Éxodo 36:2 - Li Santil hu

² Joꞌcan nak laj Moisés quixbokeb laj Bezaleel ut laj Aholiab ut chixjunileb li cuanqueb xnaꞌleb chixba̱nunquil chi us li cꞌanjel. Queꞌala saꞌ xchꞌo̱leb oque̱nc saꞌ li cꞌanjel aꞌin, ut li Dios quiqꞌuehoc xnaꞌlebeb re xba̱nunquil.

Q'eqchi Bible

² Laj Moisés kixb'oq laj Besalel, laj Oholiab ut chixjunileb' li winq seeb'eb' xch'ool li k'eeb'ileb' xna'leb' xb'aan li Qaawa', jo'k'ihal li neke'reek'a sa' xch'ooleb' okenk chi xb'aanunkil junaq k'anjel.

Éxodo 36:2 ပူးပေါင်းရင်းမြစ်များ

Hebreos 5:4

Lix cꞌanjel li xyucuaꞌil aj tij kꞌaxal lokꞌ, aban ma̱ jun naxyoꞌob xcꞌanjel yal xjunes rib. Eb aꞌan sicꞌbil ruheb xban li Dios. Li Dios naxxakabeb chi cꞌanjelac joꞌ nak quixakaba̱c laj Aarón najter.

Colosenses 4:17

Ut cheyehak ajcuiꞌ re laj Arquipo nak chixqꞌuehak xchꞌo̱l chixba̱nunquil li cꞌanjel li quiqꞌueheꞌ re xban li Ka̱cuaꞌ Dios.

Éxodo 31:6

Ut xinsicꞌ ajcuiꞌ ru laj Aholiab chixtenkꞌanquil laj Bezaleel. Laj Aholiab, aꞌan li ralal laj Ahisamac xcomoneb li ralal xcꞌajol laj Dan. Ut xinqꞌue ajcuiꞌ xnaꞌlebeb ut xcacuilal xchꞌo̱leb chixjunileb li teꞌcꞌanjelak re nak teꞌxba̱nu chixjunil li cꞌaꞌru xinye a̱cue.

Hechos 14:23

Queꞌxxakab aj cꞌamol be re li junju̱nk chꞌu̱tal chi aj pa̱banel. Queꞌxba̱nu lix ayu̱n ut queꞌtijoc saꞌ xbe̱neb re xkꞌaxtesinquileb saꞌ rukꞌ li Ka̱cuaꞌ li ac xeꞌpa̱ban.

1 Crónicas 29:5

Li oro ut li plata, aꞌan ta̱cꞌanjelak chiruheb li teꞌcꞌanjelak riqꞌuin li oro ut li plata. ¿Ma cuan saꞌ e̱ya̱nk la̱ex na-ala saꞌ xchꞌo̱l xqꞌuebal xmayej re xyi̱banquil lix templo li Dios? chan laj David.

Éxodo 35:10

Cha̱lkeb chixjunileb li cuanqueb xnaꞌleb saꞌ e̱ya̱nk ut xyi̱bakeb li cꞌaꞌak re ru chi cha̱bil xyi̱banquil joꞌ quixye li Ka̱cuaꞌ.

Éxodo 35:2

Cuakib cutan ajcuiꞌ textrabajik ut saꞌ li xcuuk li cutan texhila̱nk xban nak li cutan aꞌan santobresinbilak re nak te̱qꞌue xlokꞌal li Ka̱cuaꞌ. Ani ta̱trabajik saꞌ li hiloba̱l cutan, aꞌan ta̱camsi̱k.

Éxodo 28:3

Tat-a̱tinak riqꞌuineb chixjunileb laj yi̱bom tꞌicr li xinqꞌueheb xnaꞌleb. Ta̱ye reheb nak teꞌxyi̱b li rakꞌ laj Aarón xban nak aꞌan li te̱kꞌaxtesi chi cꞌanjelac chicuu chokꞌ aj tij.

Éxodo 25:2

—Ye reheb laj Israel nak teꞌxxoc junak li cha̱bil mayej chokꞌ cue. Teꞌxqꞌue li joꞌ qꞌuial li na-ala saꞌ xchꞌo̱leb xqꞌuebal ut teꞌxqꞌue chi anchaleb xchꞌo̱l.

Éxodo 36:1

Laj Bezaleel ut laj Aholiab ut chixjunileb li cui̱nk li cuanqueb xnaꞌleb sicꞌbileb ru re teꞌxba̱nu li cꞌanjel aꞌin. Ut li Dios quixqꞌue xnaꞌlebeb chixba̱nunquil chi tzꞌakal re ru joꞌ quixye, chan laj Moisés.

Éxodo 36:3

Ut laj Moisés quixkꞌaxtesi reheb li mayej li queꞌxqꞌue laj Israel re teꞌxtiquib xyi̱banquil li cꞌaꞌak re ru ta̱cꞌanjelak re li tabernáculo. Ut rajlal cutan eb laj Israel queꞌxcꞌam lix mayejeb joꞌ qui-ala saꞌ xchꞌo̱leb xqꞌuebal.

1 Crónicas 28:21

Li junju̱nk chꞌu̱tal chi aj tij ut eb li ralal xcꞌajol laj Leví ac cauresinbileb chi cꞌanjelac saꞌ lix templo li Dios. Chixjunileb li cui̱nk li queꞌxtzol ribeb chi cꞌanjelac teꞌoque̱nk saꞌ li cꞌanjel, eb li na-ala saꞌ xchꞌo̱leb xba̱nunquil. Eb li cuanqueb saꞌ xcuanquil ut chixjunileb li tenamit teꞌxba̱nu li cꞌaꞌru ta̱ye la̱at, chan laj David.

Éxodo 25:40

Qꞌue retal chi us re nak te̱yi̱b chi tzꞌakal re ru joꞌ xincꞌut cha̱cuu arin saꞌ li tzu̱l aꞌin.