Éxodo 37:17 - Li Santil hu

¹⁷ Ut queꞌxyi̱b ajcuiꞌ li candelero riqꞌuin tzꞌakal oro tenbil riqꞌuin martillo. Queꞌxyi̱b li rok ut li xakxo saꞌ xyi joꞌ ajcuiꞌ lix naꞌajeb lix xamlel. Ut queꞌxqꞌue li utzꞌuꞌuj chokꞌ xsahob ru li candelero. Junaj ru li candelero nak queꞌxyi̱b.

Q'eqchi Bible

¹⁷ Laj Besalel kixyiib' li xna'aj kanteel rik'in tz'aqal oor. Rik'in kawil oor kixyiib' li xna'aj kanteel, li xtoonal jo' ajwi' li roq; xchapomeb' rib' li xsahob' ru rik'in a'an, chanchaneb' uutz'u'uj.

Éxodo 37:17 ပူးပေါင်းရင်းမြစ်များ

Hebreos 9:2

Joꞌcaꞌin nak yi̱banbil li naꞌajej. Tasbil saꞌ xyi riqꞌuin jun nimla tꞌicr. Saꞌ li xbe̱n tasal cuan li candil cuukub xxamlel ut cuan ajcuiꞌ li me̱x bar naqꞌueman cuiꞌ li mayejanbil caxlan cua. Li xbe̱n tasal aꞌan Santil Naꞌajej xcꞌabaꞌ.

Apocalipsis 1:12

Ut nak quin-iloc chicuix chirilbal ani yo̱ chi a̱tina̱nc cue, quicuil cuukub li candelero cuan xxamlel yi̱banbil riqꞌuin oro.

Filipenses 2:15

Cheba̱nuhak chixjunil saꞌ xya̱lal re nak chicꞌutu̱nk nak chi anchal e̱chꞌo̱l nequexpa̱ban ut re nak ma̱ ani ta̱a̱tinak che̱rix. La̱ex ralal xcꞌajol li Dios ut ma̱cꞌaꞌak e̱ma̱c usta cuanquex saꞌ xya̱nkeb laj ma̱c, li incꞌaꞌ useb xnaꞌleb. Ut xban nak ti̱c e̱chꞌo̱l, nak yo̱kex chixyebal resil li colba-ib chiruheb, chiruheb chanchanakex li chahim li nalemtzꞌun chiru kꞌojyi̱n.

San Mateo 5:15

Chi moco nalochman junak candil re xqꞌuebal rubel junak chacach. Naqꞌueman ban saꞌ xbe̱n xnaꞌaj candil re nak tixcutanobresi saꞌ li cab li cuanqueb cuiꞌ chixjunileb.

Zacarías 4:11

Ut la̱in quinpatzꞌ re li ángel: —¿Cꞌaꞌru xya̱lal li cuib to̱n chi olivo li cuanqueb chi xcaꞌ pacꞌalil li candelero?—

Zacarías 4:2

Ut quixye cue: —¿Cꞌaꞌru yo̱cat chirilbal?— Ut la̱in quinchakꞌoc ut quinye re: —Yo̱quin chirilbal jun li candelero yi̱banbil riqꞌuin oro. Ut saꞌ xbe̱n cuan xnaꞌaj li aceite ut cuan xnaꞌaj cuukub candil ut cuan ajcuiꞌ cuukub li nanumeꞌ cuiꞌ li aceite.

2 Crónicas 13:11

Rajlal ekꞌela ut rajlal ecuu nequeꞌxqꞌue li cꞌatbil mayej chiru li Ka̱cuaꞌ joꞌ ajcuiꞌ li incienso li sunu̱nc. Ut nequeꞌxqꞌue li caxlan cua chiru li me̱x li kꞌaxtesinbil re li Dios. Ut nalochman rajlal ecuu li candil li cuan saꞌ xbe̱neb li candelero li yi̱banbil riqꞌuin oro. La̱o yo̱co chixba̱nunquil joꞌ taklanbilo cuiꞌ xban li Ka̱cuaꞌ li kaDios. Abanan la̱ex xetzꞌekta̱na li Ka̱cuaꞌ Dios.

1 Crónicas 28:15

joꞌ li lámpara ut lix naꞌaj, joꞌ ajcuiꞌ li candelero ut lix naꞌaj,

Levítico 24:4

Tento xcauresinquileb li candil saꞌ xbe̱n li candelero li yi̱banbil riqꞌuin oro re nak junelic lochlo̱keb chiru li Ka̱cuaꞌ.

Éxodo 31:8

Teꞌxyi̱b li me̱x joꞌ ajcuiꞌ li secꞌ li ta̱cꞌanjelak saꞌ li me̱x. Teꞌxyi̱b li candelero riqꞌuin tzꞌakal oro joꞌ ajcuiꞌ li ta̱cꞌanjelak re xyi̱banquil lix mechil. Ut teꞌxyi̱b li artal li teꞌxcꞌat cuiꞌ li incienso.

Éxodo 37:16

Ut queꞌxyi̱b ajcuiꞌ li secꞌ li ta̱cꞌanjelak saꞌ li me̱x aꞌan. Queꞌxyi̱b riqꞌuin tzꞌakal oro li xar, li plato, ut li cuchara joꞌ ajcuiꞌ li ni̱nki secꞌ li ta̱cꞌanjelak re mayejac.

Éxodo 37:18

Queꞌxyi̱b cuukub xnaꞌaj li candil. Jun xnaꞌaj li xam cuan saꞌ xyi ut ox ox saꞌ xcaꞌ pacꞌalil.

Números 8:4

Joꞌcaꞌin xyi̱banquil li candelero. Yi̱banbil riqꞌuin oro tenbil riqꞌuin martillo naticla chak cuan cuiꞌ lix cꞌochleba̱l nacuulac cuan cuiꞌ li rutzꞌuꞌujil. Quiyi̱ba̱c chi tzꞌakal joꞌ quixye li Ka̱cuaꞌ re laj Moisés.