Éxodo 37:23 - Li Santil hu

²³ Ut queꞌxyi̱b ajcuiꞌ li cuukub chi candil joꞌ ajcuiꞌ li chꞌi̱chꞌ li ta̱cꞌanjelak re xsetbal lix mechil ut li plato li naxocman cuiꞌ li teꞌxset. Chixjunil queꞌxyi̱b riqꞌuin tzꞌakal oro.

Q'eqchi Bible

²³ Kixyiib' ajwi' rik'in chaab'il oor eb' li wuqub' xna'aj li saqenk rochb'eeneb' li xna'aj li xya'al kanteel ut li xk'ulb'al li cha.

Éxodo 37:23 ပူးပေါင်းရင်းမြစ်များ

Apocalipsis 5:5

Ut jun reheb li chunchu̱queb saꞌ li ca̱hib xcaꞌcꞌa̱l chi cꞌojariba̱l quixye cue: —Matya̱bac xban nak cuan jun ta̱ru̱k tixte li hu aꞌin. Cuan jun aj Judá chanchan li cakcoj. Aꞌan xcomoneb li ralal xcꞌajol li rey David. Aꞌan xcꞌulub risinquil li cuukub chi sello ut xcꞌulub xtebal li hu xban nak aꞌan quixcuy xnumsinquil li ra xi̱cꞌ, chan.

Apocalipsis 4:5

Ut saꞌ li lokꞌlaj cꞌojariba̱l nareploc li chanchan rakꞌ ca̱k ut lix ya̱b li choki̱nc chanchan nak namok li ca̱k. Chiru cuan cuukub li lámpara lochlo retalil li Santil Musikꞌej.

Apocalipsis 1:20

Lix ya̱lal li cuukub chi chahim li xacuil saꞌ lin nim ukꞌ, aꞌan li retalileb li cuukub lix takl li Dios li nequeꞌiloc reheb li cuukub chꞌu̱tal chi aj pa̱banel. Ut lix ya̱lal li cuukub chi candelero, aꞌan retalileb li cuukub chꞌu̱tal chi aj pa̱banel.

Apocalipsis 1:12

Ut nak quin-iloc chicuix chirilbal ani yo̱ chi a̱tina̱nc cue, quicuil cuukub li candelero cuan xxamlel yi̱banbil riqꞌuin oro.

Zacarías 4:2

Ut quixye cue: —¿Cꞌaꞌru yo̱cat chirilbal?— Ut la̱in quinchakꞌoc ut quinye re: —Yo̱quin chirilbal jun li candelero yi̱banbil riqꞌuin oro. Ut saꞌ xbe̱n cuan xnaꞌaj li aceite ut cuan xnaꞌaj cuukub candil ut cuan ajcuiꞌ cuukub li nanumeꞌ cuiꞌ li aceite.

Números 8:2

—Tat-a̱tinak riqꞌuin laj Aarón ut ta̱ye re nak tixloch xxamlel li cuukub chi candil, tixqꞌue li candelero re nak tixcutanobresi li naꞌajej li cuan chiru, chan.

Éxodo 25:37

Ut nak acak xya̱loꞌ li candelero, te̱yi̱b ajcuiꞌ cuukub li candil ut te̱qꞌue saꞌ xnaꞌaj saꞌ li candelero re nak lix xamlel tixcutanobresi li naꞌajej cua̱nk cuiꞌ.

Éxodo 25:38

Te̱yi̱b ajcuiꞌ riqꞌuin tzꞌakal oro li chꞌi̱chꞌ li ta̱cꞌanjelak re xsetbal lix mechil ut joꞌ ajcuiꞌ li plato li naxocman cuiꞌ li te̱set saꞌ lix mechil.

Éxodo 37:22

Chixjunil li candelero rochben lix sahob ru, junaj ru nak queꞌxyi̱b riqꞌuin tzꞌakal oro tenbil riqꞌuin martillo.

Éxodo 37:24

Numenak ca̱laju xca̱cꞌa̱l (74) libra li tzꞌakal oro li quicꞌanjelac re xyi̱banquil li candelero joꞌqueb ajcuiꞌ li chꞌi̱chꞌ li ta̱cꞌanjelak re xyi̱banquil lix mechil li candil.