Éxodo 39:1 - Li Santil hu

¹ Queꞌxyi̱b li rakꞌeb laj tij li teꞌxqꞌue chirix nak teꞌcꞌanjelak saꞌ li tabernáculo. Queꞌxyi̱b li rakꞌ riqꞌuin li nokꞌ azul, li nokꞌ púrpura ut li nokꞌ cak. Ut queꞌxyi̱b ajcuiꞌ li rakꞌ laj Aarón li xbe̱nil aj tij joꞌ quiyeheꞌ re laj Moisés xban li Ka̱cuaꞌ.

Q'eqchi Bible

¹ Rik'in kaqinoq' ut moraad, rik'in kaqjorinkil noq' ut chaab'il liin ke'xyiib' li raq'eb' laj tij li te'raq'u naq te'k'anjelaq sa' li Loq'laj Na'ajej. Ke'xyiib' ajwi' li xloq'laj aq' laj Aharón, jo' kitaqlaak wi' laj Moisés xb'aan li Qaawa'.

Éxodo 39:1 ပူးပေါင်းရင်းမြစ်များ

Éxodo 31:10

Teꞌxyi̱b li rakꞌ laj Aarón li xbe̱nil aj tij. Ut teꞌxyi̱b ajcuiꞌ li rakꞌeb li ralal li teꞌrocsi nak teꞌoc chi cꞌanjelac chokꞌ aj tij.

Éxodo 35:23

Chixjunileb li cuanqueb tꞌicr riqꞌuineb, queꞌxqꞌue chokꞌ xmayejeb. Queꞌxqꞌue li tꞌicr azul, li tꞌicr púrpura, ut li tꞌicr cak. Ut queꞌxqꞌue ajcuiꞌ li cha̱bil tꞌicr lino joꞌ ajcuiꞌ li tꞌicr yi̱banbil riqꞌuin li rismal li chiba̱t. Ut queꞌxqꞌue ajcuiꞌ li rix li carner bonbil riqꞌuin caki bon joꞌ ajcuiꞌ li cha̱bil tzꞌu̱m, rixeb li tzꞌiꞌ haꞌ.

Éxodo 35:19

Teꞌxyi̱b li rakꞌeb laj tij li teꞌcꞌanjelak saꞌ li tabernáculo. Teꞌxyi̱b li rakꞌ laj Aarón li xbe̱nil aj tij joꞌ ajcuiꞌ li rakꞌeb li ralal re nak teꞌcꞌanjelak chokꞌ aj tij.

Hebreos 9:25

Rajlal chihab na-oc lix yucuaꞌil aj tij saꞌ li Lokꞌlaj Santil Naꞌajej ut naxmayeja xquiqꞌuel li xul. Aban moco joꞌcan ta quixba̱nu li Jesucristo. Aꞌan jun sut ajcuiꞌ quixmayeja lix lokꞌlaj quiqꞌuel nak quicam.

Hebreos 9:12

Li Ka̱cuaꞌ Jesucristo co̱ saꞌ li Lokꞌlaj Santil Naꞌajej saꞌ choxa. Aꞌan incꞌaꞌ quixmayeja xquiqꞌuel li chiba̱t chi moco ral cuacax. Quixmayeja ban lix lokꞌlaj quiqꞌuel. Jun sut ajcuiꞌ quixmayeja rib re xqꞌuebal li kacolbal chi junelic.

Ezequiel 43:12

Aꞌan aꞌin li chakꞌrab chirix lin templo: chixjunil li naꞌajej li cuan saꞌ xbe̱n li tzu̱l ut li cuan chixjun sutam, aꞌan santil naꞌajej ut kꞌaxal lokꞌ, chan li Dios.

Ezequiel 42:14

Nak eb laj tij teꞌoc saꞌ li templo, incꞌaꞌ naru teꞌxic saꞌ li neba̱l li cuan chirix cui incꞌaꞌ teꞌrisi li rakꞌ li cuan chirixeb nak teꞌcꞌanjelak chiru li Dios saꞌ li Santil Naꞌajej. Teꞌxcanab li rakꞌ saꞌ li naꞌajej aꞌan xban nak li rakꞌ aꞌan santobresinbil. Teꞌxqꞌue jalan rakꞌeb chirix nak teꞌxic saꞌ li neba̱l li cuanqueb cuiꞌ li cristian, chan li cui̱nk.

Salmos 93:5

At nimajcual Dios, la̱ chakꞌrab xakxo̱k xcuanquil chi junelic. Incꞌaꞌ naru xjalbal. Ut li santilal cua̱nk saꞌ la̱ templo chi junelic kꞌe cutan.

Éxodo 39:41

Queꞌxkꞌaxtesi ajcuiꞌ li rakꞌeb laj tij li teꞌrocsi nak teꞌoc chi cꞌanjelac saꞌ li tabernáculo. Queꞌxkꞌaxtesi li rakꞌ laj Aarón lix be̱nil aj tij joꞌqueb ajcuiꞌ li rakꞌeb li ralal li teꞌrocsi nak teꞌoc chi cꞌanjelac chokꞌ aj tij.

Éxodo 26:1

Ta̱yi̱b li laje̱b li ni̱nki tꞌicr re xtzꞌapbal ru li tabernáculo riqꞌuin li bakbil nokꞌ lino, li nokꞌ azul, joꞌ ajcuiꞌ púrpura ut cak. Ut te̱qꞌue querubines chiru li tꞌicr aꞌan chokꞌ xsahob ru chi cha̱bil xyi̱banquil.

Éxodo 25:4

li tꞌicr azul, li tꞌicr púrpura, li tꞌicr cak, li cha̱bil tꞌicr lino, joꞌ ajcuiꞌ li tꞌicr yi̱banbil riqꞌuin li rismal li chiba̱t,

Éxodo 38:31

Ut queꞌxyi̱b lix naꞌajeb li okech li teꞌxqꞌue saꞌ li neba̱l ut saꞌ li oqueba̱l. Ut queꞌxyi̱b ajcuiꞌ li chꞌi̱chꞌ li ta̱chapok re saꞌ chꞌochꞌ lix cꞌa̱mal li tabernáculo, joꞌ ajcuiꞌ li chꞌi̱chꞌ li ta̱chapok re lix cꞌa̱mal li okech li sutsu cuiꞌ li neba̱l.

Éxodo 28:5

Li cꞌaꞌru ta̱cꞌanjelak chiruheb li teꞌyi̱ba̱nk re li rakꞌeb, aꞌan aꞌin: li oro, li nokꞌ azul, li nokꞌ púrpura, li nokꞌ cak ut li bakbil nokꞌ lino.