Éxodo 38:8 - Li Santil hu

⁸ Riqꞌuin li lem bronce li quicꞌanjelac chiruheb li ixk li queꞌcꞌanjelac chire li oqueba̱l re li tabernáculo, queꞌxyi̱b jun li pila xnaꞌaj li haꞌ joꞌ ajcuiꞌ lix naꞌaj li teꞌxqꞌue cuiꞌ.

Q'eqchi Bible

⁸ Laj Besalel kixyiib' li pila rochb'een li roq, rik'in q'anch'iich': rik'in li xlemeb' li ixq li neke'k'anjelak sa' rokeb'aal li xMuheb'aal li ch'utam.

Éxodo 38:8 ပူးပေါင်းရင်းမြစ်များ

San Lucas 2:37

Ac cuan chic ca̱hib roꞌcꞌa̱l chihab (84) xcanajic xjunes. Aꞌan cuan junelic saꞌ li templo. Yo̱ chi cꞌanjelac chiru li Ka̱cuaꞌ chi kꞌek chi cutan. Junelic yo̱ chi tijoc ut yo̱ chixba̱nunquil x-ayu̱n.

1 Samuel 2:22

Ac ti̱x chic chi us laj Elí ut yo̱ chirabinquil resil li incꞌaꞌ us nequeꞌxba̱nu eb li ralal riqꞌuineb chixjunileb laj Israel. Quirabi ajcuiꞌ resil nak nequeꞌcuar riqꞌuineb li ixk li nequeꞌtrabajic chire li oqueba̱l re li tabernáculo li nequeꞌxlokꞌoni cuiꞌ li Ka̱cuaꞌ.

Éxodo 40:7

Te̱qꞌue ajcuiꞌ li pila saꞌ xyi li artal riqꞌuin li oqueba̱l re li tabernáculo. Ut te̱qꞌue haꞌ chi saꞌ.

1 Timoteo 5:5

Li xma̱lcaꞌan li jun a̱tal, caꞌaj chic riqꞌuin li Dios nayoꞌonin. Naxnumsi li cutan ut li kꞌojyi̱n chi tijoc ut naxtzꞌa̱ma chiru li Dios nak ta̱tenkꞌa̱k.

San Juan 13:10

Li Jesús quixye reheb: —Li ani ac x-atin, caꞌaj chic xchꞌajbal li rok ta̱raj, xban nak ac chꞌajbil. Ac sak chic ru. Joꞌcan ajcuiꞌ la̱ex. La̱ex ac ti̱c e̱chꞌo̱l xban nak ac xine̱pa̱b. Abanan moco che̱junilex ta ti̱c e̱chꞌo̱l. Cuan jun saꞌ e̱ya̱nk incꞌaꞌ ti̱c xchꞌo̱l, chan.

Zacarías 13:1

Saꞌ eb li cutan aꞌan, ta̱yoꞌla̱k jun li Yuꞌam Haꞌ. Ut li Haꞌ aꞌan ta̱chꞌajok re lix ma̱queb ut lix ma̱usilaleb li ralal xcꞌajol laj David joꞌqueb ajcuiꞌ li cuanqueb Jerusalén.

Salmos 26:6

La̱in ninchꞌaj li cuukꞌ. Aꞌan retalil nak ma̱cꞌaꞌ inma̱c. Ut ninxic saꞌ la̱ artal cha̱lokꞌoninquil saꞌ ti̱quilal.

Apocalipsis 1:5

Aꞌ taxak li usilal ut li tuktu̱quilal chicua̱nk e̱riqꞌuin li naxqꞌue li Jesucristo li ti̱c xchꞌo̱l chixyebal li ya̱l. Li Jesucristo aꞌan li xbe̱n li quicuacli chi yoꞌyo saꞌ xya̱nkeb li camenak. Aꞌan li kꞌaxal nim xcuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. Aꞌan quirahoc ke ut aꞌan qui-isin re li kama̱c nak quihoyeꞌ lix quiqꞌuel nak quicam saꞌ kacꞌabaꞌ.

1 Juan 3:7

Ex herma̱n, ma̱ ani chibalakꞌi̱nk e̱re. Li ani naba̱nun re li ti̱quilal, aꞌan ti̱c xchꞌo̱l joꞌ li Cristo ti̱c xchꞌo̱l.

Hebreos 9:10

Saꞌ lix pa̱ba̱leb junxil cuan li chakꞌrab chirix li cꞌaꞌru teꞌxtzaca ut cꞌaꞌru teꞌrucꞌ joꞌ ajcuiꞌ chanru nak teꞌchꞌajok re xsantobresinquileb rib. Usta incꞌaꞌ quijala lix naꞌlebeb, aban tento queꞌxba̱nu li chakꞌrab aꞌan toj quicuulac xkꞌehil nak li Dios quixjal nak quixqꞌue li acꞌ naꞌleb.

San Juan 18:16

Abanan laj Pedro quicana saꞌ be chire li oqueba̱l. Ut lix tzolom jun chic qui-el saꞌ li neba̱l li cuan chiru li cab ut quia̱tinac riqꞌuin li ixk li nacꞌacꞌalen re li oqueba̱l. Ut quirocsi laj Pedro chi saꞌ.

San Mateo 26:69

Laj Pedro cuan chirix cab cꞌojcꞌo chi ruꞌuj neba̱l. Quicuulac jun li ixk, xmo̱s li xyucuaꞌileb laj tij. Quixye re laj Pedro: —La̱at jun reheb li xeꞌochbenin re li Jesús aj Galilea.—

Proverbios 8:34

Us xak reheb li nequeꞌabin re li cha̱bil naꞌleb. Us xak reheb li nequeꞌoybenin riqꞌuin ut eb li nequeꞌsicꞌoc re rajlal.

1 Reyes 7:38

Ut quixyi̱b ajcuiꞌ riqꞌuin bronce laje̱b li pila. Li junju̱nk chi pila ju̱nk metro riqꞌuin ca̱cꞌa̱l centímetros xni̱nkal. Ut li haꞌ li na-oc chi saꞌ eb li pila aꞌan, cuan cuakxakib ciento riqꞌuin ca̱cꞌa̱l (880) litro chi haꞌ. Eb li laje̱b chi pila aꞌan quixqꞌueheb saꞌ xbe̱n li laje̱b chi cꞌochleba̱l.

Éxodo 31:9

Ut teꞌxyi̱b li artal li teꞌxcꞌat cuiꞌ li xul li teꞌxmayeja. Teꞌxyi̱b ajcuiꞌ chixjunil li ta̱cꞌanjelak saꞌ li artal. Ut teꞌxyi̱b ajcuiꞌ li pila joꞌ ajcuiꞌ li xnaꞌaj li teꞌxqꞌue cuiꞌ.

Éxodo 38:7

Queꞌxnumsi li cheꞌ aꞌan saꞌ eb li argollas li cuan saꞌ xcaꞌ pacꞌalil li artal re nak ta̱ru̱k xpakonquil. Riqꞌuin tzꞌalam cheꞌ queꞌxyi̱b ut hopho xsaꞌ queꞌxqꞌue li artal nak queꞌxyi̱b.

Éxodo 30:17

Li Ka̱cuaꞌ quia̱tinac cuiꞌchic riqꞌuin laj Moisés ut quixye re:

2 Crónicas 4:2

Quixyi̱b ajcuiꞌ jun li nimla pila sursu riqꞌuin bronce. Aꞌan ta̱cꞌanjelak chokꞌ xnaꞌaj li haꞌ. Ca̱hib metro riqꞌuin media metro xnimal li re. Cuib metro riqꞌuin o̱b xcaꞌcꞌa̱l centímetro xteram. Ut oxlaju metro riqꞌuin media metro xnimal xsaꞌ.

Isaías 3:23

Ta̱risiheb ajcuiꞌ li lem, li cha̱bil tꞌicr lino, li jayil tꞌicr joꞌ eb ajcuiꞌ lix sahob ru li nequeꞌxqꞌue saꞌ xjolomeb.