Éxodo 36:8 - Li Santil hu

⁸ Ut eb li nequeꞌxnau yi̱ba̱nc tꞌicr chi us saꞌ xya̱nkeb li yo̱queb chi cꞌanjelac queꞌxyi̱b li tabernáculo riqꞌuin laje̱b chi tꞌicr. Queꞌxyi̱b riqꞌuin li cha̱bil bakbil nokꞌ lino ut riqꞌuin li nokꞌ azul, li nokꞌ púrpura ut li nokꞌ cak. Ut queꞌxqꞌue li querubines chiru li tꞌicr aꞌan chokꞌ xsahob ru chi cha̱bil xyi̱banquil.

Q'eqchi Bible

⁸ Toja' naq eb' li jwal seeb'eb' xch'ool sa' xyanqeb' li yookeb' chi k'anjelak, ke'xyiib' li Santil Muheb'aal rik'in lajeeb' chi ninqi t'ikr, kemb'ileb' rik'in b'aqb'il liin li jwal chaab'il, rik'in kaqinoq' ut moraad, rik'in kaqjorinkil noq', ut wankeb' ajwi' pikb'il kerubín chiru.

Éxodo 36:8 ပူးပေါင်းရင်းမြစ်များ

2 Crónicas 3:10

Saꞌ li Lokꞌlaj Santil Naꞌajej quixyi̱b cuib li querubines riqꞌuin cheꞌ. Ut quixletz li oro chiruheb.

1 Crónicas 15:1

Laj David quixtakla xyi̱banquileb li rochoch Jerusalén, li nequeꞌxye “Xtenamit laj David” re. Quixyi̱b ajcuiꞌ li naꞌajej re ta̱cua̱nk cuiꞌ lix Lokꞌlaj Ca̱x li Dios ut quixyi̱b li muheba̱l.

1 Reyes 6:23

Ut queꞌxyi̱b ajcuiꞌ riqꞌuin li cheꞌ olivo cuib li querubines chanchaneb li ángel. Ca̱hib metro riqꞌuin media xnajtil xteram li junju̱nk chi querubín.

Éxodo 35:10

Cha̱lkeb chixjunileb li cuanqueb xnaꞌleb saꞌ e̱ya̱nk ut xyi̱bakeb li cꞌaꞌak re ru chi cha̱bil xyi̱banquil joꞌ quixye li Ka̱cuaꞌ.

Éxodo 31:6

Ut xinsicꞌ ajcuiꞌ ru laj Aholiab chixtenkꞌanquil laj Bezaleel. Laj Aholiab, aꞌan li ralal laj Ahisamac xcomoneb li ralal xcꞌajol laj Dan. Ut xinqꞌue ajcuiꞌ xnaꞌlebeb ut xcacuilal xchꞌo̱leb chixjunileb li teꞌcꞌanjelak re nak teꞌxba̱nu chixjunil li cꞌaꞌru xinye a̱cue.

Éxodo 25:22

Ut aran saꞌ xbe̱n li Lokꞌlaj Ca̱x saꞌ xyi li cuib chi querubines li cuanqueb saꞌ xbe̱n lix tzꞌapbal re, la̱in tincua̱nk saꞌ musikꞌej. Aran tina̱tinak a̱cuiqꞌuin ut tinqꞌue a̱cue li chakꞌrab li ta̱qꞌue reheb li ralal xcꞌajol laj Israel.

Éxodo 25:18

Ut te̱yi̱b cuib li querubines chanchaneb li ángel riqꞌuin oro tenbil riqꞌuin martillo. Ut te̱qꞌue saꞌ xbe̱n lix tzꞌapbal re li ca̱x, junju̱nk saꞌ li ju̱nk pacꞌal.

Éxodo 31:7

Teꞌxyi̱b li tabernáculo, joꞌ ajcuiꞌ li Lokꞌlaj Ca̱x, ut lix tzꞌapbal, joꞌ ajcuiꞌ chixjunil li ta̱cꞌanjelak saꞌ li tabernáculo.

Éxodo 36:9

Li laje̱b chi tꞌicr, juntakꞌe̱t xni̱nkal queꞌxqꞌue. Cablaju metro riqꞌuin media xni̱nkal rok ut cuib metro li xni̱nkal ru.

2 Crónicas 1:3

Ut laj Salomón rochbeneb chixjunileb li queꞌxchꞌutub ribeb queꞌco̱eb Gabaón saꞌ li naꞌajej li najt xteram xban nak aran cuan lix tabernáculo li Dios li quixyi̱b saꞌ li chaki chꞌochꞌ laj Moisés laj cꞌanjel chiru li Dios.

Éxodo 39:3

Queꞌxten li oro. Chanchan li nokꞌ nak queꞌxset chi cocꞌ ru re teꞌxqꞌue xsahob ru li tꞌicr yi̱banbil riqꞌuin lino ut riqꞌuin li nokꞌ azul, li nokꞌ púrpura ut li nokꞌ cak, ut cha̱bil nak queꞌxyi̱b.