Éxodo 39:13 - Li Santil hu

¹³ Saꞌ li xca̱ tzol queꞌxqꞌue jun li berilo, jun li ónice ut jun li jaspe. Chixjunileb li cha̱bil pec aꞌin queꞌxletz chiru li oro.

Q'eqchi Bible

¹³ ut sa' li xka wank jun krisólito, jun ónice ut jun jaspe. Chixjunileb' li pek a'in letzb'ileb' rik'in oor.

Éxodo 39:13 ပူးပေါင်းရင်းမြစ်များ

Apocalipsis 21:20

Li roꞌ, aꞌan ónice; li xcuak, aꞌan cornalina; li xcuuk, aꞌan crisólito; li xcuakxak, aꞌan berilo; ut li xbele, aꞌan topacio; li xlaje, aꞌan crisopraso; li xjunlaju, aꞌan jacinto; ut li xcablaju, aꞌan amatista.

Éxodo 28:11

Nak ta̱tzꞌi̱ba lix cꞌabaꞌeb chiru li pec aꞌan, juchꞌbil te̱ba̱nu joꞌ nequeꞌxba̱nu nak nequeꞌxyi̱b li chꞌi̱chꞌ re li sello. Ut li pec aꞌin li tzꞌi̱banbil cuiꞌ lix cꞌabaꞌeb, te̱letz chiru li oro.

Éxodo 39:12

Saꞌ li rox tzol queꞌxqꞌue jun li jacinto, jun li ágata ut jun li amatista.

Éxodo 39:14

Cablaju li pec li queꞌxqꞌue xban nak cablaju xte̱paleb laj Israel. Chiru li junju̱nk chi pec aꞌan queꞌxtzꞌi̱ba lix cꞌabaꞌ chixju̱nkaleb li ralal xcꞌajol laj Israel. Juchꞌbil queꞌxba̱nu nak queꞌxtzꞌi̱ba lix cꞌabaꞌeb chiru li pec aꞌan joꞌ nak nequeꞌxyi̱b jun li chꞌi̱chꞌ re li sello.

Cantares 5:14

Cꞌajoꞌ xchꞌinaꞌusal li rukꞌ. Chanchan li matkꞌab oro yi̱banbil riqꞌuin li cha̱bil pec topacio. Ut li ru xsaꞌ chanchan li cha̱bil marfil qꞌuebil xsahob ru riqꞌuin li cha̱bil pec zafiro.

Génesis 2:12

Li oro li cuan saꞌ li naꞌajej aꞌan kꞌaxal cha̱bil. Cuan ajcuiꞌ aran cuib pa̱y ru li terto̱quil pec bedelio ut ónice xcꞌabaꞌeb.

Éxodo 28:9

Ta̱sicꞌ cuib li pec ónice ut chiru li pec aꞌan ta̱tzꞌi̱ba xcꞌabaꞌeb li cablaju chi ralal laj Israel.

1 Crónicas 29:2

La̱in xinyal inkꞌe chixchꞌutubanquil chixjunil li ta̱cꞌanjelak re xyi̱banquil lix templo li Dios. Xinchꞌutub li oro re li cꞌaꞌak re ru li ta̱yi̱ba̱k riqꞌuin oro, ut xinchꞌutub li plata re li ta̱yi̱ba̱k riqꞌuin plata ut li bronce re li ta̱yi̱ba̱k riqꞌuin bronce. Xinchꞌutub li hierro re li ta̱yi̱ba̱k riqꞌuin hierro ut li cheꞌ re li ta̱yi̱ba̱k riqꞌuin cheꞌ. Xinchꞌutub ajcuiꞌ li cha̱bil pec ónice ut li pec li terto xtzꞌak, joꞌ ajcuiꞌ li kꞌeki pec ut li pec jalan jala̱nk xbonol. Ut cuan ajcuiꞌ nabal li cha̱bil pec mármol.

Ezequiel 1:16

Li ca̱hib chi rueda juntakꞌe̱teb xyi̱banquileb. Eb li rueda aꞌan nequeꞌlemtzꞌun chanchan li cha̱bil pec crisólito. Ut eb li ruedas aꞌan quicuil chanchan nak cuan chic jun li rueda chi saꞌ li jun chic.