Éxodo 38:9 - Li Santil hu

⁹ Queꞌxyi̱b ajcuiꞌ li neba̱l re li tabernáculo. Queꞌxsut riqꞌuin tꞌicr yi̱banbil riqꞌuin li bakbil nokꞌ lino. Saꞌ li jun pacꞌal li nacana saꞌ li sur o̱b roxcꞌa̱l (65) metro xnimal rok li tꞌicr queꞌxqꞌue.

Q'eqchi Bible

⁹ Laj Besalel kixyiib' ajwi' li neb'aal. Sa' xjayal Nejeb, sa' rokeb'l li iq', wank xt'ilkem li neb'aal, yiib'anb'il rik'in b'aqb'il liin li jwal chaab'il, kach'in chik maa waqxaqib' xka'k'aal moqoj xnimal li roq.

Éxodo 38:9 ပူးပေါင်းရင်းမြစ်များ

Salmos 100:4

Chex-oc saꞌ lix templo li Dios re xbantioxinquil chiru. Chex-oc saꞌ li rochoch li Dios ut chelokꞌoni riqꞌuin le̱ bich. Chebantioxi re li Ka̱cuaꞌ ut chenima ru.

Salmos 92:13

Chanchanakeb li cheꞌ li aubil cuan cuiꞌ lix templo li Dios, li yo̱queb chi atzꞌumac.

Salmos 89:7

Chixjunileb li santil ángel nequeꞌxqꞌue a̱lokꞌal xban nak kꞌaxal nim la̱ cuanquil. La̱at xucuanbil a̱cuu xbaneb chixjunileb li cuanqueb saꞌ choxa.

Salmos 84:10

Kꞌaxal lokꞌ li cua̱nc saꞌ la̱ templo usta jun cutan ajcuiꞌ chiru li cua̱nc jun mil cutan saꞌ jalan naꞌajej. Kꞌaxal us chokꞌ cue la̱in cua̱nc saꞌ la̱ cuochoch, usta caꞌaj cuiꞌ rilbal li oqueba̱l tinba̱nu, chiru li cua̱nc saꞌ jun cha̱bil naꞌajej li nequeꞌxba̱nu cuiꞌ li ma̱usilal.

Salmos 84:2

Cꞌajoꞌ nak nacuaj ru cua̱nc saꞌ la̱ cuochoch. Xban xsahil lin chꞌo̱l, chi anchal inchꞌo̱l, ninbicha a̱lokꞌal, at yoꞌyo̱quil Dios.

1 Reyes 6:36

Ut queꞌxyi̱b li neba̱l li cuan chiru li templo. Queꞌxyi̱b li tzꞌac riqꞌuin li pec ti̱cobresinbil ru chi us. Oxib tzol li pec ut jun tzol li cheꞌ chacalteꞌ queꞌxqꞌue saꞌ xbe̱n li pec.

Éxodo 40:33

Quixqꞌue li cheꞌ chiru li ruꞌuj neba̱l li tabernáculo joꞌ ajcuiꞌ li artal ut quixsut saꞌ tꞌicr. Quixtzꞌap li oqueba̱l riqꞌuin jun nimla tꞌicr. Joꞌcaꞌin nak quixchoy lix cꞌanjel laj Moisés.

Éxodo 40:8

Te̱qꞌue li cheꞌ chiru li ruꞌuj neba̱l ut te̱sut saꞌ tꞌicr ut te̱tzꞌap li oqueba̱l riqꞌuin junak nimla tꞌicr.

Éxodo 26:1

Ta̱yi̱b li laje̱b li ni̱nki tꞌicr re xtzꞌapbal ru li tabernáculo riqꞌuin li bakbil nokꞌ lino, li nokꞌ azul, joꞌ ajcuiꞌ púrpura ut cak. Ut te̱qꞌue querubines chiru li tꞌicr aꞌan chokꞌ xsahob ru chi cha̱bil xyi̱banquil.

Éxodo 38:10

Queꞌxyi̱b junmay li okech riqꞌuin bronce ut junmay lix naꞌajeb li teꞌxqꞌue cuiꞌ. Queꞌxyi̱b ajcuiꞌ li ganchos ut li argollas riqꞌuin plata li teꞌxchap cuiꞌ li tꞌicr.

Números 4:26

Aꞌaneb li teꞌcꞌamok re li tꞌicr li najelman chi xjun sutam li neba̱l re li tabernáculo ut li artal, ut li tꞌicr li cuan saꞌ li oqueba̱l re li neba̱l. Ut teꞌxcꞌam ajcuiꞌ chixjunil li nacꞌanjelac saꞌ li tabernáculo. Eb li ralal xcꞌajol laj Gersón, aꞌaneb li teꞌba̱nu̱nk re li cꞌanjel aꞌin.

Números 3:26

Aꞌaneb ajcuiꞌ li teꞌilok re li tꞌicr li cuan saꞌ li neba̱l li cuan chi xjun sutam li tabernáculo ut teꞌilok re li artal, joꞌ ajcuiꞌ li tꞌicr li cuan saꞌ li oqueba̱l re li neba̱l, joꞌ eb ajcuiꞌ li cꞌa̱m ut chixjunil li cꞌaꞌak re ru li ta̱cꞌanjelak saꞌ li cꞌanjel aꞌan.