Éxodo 39:43 - Li Santil hu

⁴³ Nak quiril nak queꞌxba̱nu chixjunil chi tzꞌakal joꞌ quixye reheb, laj Moisés quixtzꞌa̱ma chiru li Dios nak ta̱rosobtesiheb.

Q'eqchi Bible

⁴³ Toja' naq laj Moisés kiril chixjunil li xk'anjeleb' ut kixk'e reetal naq kiyaalo'k chixjunil: ke'xb'aanu chixjunil jo' tz'aqal yeeb'il chaq xb'aan li Qaawa'. Ut laj Moisés kirosob'tesiheb'.

Éxodo 39:43 ပူးပေါင်းရင်းမြစ်များ

2 Crónicas 30:27

Eb laj tij ut eb laj levita queꞌxakli chixtzꞌa̱manquil chiru li Dios nak ta̱rosobtesiheb li tenamit. Ut li Dios quirabi lix tijeb toj saꞌ choxa bar nacuan cuiꞌ.

1 Reyes 8:14

Ut li rey Salomón quixsukꞌisi rib ut quixtzꞌa̱ma chiru li Dios nak ta̱rosobtesiheb laj Israel li xakxo̱queb aran.

2 Samuel 6:18

Nak laj David ac xrakeꞌ chixqꞌuebal li cꞌatbil mayej ut li mayej re xcꞌambal ribeb saꞌ usilal riqꞌuin li Ka̱cuaꞌ, quixtzꞌa̱ma chiru li Ka̱cuaꞌ li nimajcual Dios nak ta̱rosobtesiheb lix tenamit.

Salmos 104:31

Lokꞌoninbil taxak ru li nimajcual Dios chi junelic kꞌe cutan. Ut chisahokꞌ taxak saꞌ xchꞌo̱l li Ka̱cuaꞌ riqꞌuin li cꞌaꞌru quilajxba̱nu.

2 Crónicas 6:3

Chirix aꞌan li rey Salomón quixsukꞌisi rib ut quixtzꞌa̱ma chiru li Dios nak ta̱rosobtesiheb laj Israel li xakxo̱queb aran.

Josué 22:6

Ut chirix aꞌan laj Josué quixtzꞌa̱ma chiru li Dios nak ta̱rosobtesiheb, tojoꞌnak quixtaklaheb saꞌ lix muheba̱leb.

Génesis 14:19

Laj Melquisedec quirosobtesi laj Abram riqꞌuin li a̱tin aꞌin: —Osobtesinbil taxak laj Abram xban li Ka̱cuaꞌ Dios, li kꞌaxal nim xcuanquil. Li Ka̱cuaꞌ Dios, aꞌan li quiyi̱ban re li choxa joꞌ ajcuiꞌ li ruchichꞌochꞌ.

Génesis 1:31

Ut li Dios quiril nak tzꞌakal re ru chixjunil li quixba̱nu. Ut qui-oc li kꞌojyi̱n ut quisake̱u. Aꞌan li xcuak li cutan.

Salmos 19:11

At inDios, la̱ chakꞌrab naxqꞌue innaꞌleb, la̱in laj cꞌanjel cha̱cuu, ut kꞌaxal lokꞌ chokꞌ cue xpa̱banquil.

Nehemías 11:2

Ut eb li tenamit queꞌxbantioxi chiruheb li junju̱nk cabal li queꞌala saꞌ xchꞌo̱leb cana̱c Jerusalén.

1 Crónicas 16:2

Nak ac xrakeꞌ laj David chixqꞌuebal li cꞌatbil mayej ut li mayej re xcꞌambaleb rib saꞌ usilal riqꞌuin li Ka̱cuaꞌ, quixtzꞌa̱ma chiru li Ka̱cuaꞌ li nimajcual Dios nak ta̱rosobtesiheb lix tenamit.

Éxodo 40:25

Quixloch li candil ut quixcꞌochoxiheb saꞌ xnaꞌaj chiru li Dios. Laj Moisés quixba̱nu joꞌ quixye li Dios.

Éxodo 39:42

Eb laj Israel queꞌxba̱nu chixjunil chi tzꞌakal re ru joꞌ quiyeheꞌ re laj Moisés xban li Ka̱cuaꞌ.

Éxodo 40:1

Li Ka̱cuaꞌ Dios quixye re laj Moisés:

Jeremías 13:5

Co̱in ut quinba̱nu joꞌ quixye cue. Quinmuk li cꞌa̱mal saꞌ saꞌ xjachalal li sako̱nac chire li nimaꞌ Éufrates.

Éxodo 7:6

Laj Moisés ut laj Aarón queꞌxba̱nu chi tzꞌakal re ru li quiyeheꞌ reheb xban li Ka̱cuaꞌ Dios.

Éxodo 12:28

Chixjunil li queꞌyeheꞌ re laj Moisés ut laj Aarón xban li Ka̱cuaꞌ Dios, queꞌxba̱nu chixjunileb laj Israel.

Éxodo 25:9

La̱in tinye e̱re chanru nak te̱yi̱b li naꞌajej li tincua̱nk cuiꞌ ut tinye e̱re chanru te̱yi̱b li cꞌaꞌru ta̱cꞌanjelak chi saꞌ. Te̱yi̱b chi tzꞌakal joꞌ tinye e̱re.

Levítico 16:34

Aꞌan aꞌin li chakꞌrab xinqꞌue e̱re. Joꞌcaꞌin te̱ba̱nu rajlal chihab re xtojbal rix li ma̱c queba̱nu la̱ex aj Israel, chan li Dios. Ut laj Aarón quixba̱nu joꞌ quiyeheꞌ re laj Moisés xban li Dios.

Josué 22:7

Yijach li ralal xcꞌajol laj Manasés quiqꞌueheꞌ xnaꞌajeb aran Basán saꞌ li este xban laj Moisés. Ut li yijach chic li ralal xcꞌajol laj Manasés quiqꞌueheꞌ xnaꞌajeb xban laj Josué saꞌ xya̱nkeb laj Israel, li xeꞌcana chi cua̱nc aran jun pacꞌal li nimaꞌ Jordán saꞌ li oeste. Ut eb li yijach li ralal xcꞌajol laj Manasés, li quiqꞌueheꞌ xnaꞌajeb saꞌ li este, laj Josué quixtaklaheb saꞌ rochocheb nak acak xtzꞌa̱ma rosobtesinquileb chiru li Ka̱cuaꞌ.

1 Reyes 6:38

Nak ac yo̱ junlaju chihab roquic chokꞌ rey laj Salomón, queꞌxchoy xyi̱banquil lix templo li Ka̱cuaꞌ saꞌ li po Bul saꞌ li xcuakxak po re li chihab aꞌan. Chiru cuukub chihab queꞌxyi̱b li templo. Queꞌxyi̱b chixjunil chi tzꞌakal re ru joꞌ quiyeheꞌ reheb.

1 Reyes 8:55

Nak quirakeꞌ chi tijoc, quixakli ut quixtzꞌa̱ma chiru li Dios nak ta̱rosobtesiheb li tenamit Israel li chꞌutchꞌu̱queb aran. Ut quixye chi cau xya̱b xcux: