Éxodo 38:18 - Li Santil hu

¹⁸ Cha̱bil xyi̱banquil li tꞌicr li teꞌxqꞌue saꞌ li oqueba̱l re li neba̱l. Queꞌxyi̱b riqꞌuin li nokꞌ azul, li nokꞌ púrpura ut li nokꞌ cak, joꞌ ajcuiꞌ li bakbil nokꞌ lino. Bele̱b metro xnimal rok li tꞌicr ut cuib metro riqꞌuin o̱b xcaꞌcꞌa̱l (25) centímetro lix teram. Juntakꞌe̱t xteram riqꞌuin li tꞌicr re li neba̱l.

Q'eqchi Bible

¹⁸ Li t'ikr li ki'ok sa' rokeb'aal li neb'aal a'an chaab'il t'ikr, pikb'il chi us rik'in kaqinoq' ut moraad, rik'in kaqjorinkil noq' ut b'aqb'il liin li jwal chaab'il: wan xwaq moqoj xnimal li roq ut lajeeb' k'utub' xteram malaj xnimal li ru; jo'kan ajwi' chixjunil li t'ilkem sutsu wi' li neb'aal.

Éxodo 38:18 ပူးပေါင်းရင်းမြစ်များ

2 Crónicas 3:14

Ut quixyi̱b ajcuiꞌ li nimla tꞌicr li ta̱ramok re lix Lokꞌlaj Santil Naꞌajej riqꞌuin li nokꞌ azul, joꞌ ajcuiꞌ púrpura ut cak. Yi̱banbil riqꞌuin li bakbil nokꞌ lino. Chokꞌ xsahob ru quixqꞌue retalil li querubines chiru.

Éxodo 26:1

Ta̱yi̱b li laje̱b li ni̱nki tꞌicr re xtzꞌapbal ru li tabernáculo riqꞌuin li bakbil nokꞌ lino, li nokꞌ azul, joꞌ ajcuiꞌ púrpura ut cak. Ut te̱qꞌue querubines chiru li tꞌicr aꞌan chokꞌ xsahob ru chi cha̱bil xyi̱banquil.

Éxodo 26:36

Ut te̱yi̱b jun chic li nimla tꞌicr li ta̱cꞌanjelak chokꞌ xpuertil li tabernáculo. Te̱yi̱b li tꞌicr aꞌan riqꞌuin li nokꞌ azul, púrpura ut cak ut riqꞌuin li bakbil nokꞌ lino. Te̱qꞌue xsahob ru chi cha̱bil xyi̱banquil.

Éxodo 38:17

Queꞌxyi̱b riqꞌuin bronce lix naꞌajeb li teꞌqꞌuehekꞌ cuiꞌ li okech. Ut queꞌxyi̱b riqꞌuin plata li ganchos ut li argollas ut queꞌxletz li plata chirix li okech. Ut queꞌxletz ajcuiꞌ plata saꞌ xjolomeb li okech.

Éxodo 38:19

Queꞌxyi̱b ajcuiꞌ riqꞌuin bronce ca̱hib li okech joꞌ ajcuiꞌ lix naꞌajeb li teꞌqꞌuehekꞌ cuiꞌ. Ut queꞌxyi̱b riqꞌuin plata li ganchos ut li argollas. Ut queꞌxletz ajcuiꞌ plata saꞌ xjolomeb li okech.