Éxodo 39:38 - Li Santil hu

³⁸ Queꞌxkꞌaxtesi li artal li yi̱banbil riqꞌuin oro, joꞌ ajcuiꞌ li aceite li naqꞌueman saꞌ xbe̱n li teꞌkꞌaxtesi̱k chi cꞌanjelac chiru li Ka̱cuaꞌ, joꞌ ajcuiꞌ li sununquil incienso, joꞌ ajcuiꞌ li tꞌicr li teꞌxqꞌue saꞌ li oqueba̱l.

Q'eqchi Bible

³⁸ li artal yiib'anb'il rik'in oor, li aseeyt re yuluk, li sununkil ensens ut li nimla t'ikr taak'eemanq sa' rokeb'aal li Muheb'aal;

Éxodo 39:38 ပူးပေါင်းရင်းမြစ်များ

Éxodo 30:7

Rajlal ekꞌela nak ta̱oc laj Aarón chixyi̱banquil li candil, tixcꞌat li sununquil incienso saꞌ xbe̱n li artal aꞌan.

2 Crónicas 2:4

La̱in oc cue chixyi̱banquil jun li templo re takalokꞌoni cuiꞌ li Ka̱cuaꞌ lin Dios. Aꞌanak jun santil naꞌajej bar tolokꞌoni̱nk cuiꞌ cuochbeneb lin tenamit. Aran tocꞌatok sununquil ban ut aran tomayejak caxlan cua junelic. Rajlal ekꞌela ut rajlal ecuu takacꞌat li xul li takamayeja chiru li Dios. Joꞌcan ajcuiꞌ takaba̱nu rajlal saꞌ eb li hiloba̱l cutan ut saꞌ xyoꞌlajic li po ut saꞌ eb li ninkꞌe re lokꞌoni̱nc joꞌ cꞌaynako chixba̱nunquil chalen chak junxil.

Éxodo 37:29

Ut queꞌxyi̱b ajcuiꞌ chi cha̱bil li sununquil aceite li nequeꞌxqꞌue saꞌ xbe̱neb li teꞌkꞌaxtesi̱k chi cꞌanjelac chiru li Ka̱cuaꞌ. Ut queꞌxyi̱b ajcuiꞌ li sununquil incienso. Queꞌxyi̱b chi cha̱bil joꞌ nequeꞌxnau xyi̱banquil li nequeꞌyi̱ban re li sununquil ban aꞌan.

Éxodo 35:8

Te̱qꞌue li aceite re li candil, joꞌ ajcuiꞌ li ban li nacꞌanjelac re xyi̱banquil li aceite li nequeꞌxqꞌue saꞌ xbe̱neb li teꞌkꞌaxtesi̱k chi cꞌanjelac chicuu, joꞌ ajcuiꞌ li ban li nacꞌanjelac re xyi̱banquil li sununquil incienso.

Éxodo 31:11

Teꞌxyi̱b li aceite li ta̱qꞌuehekꞌ saꞌ xbe̱n li teꞌkꞌaxtesi̱k chi cꞌanjelac chicuu. Ut teꞌxyi̱b li sununquil incienso li teꞌxmayeja saꞌ li tabernáculo. Tento teꞌxba̱nu chixjunil chi tzꞌakal joꞌ xinye a̱cue, chan li Ka̱cuaꞌ.

Éxodo 30:3

Te̱letz li tzꞌakal oro saꞌ xbe̱n. Ut te̱letz ajcuiꞌ saꞌ xca̱ pacꞌalil ut chiru ajcuiꞌ li xucub. Ut chire te̱qꞌue lix sahob ru yi̱banbil riqꞌuin oro.

Éxodo 25:6

ut li aceite re li candil joꞌ ajcuiꞌ li cꞌaꞌak re ru li nacꞌanjelac re xyi̱banquil li aceite li naqꞌueheꞌ saꞌ xbe̱neb li nequeꞌxakaba̱c chi cꞌanjelac chiru li Ka̱cuaꞌ, ut nacꞌanjelac ajcuiꞌ re xyi̱banquil li incienso li sunu̱nc,

Éxodo 39:37

Queꞌxkꞌaxtesi li candelero rochben lix naꞌajeb li candil joꞌqueb ajcuiꞌ li chꞌi̱chꞌ li ta̱cꞌanjelak re xyi̱banquil lix mechil, joꞌ ajcuiꞌ li aceite li ta̱cꞌanjelak chokꞌ xyaꞌal li candil.

Éxodo 39:39

Queꞌxkꞌaxtesi ajcuiꞌ li artal yi̱banbil riqꞌuin bronce, rochben li chꞌi̱chꞌ li hopox ru li yi̱banbil riqꞌuin bronce joꞌ ajcuiꞌ li cheꞌ re xpakonquil, joꞌ ajcuiꞌ chixjunil li ta̱cꞌanjelak saꞌ li artal, joꞌ ajcuiꞌ li pila ut lix naꞌaj li teꞌxqꞌue cuiꞌ.

Éxodo 30:1

Ut te̱yi̱b ajcuiꞌ jun li artal riqꞌuin li cheꞌ acacia re te̱cꞌat cuiꞌ li incienso.

Éxodo 30:22

Li Ka̱cuaꞌ quia̱tinac cuiꞌchic riqꞌuin laj Moisés ut quixye re: