Éxodo 4:12 - Li Santil hu

¹² Anakcuan tatxic ut la̱in tintenkꞌa̱nk a̱cue riqꞌuin la̱ cua̱tin. La̱in tincꞌut cha̱cuu li cꞌaꞌru ta̱ye, chan li Ka̱cuaꞌ Dios.

Q'eqchi Bible

¹² Jo'kan b'i', ayu: laa'in wanqin sa' laawe ut tink'ut chawu li k'aru toxaaye”.

Éxodo 4:12 ပူးပေါင်းရင်းမြစ်များ

Jeremías 1:9

Ut li Ka̱cuaꞌ Dios quixqꞌue li rukꞌ saꞌ xtzꞌu̱mal cue ut quixye cue: —Anakcuan ac xinqꞌue li cua̱tin saꞌ xtzꞌu̱mal a̱cue.

San Marcos 13:11

Ut nak texchapekꞌ ut texkꞌaxtesi̱k chiruheb li acuabej, mexcꞌoxlac chirix li cꞌaꞌru te̱ye. Li cꞌaꞌru te̱ye saꞌ li ho̱nal aꞌan ma̱cuaꞌ cꞌoxlanbil a̱tin li te̱ye. Aban li tixye e̱re li Santil Musikꞌej, aꞌan li te̱ye.

Isaías 50:4

Li Ka̱cuaꞌ Dios naqꞌuehoc innaꞌleb ut naxqꞌue cua̱tin re nak tinnau xcꞌojobanquil xchꞌo̱leb li tacuajenakeb. Rajlal cutan nak nasake̱u ninxqꞌue chirabinquil li ra̱tin li naxcꞌut chicuu.

Efesios 6:19

Ut chextijok ajcuiꞌ chicuix la̱in re nak chixqꞌue taxak cua̱tin li Dios re xyebal resil li colba-ib ut chixqꞌue taxak xcacuilal inchꞌo̱l chixyebal resil nak li colba-ib reheb ajcuiꞌ li ma̱cuaꞌeb aj judío.

San Juan 14:26

Li Santil Musikꞌej li tixtakla chak li Yucuaꞌbej chokꞌ cuu̱chil, aꞌan ta̱tenkꞌa̱nk e̱re ut aꞌan ta̱cꞌutuk che̱ru chixjunil li cꞌaꞌak re ru li incꞌaꞌ nequetau ru. Ut aꞌan tixjultica e̱re chixjunil li cꞌaꞌru xinye e̱re.

San Lucas 11:1

Saꞌ jun li cutan yo̱ chi tijoc li Jesús. Ut nak quirakeꞌ chi tijoc, jun reheb lix tzolom quixye re: —Ka̱cuaꞌ, cꞌut chiku li tijoc joꞌ nak laj Juan quixcꞌut li tijoc chiruheb lix tzolom, chan.

Isaías 49:2

Quixqꞌue innaꞌleb re tinnau a̱tinac chi cha̱bil. Chanchanin jun li chꞌi̱chꞌ kꞌes ruꞌuj. Aꞌan qui-iloc cue re nak ma̱cꞌaꞌ tincꞌul. Quinixcauresi chi us. Chanchanin li tzimaj li kꞌes ruꞌuj cuan saꞌ rochochil.

Salmos 143:10

Ta̱cꞌut taxak chicuu cꞌaꞌru ta̱cuaj la̱at tinba̱nu xban nak la̱at lin Dios. Aꞌ taxak la̱ santil musikꞌ chitenkꞌa̱nk cue chi cua̱nc saꞌ ti̱quilal.

Salmos 32:9

Moco joꞌcakat ta li cacua̱y chi moco joꞌcakat ta li mula. Eb li xul aꞌan moco cuanqueb ta xnaꞌleb chi moco teꞌxba̱nu li cꞌaꞌru ta̱cuaj chi ma̱cꞌaꞌ lix bacꞌbaleb ut li chꞌi̱chꞌ saꞌ reheb, chan li Ka̱cuaꞌ.

Éxodo 3:12

Li Dios quichakꞌoc ut quixye re laj Moisés: —Ayu ut la̱in cua̱nkin a̱cuiqꞌuin. Ut aꞌin a̱cuetalil nak la̱in xintaklan a̱cue. Nak ac xacuisiheb chak laj Israel saꞌ li tenamit Egipto, saꞌ li tzu̱l aꞌin tina̱lokꞌoni cuiꞌchic, chan li Dios.

Éxodo 4:13

Ut laj Moisés quixye: —At Ka̱cuaꞌ, ba̱nu usilal, takla jalan chic.—

Éxodo 4:15

La̱at ta̱cua̱tina aꞌan ut ta̱chꞌolob chiru li cꞌaꞌru tixye. La̱in tintenkꞌa̱nk a̱cue riqꞌuin la̱ cua̱tin joꞌ ajcuiꞌ aꞌan. La̱in tincꞌut che̱ru li cꞌaꞌru te̱ba̱nu.

Éxodo 4:16

Aꞌan ta̱cꞌanjelak chokꞌ a̱cuu̱chil. La̱at ta̱yehok li cua̱tin re aꞌan ut aꞌan chic ta̱yehok reheb li tenamit.

Números 16:28

Laj Moisés quixye reheb: —Joꞌcaꞌin nak te̱nau nak li Ka̱cuaꞌ quitaklan chak cue chixba̱nunquil li cꞌaꞌru ninba̱nu. Moco injunes ta nintakla cuib.

Deuteronomio 18:18

La̱in tinqꞌue junak profeta saꞌ e̱ya̱nk joꞌ la̱at. E̱comon ajcuiꞌ la̱ex. La̱in tinqꞌue li cua̱tin re ut aꞌan tixye reheb li tenamit chixjunil li cꞌaꞌru tinye la̱in.

Salmos 105:26

Li Dios quixtakla aran Egipto laj Moisés aj cꞌanjel chiru. Ut quixtakla ajcuiꞌ laj Aarón li quixsicꞌ ru.