Éxodo 39:32 - Li Santil hu

³² Joꞌcaꞌin nak queꞌrakeꞌ xyi̱banquil chixjunil li cꞌaꞌru ta̱cꞌanjelak re xyi̱banquil li tabernáculo. Eb laj Israel queꞌxba̱nu chixjunil chi tzꞌakal re ru joꞌ quiyeheꞌ re laj Moisés xban li Ka̱cuaꞌ.

Q'eqchi Bible

³² Jo'ka'in naq kiraqe'k xyiib'ankil chixjunil li Santil Muheb'aal ut li xMuheb'aal li Sumwank. Eb' laj Israel ke'xb'aanu chixjunil jo' kitaqlaak wi' laj Moisés xb'aan li Qaawa': tz'aqal jo'ka'in ke'xb'aanu.

Éxodo 39:32 ပူးပေါင်းရင်းမြစ်များ

Éxodo 25:40

Qꞌue retal chi us re nak te̱yi̱b chi tzꞌakal re ru joꞌ xincꞌut cha̱cuu arin saꞌ li tzu̱l aꞌin.

Hebreos 8:5

Li cꞌaꞌru nequeꞌxba̱nu eb laj tij yal jun retalil li na-uxman saꞌ li choxa. Nakanau nak yal retalil xban li cꞌaꞌru quiyeheꞌ re laj Moisés nak oc re chixyi̱banquil li tabernáculo. Li Dios quixye re: Chaqꞌue retal ut chaba̱nu chixjunil joꞌ li retalil quincꞌut cha̱cuu saꞌ xbe̱n li tzu̱l Sinaí. (Ex. 25:40)

Hebreos 3:2

Li Jesucristo quipa̱ban chi tzꞌakal chiru li Dios li quixakaban chak re chi cꞌanjelac joꞌ xyucuaꞌil aj tij. Ut laj Moisés quipa̱ban ajcuiꞌ chiru li Dios nak quicꞌanjelac chi cꞌamoc be chiruheb laj Israel.

San Mateo 28:20

Te̱cꞌut chiruheb xpa̱banquil chixjunil li xinye chak e̱re. Chenauhak nak la̱in cua̱nkin e̱riqꞌuin chixjunil li cutan chalen toj saꞌ rosoꞌjic li ruchichꞌochꞌ.— Joꞌcan taxak.

1 Crónicas 28:19

Li rey David quixye re laj Salomón: —Chixjunil li xye cue li Dios chirix li templo li ta̱yi̱b, tzꞌi̱banbil retalil re nak tinqꞌue a̱cue. Li Ka̱cuaꞌ Dios, aꞌan li quicꞌutuc chicuu chanru nak ta̱yi̱b li templo.

1 Samuel 15:22

Laj Samuel quixye re: —¿Cꞌaꞌru li kꞌaxal lokꞌ chiru li Ka̱cuaꞌ? ¿Ma li mayejac malaj ut li abi̱nc? Chiru li Ka̱cuaꞌ li abi̱nc, aꞌan li kꞌaxal lokꞌ chiru li mayejac. Li xba̱nunquil li cꞌaꞌru naxye li Dios, aꞌan kꞌaxal lokꞌ chiru xcꞌatbal xxe̱bul li carner.

Deuteronomio 12:32

Te̱ba̱nu chixjunil li cꞌaꞌru xinye e̱re. Me̱qꞌue xtzꞌakob li cua̱tin, chi moco te̱cꞌos li cꞌaꞌru xinye e̱re.

Números 3:31

Saꞌ xcue̱nteb aꞌan kꞌaxtesinbil li Lokꞌlaj Ca̱x, li me̱x, lix naꞌaj li candil, eb li artal, ut li cꞌaꞌak re ru li nacꞌanjelac saꞌ li tabernáculo, joꞌ ajcuiꞌ li nimla tꞌicr li naramoc re li Lokꞌlaj Santil Naꞌajej, ut chixjunil li nacꞌanjelac saꞌ li Santil Naꞌajej.

Éxodo 40:32

Xbe̱n cua nequeꞌxchꞌaj li rok rukꞌ, tojoꞌnak nequeꞌoc saꞌ li tabernáculo. Joꞌcan ajcuiꞌ nequeꞌxba̱nu nak nequeꞌxic cuan cuiꞌ li artal. Xbe̱n cua nequeꞌchꞌajoc joꞌ quixye li Dios re laj Moisés.

Éxodo 39:33

Ut queꞌxkꞌaxtesi re laj Moisés chixjunil li cꞌaꞌru ta̱cꞌanjelak re xyi̱banquil li tabernáculo. Queꞌxkꞌaxtesi re chixjunil li ta̱cꞌanjelak saꞌ li tabernáculo joꞌ li gancho, joꞌqueb ajcuiꞌ li tzꞌalam cheꞌ ut li cheꞌ li teꞌxqꞌue chi kꞌekꞌo, joꞌ ajcuiꞌ li okech ut lix naꞌajeb li teꞌxqꞌue cuiꞌ.

Éxodo 39:31

Ut riqꞌuin jun cꞌa̱m azul queꞌxbacꞌ li oro chiru li mitra li teꞌxqꞌue saꞌ xjolomeb joꞌ quiyeheꞌ re laj Moisés xban li Ka̱cuaꞌ.

Éxodo 12:28

Chixjunil li queꞌyeheꞌ re laj Moisés ut laj Aarón xban li Ka̱cuaꞌ Dios, queꞌxba̱nu chixjunileb laj Israel.

Éxodo 31:7

Teꞌxyi̱b li tabernáculo, joꞌ ajcuiꞌ li Lokꞌlaj Ca̱x, ut lix tzꞌapbal, joꞌ ajcuiꞌ chixjunil li ta̱cꞌanjelak saꞌ li tabernáculo.

Éxodo 40:1

Li Ka̱cuaꞌ Dios quixye re laj Moisés:

Éxodo 40:3

Chi saꞌ li tabernáculo te̱qꞌue li Lokꞌlaj Ca̱x li cꞌu̱lanbil cuiꞌ li laje̱b chi chakꞌrab. Ut te̱tas xsaꞌ riqꞌuin jun li tꞌicr re xrambal li Lokꞌlaj Ca̱x.

1 Reyes 6:38

Nak ac yo̱ junlaju chihab roquic chokꞌ rey laj Salomón, queꞌxchoy xyi̱banquil lix templo li Ka̱cuaꞌ saꞌ li po Bul saꞌ li xcuakxak po re li chihab aꞌan. Chiru cuukub chihab queꞌxyi̱b li templo. Queꞌxyi̱b chixjunil chi tzꞌakal re ru joꞌ quiyeheꞌ reheb.

1 Reyes 7:40

Laj Hiram quixyi̱beb ajcuiꞌ li ucꞌal, ut li chꞌi̱chꞌ li nequeꞌxchap cuiꞌ li ru xam, ut li ni̱nki secꞌ. Joꞌcaꞌin nak quixchoy li cꞌanjel quiqꞌueheꞌ chixyi̱b xban laj Salomón. Aꞌaneb aꞌin li quixyi̱b laj Hiram re lix templo li Dios: