Éxodo 39:37 - Li Santil hu

³⁷ Queꞌxkꞌaxtesi li candelero rochben lix naꞌajeb li candil joꞌqueb ajcuiꞌ li chꞌi̱chꞌ li ta̱cꞌanjelak re xyi̱banquil lix mechil, joꞌ ajcuiꞌ li aceite li ta̱cꞌanjelak chokꞌ xyaꞌal li candil.

Q'eqchi Bible

³⁷ li xna'aj kanteel yiib'anb'il rik'in tz'aqal oor ut eb' li xna'aj li saqenk (eb' li xna'aj li saqenk li tento te'kanaaq sa' xb'een), jo' ajwi' chixjunileb' li xk'anjelob'aal ut li xya'al xam;

Éxodo 39:37 ပူးပေါင်းရင်းမြစ်များ

Filipenses 2:15

Cheba̱nuhak chixjunil saꞌ xya̱lal re nak chicꞌutu̱nk nak chi anchal e̱chꞌo̱l nequexpa̱ban ut re nak ma̱ ani ta̱a̱tinak che̱rix. La̱ex ralal xcꞌajol li Dios ut ma̱cꞌaꞌak e̱ma̱c usta cuanquex saꞌ xya̱nkeb laj ma̱c, li incꞌaꞌ useb xnaꞌleb. Ut xban nak ti̱c e̱chꞌo̱l, nak yo̱kex chixyebal resil li colba-ib chiruheb, chiruheb chanchanakex li chahim li nalemtzꞌun chiru kꞌojyi̱n.

Éxodo 27:21

Laj Aarón rochbeneb li ralal, aꞌaneb li teꞌilok re li candelero li cuan saꞌ li Santil Naꞌajej, li cuan chiru li tas li naramoc re li Lokꞌlaj Santil Naꞌajej, li cuan cuiꞌ li Lokꞌlaj Ca̱x. Teꞌril nak junelic lochlo̱k chiru li Ka̱cuaꞌ lix xamlel li candelero. Li chakꞌrab aꞌin tenebanbil saꞌ xbe̱neb laj Israel joꞌqueb ajcuiꞌ li ralal xcꞌajoleb re nak joꞌcan teꞌxba̱nu junelic.

Éxodo 25:31

Te̱yi̱b ajcuiꞌ jun li candelero riqꞌuin tzꞌakal oro, tenbil riqꞌuin martillo. Te̱yi̱b li rok ut li xakxo saꞌ xyi joꞌ ajcuiꞌ lix naꞌajeb lix xamlel. Lix sahob ru li te̱yi̱b chanchan utzꞌuꞌuj ut xak.

Éxodo 39:36

joꞌ ajcuiꞌ li me̱x rochben li secꞌ ut li mayejanbil caxlan cua li nequeꞌxqꞌue saꞌ li me̱x.

Éxodo 39:38

Queꞌxkꞌaxtesi li artal li yi̱banbil riqꞌuin oro, joꞌ ajcuiꞌ li aceite li naqꞌueman saꞌ xbe̱n li teꞌkꞌaxtesi̱k chi cꞌanjelac chiru li Ka̱cuaꞌ, joꞌ ajcuiꞌ li sununquil incienso, joꞌ ajcuiꞌ li tꞌicr li teꞌxqꞌue saꞌ li oqueba̱l.

Éxodo 27:20

Te̱ye reheb laj Israel nak junelic teꞌxcꞌam chak li cha̱bil aceite li na-el riqꞌuin li ru li cheꞌ olivo, li ta̱cꞌanjelak chokꞌ xyaꞌal li candil re nak junelic lochlo̱k li candil li cuan saꞌ li tabernáculo.

Números 8:2

—Tat-a̱tinak riqꞌuin laj Aarón ut ta̱ye re nak tixloch xxamlel li cuukub chi candil, tixqꞌue li candelero re nak tixcutanobresi li naꞌajej li cuan chiru, chan.

Números 8:3

Ut laj Aarón quixba̱nu joꞌ quiyeheꞌ re. Quixqꞌue li candelero re nak li candil teꞌxcutanobresi li naꞌajej li cuan chiru joꞌ quixye li Ka̱cuaꞌ re laj Moisés.