Éxodo 39:7 - Li Santil hu

⁷ Queꞌxqꞌue li pec aꞌan saꞌ xbe̱n xtel li efod re xjulticanquil chiru li Ka̱cuaꞌ li ralal xcꞌajol laj Israel, joꞌ quiyeheꞌ re laj Moisés xban li Ka̱cuaꞌ.

Q'eqchi Bible

⁷ Chirix chik a'an laj Besalel kixk'eheb' sa' xb'een xteleb' li efod, jo'aqeb' li pek taajultiko'q wi' re li Qaawa' eb' li ralal xk'ajol laj Israel, kama' kichaq'rab'iik wi' laj Moisés xb'aan li Qaawa'.

Éxodo 39:7 ပူးပေါင်းရင်းမြစ်များ

Josué 4:7

Ut la̱ex texchakꞌok ut te̱ye reheb, “Li pec aꞌin, aꞌan retalil nak quixakli li nimaꞌ Jordán ut incꞌaꞌ chic quibe̱c nak yo̱queb chixnumsinquil jun pacꞌal li nimaꞌ li Lokꞌlaj Ca̱x li xocxo cuiꞌ lix contrato li Dios. Eb li pec aꞌin, aꞌan retalil chiruheb laj Israel re nak julticak reheb chi junelic li cꞌaꞌru quixba̱nu li Dios,” chan laj Josué.

Éxodo 28:12

Te̱letz li pec aꞌan, saꞌ xbe̱n xtel li rakꞌ efod li naxcꞌul cuiꞌ rib li cuib pere̱l retalil li ralal xcꞌajol laj Israel. Chi joꞌcan li pec aꞌan junelic ta̱cua̱nk saꞌ xbe̱n xtel laj Aarón re xjulticanquil chiru li Ka̱cuaꞌ li ralal xcꞌajoleb laj Israel.

Éxodo 28:29

Chi joꞌcaꞌin tixcꞌam chire xchꞌo̱l laj Aarón li pectoral retalil li ti̱quilal, li tzꞌi̱banbil cuiꞌ lix cꞌabaꞌeb li cablaju xte̱paleb li ralal xcꞌajol laj Israel. Tixcꞌam chire xchꞌo̱l li pectoral rajlal nak ta̱oc saꞌ li Santil Naꞌajej ut laj Aarón junelic tixjultica chiru li Ka̱cuaꞌ eb li ralal xcꞌajol laj Israel.

San Marcos 14:9

Relic chi ya̱l tinye e̱re nak ta̱yema̱nk resil li colba-ib yalak bar, ta̱yema̱nk ajcuiꞌ resil li cꞌaꞌru xba̱nu li ixk aꞌin re xjulticanquil aꞌan, chan.

Nehemías 2:20

Ut la̱in quinchakꞌoc ut quinye reheb: —Li Dios li cuan saꞌ choxa, aꞌan ta̱tenkꞌa̱nk ke. Ut la̱o li nococꞌanjelac chiru, takayi̱b cuiꞌchic li tenamit Jerusalén. Ut la̱ex incꞌaꞌ naru te̱chꞌic e̱rib kiqꞌuin xban nak ma̱cuaꞌ la̱ex yal e̱re ut xban nak ma̱cꞌaꞌ cuan e̱re Jerusalén.—

Éxodo 28:7

Cuib pere̱l ru te̱qꞌue, jun pere̱l chiru ut jun pere̱l chirix. Saꞌ xbe̱n xtel teꞌxcꞌul rib.