Éxodo 38:21 - Li Santil hu

²¹ Laj Moisés quixye reheb nak teꞌxtzꞌi̱ba retalil chixjunil li quicꞌanjelac chiruheb re xyi̱banquil lix tabernáculo li Ka̱cuaꞌ. Eb laj levita queꞌxtzꞌi̱ba retalil ut laj Itamar li ralal laj Aarón, aꞌan li quijolomin reheb.

Q'eqchi Bible

²¹ A'an a'in chixjunil li kik'anjelak re xyiib'ankil li Santil Muheb'aal, a' li xMuheb'aal li Sumwank, jo' chanru ke'xtz'iib'a eb' laj Leví xb'aan xtaqlahom laj Moisés, naq laj Itamar, ralal laj Aharón laj tij, kijolomink reheb'.

Éxodo 38:21 ပူးပေါင်းရင်းမြစ်များ

Hechos 7:44

Eb li kaxeꞌto̱nil yucuaꞌ queꞌxyi̱b ajcuiꞌ chak li tabernáculo nak yo̱queb chak chi numecꞌ saꞌ li chaki chꞌochꞌ ut aran xocxo li chakꞌrab. Queꞌxyi̱b joꞌ li retalil li quicꞌuteꞌ chiru laj Moisés xban li Dios.

2 Crónicas 24:6

Joꞌcan nak li rey Joás quixbok laj Joiada li xbe̱nil aj tij ut quixye re: —¿Cꞌaꞌut nak incꞌaꞌ xataklaheb laj levita chixxocbal chak li tumin riqꞌuineb laj Judá ut laj Jerusalén re xyi̱banquil li tabernáculo li xocxo cuiꞌ li contrato joꞌ quixye laj Moisés reheb li tenamit?—

Números 10:11

Saꞌ li junmay xbe li xcab po re li xcab chihab li chok qui-el saꞌ xbe̱n li tabernáculo.

Números 9:15

Saꞌ li cutan nak quixakaba̱c li tabernáculo, quitzꞌapeꞌ xban jun li chok. Chalen saꞌ li ecuu toj nasake̱u li chok cuan saꞌ xbe̱n. Ut li chok chanchan xam.

Números 1:53

Ut eb li ralal xcꞌajol laj Leví teꞌxyi̱b lix muheba̱leb chi xjun sutam li tabernáculo. Ut aꞌaneb li teꞌilok re, re nak li Dios incꞌaꞌ ta̱joskꞌokꞌ saꞌ xbe̱neb laj Israel.

Números 1:50

Te̱xakabeb ban li ralal xcꞌajol laj Leví chi cꞌanjelac saꞌ li tabernáculo ut aꞌaneb li teꞌilok re chixjunil li nacꞌanjelac aran. Teꞌxyi̱b lix muheba̱leb chi xjun sutam li tabernáculo.

Números 18:2

Qꞌueheb xcꞌanjel la̱ cuechꞌalal, li ralal xcꞌajol laj Leví, re nak textenkꞌa nak yo̱kex chi cꞌanjelac saꞌ li tabernáculo la̱at ut eb la̱ cualal.

Éxodo 6:23

Laj Aarón quixcꞌam chokꞌ rixakil lix Elisabet lix coꞌ lix Aminadab li ri̱tzꞌin laj Naasón. Laj Aarón quicuan ca̱hib li ralal riqꞌuin. Aꞌaneb aꞌin lix cꞌabaꞌ: laj Nadab, laj Abiú, laj Eleazar ut laj Itamar.

Apocalipsis 21:3

Ut quicuabi jun yo̱ chak chi a̱tinac cuan cuiꞌ li cꞌojariba̱l ut quixye chi cau xya̱b xcux: —Anakcuan ta̱cua̱nk li Dios riqꞌuineb li cristian. Aꞌanakeb li ralal xcꞌajol. Li Dios ta̱cua̱nk riqꞌuineb. Aꞌanak lix Dioseb.

Apocalipsis 11:19

Ut quicuil nak quiteheꞌ lix templo li Dios cuan saꞌ choxa. Ut quicꞌutun li Lokꞌlaj Ca̱x li cuan cuiꞌ li contrato saꞌ lix templo li Dios. Nareploc li rakꞌ ca̱k ut nabal li choki̱nc. Quicuan jun li hi̱c ut nabal li sakbach quitꞌaneꞌ nak quicuil.

2 Pedro 1:13

Aꞌ yal joꞌ najtil yoꞌyo̱kin, nincꞌoxla nak tento tintochꞌ le̱ chꞌo̱l riqꞌuin xjulticanquil a a̱tin aꞌin che̱ru.

Hebreos 9:11

Aban ac xcꞌulun li Jesucristo ut aꞌan chic li tzꞌakal xyucuaꞌil aj tij chokꞌ ke la̱o. Ut xkacꞌul li rusilal li Dios li quixqꞌue ke saꞌ li acꞌ contrato. Li Jesucristo incꞌaꞌ nacꞌanjelac saꞌ junak tabernáculo yi̱banbil xbaneb li cui̱nk arin saꞌ ruchichꞌochꞌ. Kꞌaxal lokꞌ cuiꞌchic li naꞌajej li nacꞌanjelac cuiꞌ.

Hebreos 8:2

Li Jesucristo nacꞌanjelac saꞌ li Santil Naꞌajej saꞌ choxa li yi̱banbil xban li Dios, ut ma̱cuaꞌ saꞌ li naꞌajej yi̱banbil xbaneb li cui̱nk.

2 Corintios 5:1

Li katzꞌejcual arin saꞌ ruchichꞌochꞌ chanchan jun li ochoch li na-osoꞌ. La̱o nakanau nak li katzꞌejcual arin saꞌ ruchichꞌochꞌ na-osoꞌ. Abanan ta̱cua̱nk chic jun katzꞌejcual saꞌ choxa li tixqꞌue ke li Dios. Moco joꞌ ta li ochoch arin saꞌ ruchichꞌochꞌ li na-osoꞌ xban nak yi̱banbil xban cui̱nk. Li katzꞌejcual aran saꞌ choxa incꞌaꞌ ta̱osokꞌ. Cua̱nk ban chi junelic.

San Mateo 17:4

Ut quia̱tinac laj Pedro ut quixye re li Jesús: —Ka̱cuaꞌ, cꞌajoꞌ xchakꞌal ru nak cuanco arin. Cui ta̱cuaj, takayi̱b oxibak muheba̱l arin. Jun a̱cue, jun re laj Moisés ut jun re laj Elías, chan.

Salmos 15:1

At Ka̱cuaꞌ, ¿ani ta̱ru̱k ta̱cua̱nk saꞌ la̱ santil naꞌaj? ¿Ani ta̱ru̱k ta̱cua̱nk chi sum a̱tin a̱cuiqꞌuin?

Li xHu LAJ JOB 26:1

Quichakꞌoc laj Job ut quixye re:

Li xHu LAJ JOB 22:23

Cui tatsukꞌi̱k cuiꞌchic riqꞌuin li nimajcual Dios, ut ta̱cubsi a̱cuib chiru, aꞌan tatrosobtesi ut ta̱risi li rahil chꞌo̱lej li cuancat cuiꞌ.

Li xHu LAJ JOB 11:4

La̱at nacaye nak la̱ pa̱ba̱l cha̱bil ut nak ti̱c a̱chꞌo̱l chiru li Dios.

1 Crónicas 6:3

Eb li ralal laj Amram, aꞌaneb laj Aarón ut laj Moisés. Lix rabin, aꞌan lix María. Eb li ralal laj Aarón, aꞌaneb aꞌin: laj Nadab, laj Abiú, laj Eleazar ut laj Itamar.

Números 24:5

Cꞌajoꞌ xchꞌinaꞌusal le̱ muheba̱l la̱ex aj Israel. Kꞌaxal chꞌinaꞌus li naꞌajej li nequexcuan cuiꞌ, la̱ex li ralal xcꞌajol laj Jacob.

Éxodo 40:3

Chi saꞌ li tabernáculo te̱qꞌue li Lokꞌlaj Ca̱x li cꞌu̱lanbil cuiꞌ li laje̱b chi chakꞌrab. Ut te̱tas xsaꞌ riqꞌuin jun li tꞌicr re xrambal li Lokꞌlaj Ca̱x.

Éxodo 26:33

Chiru li gancho oro te̱qꞌue li nimla tꞌicr. Aꞌan ta̱cꞌanjelak chokꞌ tas saꞌ li tabernáculo. Caꞌ tasal ta̱cana̱k xsaꞌ li tabernáculo. Li xbe̱n tasal, aꞌan li Santil Naꞌajej. Ut li xcaꞌ tasal, aꞌan li Lokꞌlaj Santil Naꞌajej. Saꞌ li Lokꞌlaj Santil Naꞌajej aꞌan, te̱qꞌue li Lokꞌlaj Ca̱x bar ta̱xocma̱nk cuiꞌ li chakꞌrab.

Éxodo 25:16

Ut saꞌ li ca̱x aꞌan te̱xoc li chakꞌrab li tinqꞌue e̱re.

Apocalipsis 15:5

Ut chirix chic aꞌan quicuil nak quiteheꞌ li Lokꞌlaj Santil Naꞌajej saꞌ choxa bar xocxo cuiꞌ li contrato li quixba̱nu li Dios.

Éxodo 38:20

Queꞌxyi̱b riqꞌuin bronce chixjunil li chꞌi̱chꞌ li ta̱chapok re saꞌ chꞌochꞌ lix cꞌa̱mal li tabernáculo joꞌqueb ajcuiꞌ lix cꞌa̱mal li okech li cuan saꞌ li neba̱l.

Éxodo 38:22

Laj Bezaleel quixba̱nu chixjunil li quiyeheꞌ re laj Moisés xban li Ka̱cuaꞌ. Laj Bezaleel, aꞌan li ralal laj Uri. Laj Uri, aꞌan li ralal laj Hur xcomoneb li ralal xcꞌajol laj Judá.