Éxodo 37:29 - Li Santil hu

²⁹ Ut queꞌxyi̱b ajcuiꞌ chi cha̱bil li sununquil aceite li nequeꞌxqꞌue saꞌ xbe̱neb li teꞌkꞌaxtesi̱k chi cꞌanjelac chiru li Ka̱cuaꞌ. Ut queꞌxyi̱b ajcuiꞌ li sununquil incienso. Queꞌxyi̱b chi cha̱bil joꞌ nequeꞌxnau xyi̱banquil li nequeꞌyi̱ban re li sununquil ban aꞌan.

Q'eqchi Bible

²⁹ Kixyiib' ajwi' li aseeyt re li loq'laj yuluk ut li sununkil ensens jwal chaab'il, jo' tz'aqal naxb'aanu laj yiib'ahom re.

Éxodo 37:29 ပူးပေါင်းရင်းမြစ်များ

1 Juan 2:27

Abanan incꞌaꞌ tento ta̱cua̱nk junak aj tzolol e̱re re xcꞌutbal che̱ru cꞌaꞌru li ya̱l ut cꞌaꞌru li incꞌaꞌ ya̱l xban nak qꞌuebil e̱re li Santil Musikꞌej xban li Jesucristo. Li Santil Musikꞌej cuan e̱riqꞌuin ut aꞌan li naqꞌuehoc e̱naꞌleb. Li cꞌaꞌru naxcꞌut che̱ru li Santil Musikꞌej tzꞌakal ya̱l. Moco ticꞌtiꞌ ta. Joꞌcan nak chexcua̱nk chi sum a̱tin riqꞌuin li Jesucristo joꞌ naxcꞌut che̱ru li Santil Musikꞌej.

1 Juan 2:20

Ut la̱ex ac santobresinbilex xban li Santil Musikꞌej li qꞌuebil e̱re xban li Jesucristo, ut nequenau chic lix ya̱lal.

Hebreos 7:25

Li Jesucristo aꞌan tzꞌakal ta̱colok reheb chixjunileb li nequeꞌpa̱ban re li Dios saꞌ xcꞌabaꞌ aꞌan. Li Jesucristo yoꞌyo chi junelic ut naa̱tinac chirixeb chiru li Dios.

Hebreos 5:7

Nak li Jesucristo quicuan arin saꞌ ruchichꞌochꞌ quiya̱bac nak quitijoc. Chi cau xya̱b xcux quitzꞌa̱man chiru li Dios, li cuan xcuanquil chi coloc re chiru li ca̱mc. Ut li Dios quirabi lix tij xban nak quixkꞌaxtesi rib re xba̱nunquil lix cꞌanjel li Dios.

San Juan 3:34

Li Jesucristo, aꞌan taklanbil chak xban li Dios ut naxye li cꞌaꞌru nayeheꞌ re xban li Dios xban nak li Santil Musikꞌej cuan riqꞌuin chi tzꞌakal.

Isaías 61:3

Quinixtakla chixqꞌuebal li sahil chꞌo̱lejil reheb li teꞌya̱bak aran Sión re nak incꞌaꞌ chic rahak saꞌ xchꞌo̱leb. Tinqꞌueheb xlokꞌal chokꞌ re̱kaj li cha. Tinqꞌue li sahil chꞌo̱lejil chokꞌ re̱kaj li rahil chꞌo̱lejil. Tebinqꞌue chi bicha̱nc chokꞌ re̱kaj li ya̱bac. Chanchanakeb li cheꞌ li kꞌaxal cau xban nak chꞌolaninbileb xban li Ka̱cuaꞌ ut teꞌxba̱nu li ti̱quilal. Ut li Ka̱cuaꞌ ta̱qꞌuehekꞌ xlokꞌal riqꞌuin li teꞌxba̱nu.

Isaías 61:1

Lix musikꞌ li nimajcual Dios cuan cuiqꞌuin. Li Dios quixsicꞌ cuu ut quinixtakla chixyebal li cha̱bil esil reheb li rahobtesinbileb. Quinixtakla chixtenkꞌanquileb li cuanqueb saꞌ raylal. Quinixtakla chixcolbaleb li cuanqueb chi pre̱xil joꞌqueb ajcuiꞌ li cuanqueb saꞌ tzꞌalam.

Isaías 11:2

Ut lix musikꞌ li Ka̱cuaꞌ ta̱cua̱nk riqꞌuin chi junelic. Aꞌan ta̱qꞌuehok xnaꞌleb ut xse̱bal xchꞌo̱l. Ut aꞌan ta̱tenkꞌa̱nk re chi qꞌuehoc naꞌleb ut chi takla̱nc. Aꞌan ta̱tenkꞌa̱nk re chixnaubal ru lix ya̱lal ut chixxucuanquil ru li Ka̱cuaꞌ.

Eclesiastés 10:1

Li camenak raxya̱t naxpoꞌ li sununquil ban ut nachuhoꞌ. Joꞌcan ajcuiꞌ li to̱ntil naꞌleb naru tixpoꞌ ru li naꞌleb li kꞌaxal lokꞌ.

Salmos 141:2

Chicuulak taxak a̱cuiqꞌuin lin tij joꞌ nak nacuulac a̱cuiqꞌuin xbo̱c li incienso. La̱in nintaksi li cuukꞌ chi tijoc cha̱cuu. Ta̱cꞌul taxak joꞌ jun li mayej li naqꞌueman chiru li ecuu.

Salmos 92:10

La̱at ta̱qꞌue inmetzꞌe̱u joꞌ xmetzꞌe̱u li toro ut ta̱qꞌue li sununquil ban saꞌ injolom retalil xsahil inchꞌo̱l.

Salmos 23:5

Niquina̱qꞌue chi cuaꞌac chiruheb li xicꞌ nequeꞌiloc cue. Nacaqꞌue li sununquil ban saꞌ lin jolom. Kꞌaxal numtajenak xsahil inchꞌo̱l nacaqꞌue. Chanchan nak yo̱ chi hoyecꞌ lin secꞌ xban xnujenakil.

Éxodo 37:28

Ut queꞌxyi̱b ajcuiꞌ li cuib chi cheꞌ acacia ti̱c rix ut queꞌxletz oro chirix.

Éxodo 30:22

Li Ka̱cuaꞌ quia̱tinac cuiꞌchic riqꞌuin laj Moisés ut quixye re: