Éxodo 39:41 - Li Santil hu

⁴¹ Queꞌxkꞌaxtesi ajcuiꞌ li rakꞌeb laj tij li teꞌrocsi nak teꞌoc chi cꞌanjelac saꞌ li tabernáculo. Queꞌxkꞌaxtesi li rakꞌ laj Aarón lix be̱nil aj tij joꞌqueb ajcuiꞌ li rakꞌeb li ralal li teꞌrocsi nak teꞌoc chi cꞌanjelac chokꞌ aj tij.

Q'eqchi Bible

⁴¹ eb' li raq'eb' laj tij li te'raq'u naq te'k'anjelaq sa' li Loq'laj Na'ajej, a' li xloq'laj aq' laj Aharón laj tij jo' ajwi' li raq'eb' li ralal naq te'k'anjelaq cho'q aj tij.

Éxodo 39:41 ပူးပေါင်းရင်းမြစ်များ

Éxodo 39:1

Queꞌxyi̱b li rakꞌeb laj tij li teꞌxqꞌue chirix nak teꞌcꞌanjelak saꞌ li tabernáculo. Queꞌxyi̱b li rakꞌ riqꞌuin li nokꞌ azul, li nokꞌ púrpura ut li nokꞌ cak. Ut queꞌxyi̱b ajcuiꞌ li rakꞌ laj Aarón li xbe̱nil aj tij joꞌ quiyeheꞌ re laj Moisés xban li Ka̱cuaꞌ.

Éxodo 31:10

Teꞌxyi̱b li rakꞌ laj Aarón li xbe̱nil aj tij. Ut teꞌxyi̱b ajcuiꞌ li rakꞌeb li ralal li teꞌrocsi nak teꞌoc chi cꞌanjelac chokꞌ aj tij.

Éxodo 28:2

Ta̱yi̱b li rakꞌ laj Aarón la̱ cuas chi cha̱bil xyi̱banquil. Riqꞌuin li rakꞌ aꞌan ta̱cꞌutu̱nk nak aꞌan laj tij ut lokꞌ lix cꞌanjel.

Éxodo 28:40

Ut te̱yi̱b ajcuiꞌ li túnica ut lix bacꞌbal saꞌ joꞌ ajcuiꞌ li mitra reheb li ralal laj Aarón re xcꞌutbal xlokꞌal li cꞌanjel teꞌxba̱nu.

Éxodo 39:40

Ut queꞌxkꞌaxtesi ajcuiꞌ li tꞌicr li ta̱cꞌanjelak re xtzꞌapbal li neba̱l joꞌ ajcuiꞌ li okech ut lix naꞌajeb li teꞌxqꞌue cuiꞌ, joꞌ ajcuiꞌ li tꞌicr li teꞌxqꞌue saꞌ li oqueba̱l re li neba̱l, joꞌqueb ajcuiꞌ li cꞌa̱m ut li chꞌi̱chꞌ li ta̱chapok re li cꞌa̱m saꞌ chꞌochꞌ. Queꞌxkꞌaxtesi chixjunil li cꞌaꞌru ta̱cꞌanjelak saꞌ li tabernáculo.

Éxodo 39:42

Eb laj Israel queꞌxba̱nu chixjunil chi tzꞌakal re ru joꞌ quiyeheꞌ re laj Moisés xban li Ka̱cuaꞌ.

Éxodo 28:28

Ut te̱bacꞌ riqꞌuin jun cꞌa̱m azul saꞌ li argollas re xchapbal li pectoral riqꞌuin li efod re nak li pectoral tixchap rib chi us riqꞌuin li efod ut incꞌaꞌ ta̱ecꞌa̱nk saꞌ xnaꞌaj.