés quixserakꞌi re li quilajxba̱nu li Ka̱cuaꞌ Dios riqꞌuin laj faraón joꞌ eb ajcuiꞌ laj Egipto saꞌ xcꞌabaꞌeb laj Israel. Quixserakꞌi reheb chirix chixjunil li raylal li quilajeꞌxcꞌul nak yo̱queb chi xic saꞌ li chaki chꞌochꞌ ut quixye reheb chanru nak li Ka̱cuaꞌ Dios quixcoleb laj Israel.

Salmos 136:10

Aꞌan li quitaklan xcamsinquileb li xbe̱n alalbej aran Egipto xban nak kꞌaxal nim li ruxta̱n saꞌ kabe̱n junelic.

Oseas 11:1

Nak toj sa̱jeb chak li ralal xcꞌajol laj Israel, la̱in quinraheb. Ut nak cuanqueb chak Egipto, quinbokeb li cualal incꞌajol.

Éxodo 3:18

Eb aꞌan teꞌrabi la̱ cua̱tin. La̱at ut eb li cui̱nk li nequeꞌcꞌamoc be saꞌ xya̱nkeb laj Israel texxic riqꞌuin lix reyeb laj Egipto ut te̱ye re, “Li nimajcual Dios li nequeꞌxlokꞌoni laj hebreo, aꞌan quixcꞌutbesi rib chiku. Choa̱canab chi xic saꞌ li chaki chꞌochꞌ oxib cutan chi be. Aran tomayejak chiru li Ka̱cuaꞌ Dios”, chaꞌkex re.

Éxodo 8:16

Tojoꞌnak li Ka̱cuaꞌ Dios quixye re laj Moisés: —Joꞌcaꞌin ta̱ye re laj Aarón: “Ta̱yeꞌ la̱ xukꞌ ut ta̱sacꞌ li poks riqꞌuin la̱ xukꞌ. Riqꞌuin aꞌan teꞌpucꞌa̱nk li suk saꞌ li tenamit Egipto”, chan.

Éxodo 8:17

Joꞌcan queꞌxba̱nu. Laj Aarón quixyeꞌ lix xukꞌ ut quixsacꞌ li poks. Ut li qꞌuila suk nequeꞌcuoyoynac chirixeb li cristian joꞌ ajcuiꞌ chirixeb li xul. Chixjunil li poks saꞌ li tenamit Egipto quisukꞌi chokꞌ suk.

Éxodo 9:2

Ut cui incꞌaꞌ nacacanabeb chi xic ut yo̱cat chixbaybaleb chi xic,

Éxodo 10:4

Ut xye ajcuiꞌ, “Cui incꞌaꞌ nacacanabeb chi xic lin tenamit, cuulaj tintaklaheb laj sa̱cꞌ saꞌ la̱ tenamit.

Éxodo 13:15

Laj faraón quixcacuubresi xchꞌo̱l ut incꞌaꞌ coxcanab chi e̱lc saꞌ li tenamit Egipto. Ut li Ka̱cuaꞌ Dios quixqꞌueheb chi ca̱mc chixjunileb li xbe̱n ralaleb laj Egipto. Quixqꞌueheb ajcuiꞌ chi ca̱mc li xbe̱n ral li queto̱mk. Re xjulticanquil li xba̱nu li Dios, la̱in ninmayeja chiru li Dios li xbe̱n raleb lin xul. Ut tinqꞌue chokꞌ ru̱chil li xbe̱n cualal”, chaꞌkex reheb le̱ ralal e̱cꞌajol.