Éxodo 4:18 - Li Santil hu

¹⁸ Joꞌcan nak co̱ laj Moisés ut cox-e̱lk riqꞌuin laj Jetro lix yucuaꞌ li rixakil ut quixye re: —Ba̱nu usilal tina̱canab chi xic chirilbaleb lin comon li cuanqueb aran Egipto. Tincuileb chak ma saheb saꞌ xchꞌo̱l, ma yoꞌyo̱queb na chixjunileb, chan. Laj Jetro quixye re laj Moisés: —Ayu biꞌ. Chatsukꞌi̱k taxak joꞌ nak xic a̱cue, chan.

Q'eqchi Bible

¹⁸ Toja' naq kisutq'iik laj Moisés, kiq'ajk sa' rochoch laj Jetró, xyuwa' li rixaqil, ut kixye re: “Chakuy inmaak, xik we chi rilb'aleb' wi' chik li was wiitz'in li wankeb' chaq Ejiipt re naq tinnaw ma toj yo'yookeb'”. Kichaq'ok laj Jetró ut kixye re: “Ayu sa' tuqtuukil usilal”.

Éxodo 4:18 ပူးပေါင်းရင်းမြစ်များ

Éxodo 3:1

Laj Moisés yo̱ chixcꞌacꞌalenquil lix queto̱mk laj Jetro lix yucuaꞌ li rixakil. (Aj Jetro nayeman ajcuiꞌ re laj Reuel.) Aꞌan xbe̱n aj tij reheb laj Madián. Laj Moisés najt quixcꞌameb li queto̱mk saꞌ li chaki chꞌochꞌ, toj retal queꞌcuulac cuan cuiꞌ li tzu̱l Horeb bar quia̱tinac cuiꞌ li Dios riqꞌuin laj Moisés.

1 Timoteo 6:1

Eb li mo̱s aj pa̱baneleb teꞌx-oxlokꞌi lix patroneb re nak ma̱ ani ta̱majecua̱nk re lix cꞌabaꞌ li Dios chi moco teꞌxtzꞌekta̱na li katijbal.

Hechos 16:36

Laj ilol tzꞌalam quixye reheb: —Eb laj rakol a̱tin xeꞌxtakla chak xyebal nak tex-achꞌaba̱k. Joꞌcan nak ayukex chi ma̱cꞌaꞌ e̱cꞌaꞌux, chan.

Hechos 15:36

Mokon chic laj Pablo quixye re laj Bernabé: —Toxic cuiꞌchic saꞌ eb li tenamit conumeꞌ cuiꞌ chak chixyebal ra̱tin li Dios re takil chanru cuanqueb laj pa̱banel li cuanqueb saꞌ eb li naꞌajej aꞌan, chan.

San Lucas 7:50

Ut li Jesús quixye cuiꞌchic re li ixk: —Xban nak cuan a̱pa̱ba̱l, xatcoleꞌ. Joꞌcan nak ayu chi sa saꞌ a̱chꞌo̱l, chan re.

1 Samuel 1:17

Ut laj Elí quixye re lix Ana: —Ayu chi cꞌojcꞌo a̱chꞌo̱l. Ut aꞌ taxak li Dios li nequeꞌxlokꞌoni laj Israel chi qꞌuehoc a̱cue li cꞌaꞌru xatzꞌa̱ma chiru, chan.

Génesis 45:3

Laj José quixye reheb li ras: —La̱in laj José. ¿Ma toj yoꞌyo lin yucuaꞌ? chan reheb. Ut eb li ras incꞌaꞌ queꞌru chi chakꞌoc. Queꞌsach xnaꞌleb riqꞌuin li cꞌaꞌru quixye laj José.

Éxodo 2:21

Laj Moisés quicuulac ut aran quicana saꞌ rochoch laj Reuel. Laj Reuel quixsumub lix Séfora lix rabin riqꞌuin laj Moisés.

2 Reyes 5:19

Li profeta Eliseo quixye re: —Naru tatxic chi cꞌojcꞌo a̱chꞌo̱l, chan. Ut laj Naamán qui-el riqꞌuin. Toj ma̱jiꞌ ajcuiꞌ najt nabe̱c,

Jueces 18:6

Laj tij quichakꞌoc ut quixye reheb: —Naru nequexxic chi ma̱cꞌaꞌ e̱cꞌaꞌux. Li Ka̱cuaꞌ ta̱tenkꞌa̱nk e̱re saꞌ le̱ viaje yalak bar texxic, chan.

2 Reyes 5:10

Ut li profeta quixtakla jun lix takl re tixye re laj Naamán nak ta̱xic chi ati̱nc cuukub sut saꞌ li nimaꞌ Jordán re nak ta̱qꞌuira̱k lix tibel.