Éxodo 34:7 - Li Santil hu

⁷ La̱in chi qꞌuila okꞌob li cristian nacuuxta̱naheb ru. Nincuy li qꞌuila ma̱c li nequeꞌxba̱nu. Eb li nequeꞌma̱cob teꞌxtoj rix lix ma̱c. Ninrahobtesiheb li alal cꞌajolbej riqꞌuin lix ma̱queb lix naꞌ xyucuaꞌeb toj saꞌ rox saꞌ xca̱ xtasalil li ralal xcꞌajoleb, chan li Dios.

Q'eqchi Bible

⁷ Xaqxo linrahom chiru k'iila o'q'ob' chihab' ut ninkuy li maa'usilal, li q'etq'etil ut li maak; ab'an ink'a' ninkanab'eb' laj maak chi maak'a' ta xtojb'aleb' rix li xb'aanuhom, ut ninteneb' li xmaak li na'b'ej yuwa'b'ej sa' xb'eeneb' li ralal xk'ajol, sa' xb'eeneb' li ri xmam ut li xxikin i”.

Éxodo 34:7 ပူးပေါင်းရင်းမြစ်များ

Salmos 103:3

Aꞌan naxcuy naxsach chixjunil lin ma̱c. Ut aꞌan li naqꞌuirtesin re chixjunil lin yajel.

Efesios 1:7

Kꞌaxal numtajenak li rusilal li Dios li quixqꞌue ke xban nak riqꞌuin xcamic li Jesucristo, cuan kacolbal ut cuybil sachbil chic li kama̱c.

Jeremías 32:18

La̱at nacacuuxta̱naheb ru li qꞌuila okꞌob chi cristian, abanan nacatakla li raylal saꞌ xbe̱n li tenamit re nak teꞌxtoj rix xma̱queb lix naꞌ xyucuaꞌeb. At Ka̱cuaꞌ, “Nimajcual Dios” a̱cꞌabaꞌ ut kꞌaxal nim la̱ cuanquil.

1 Juan 1:9

Cui nakaxo̱to li kama̱c chiru li Dios, relic chi ya̱l nak aꞌan ti̱c xchꞌo̱l chixcuybal chixsachbal li kama̱c, ut ta̱risi chixjunil li kama̱usilal.

Daniel 9:9

At Ka̱cuaꞌ, at kaDios, la̱at nacat-uxta̱nan ku ut la̱at nacatcuyuc re li kama̱c usta ac xkakꞌet la̱ cua̱tin.

Salmos 130:4

Abanan la̱at nacacuy nacasach li kama̱c. Joꞌcan nak tento nak takaqꞌue a̱lokꞌal.

Li xHu LAJ JOB 10:14

Yo̱cat chixqꞌuebal cuetal ma tinma̱cobk re nak naru tina̱qꞌue chixtojbal inma̱c.

Éxodo 23:7

Cherisihak ban e̱rib saꞌ xya̱nkeb li nequeꞌticꞌtiꞌic ut incꞌaꞌ te̱qꞌue chi camsi̱c li ti̱c xchꞌo̱l li ma̱cꞌaꞌ xma̱c xban nak la̱in tinye nak li incꞌaꞌ useb xnaꞌleb, aꞌan cuanqueb xma̱c.

Nahum 1:6

¿Ani ta biꞌ ta̱ru̱k ta̱cuyuk re lix joskꞌil li Dios? Ut, ¿ani ta biꞌ ta̱ru̱k tixcol rib chiru li Dios nak ta̱joskꞌokꞌ? Aꞌan chanchan li xam nak naxcꞌut lix joskꞌil. Ut nak najoskꞌoꞌ li Dios nalajeꞌjacheꞌ li sako̱nac.

Daniel 9:4

Ut quintijoc chiru li Ka̱cuaꞌ lin Dios ut quintzꞌa̱ma xcuybal xma̱queb lin tenamit chiru. Quinye re: —At Ka̱cuaꞌ, at nimajcual Dios, a̱cꞌulub nak ta̱xucua̱k a̱cuu. La̱at nacaba̱nu li cꞌaꞌru nacaye saꞌ li contrato ut nacacuuxta̱na ruheb li nequeꞌrahoc a̱cue ut nequeꞌba̱nun re li chakꞌrab li xaqꞌue.

Hebreos 12:29

Li kaDios chanchan jun li xam xban nak tixsach chixjunil li incꞌaꞌ us.

Efesios 4:32

Cha̱bilakex che̱ribil e̱rib. Cheruxta̱na e̱ru chi ribil e̱rib. Ut checuyak e̱ma̱c chi ribil e̱rib joꞌ nak li Dios quixcuy e̱ma̱c saꞌ xcꞌabaꞌ li Cristo.

Salmos 86:15

Abanan la̱at, at Ka̱cuaꞌ, at inDios, nim la̱ cuuxta̱n ut nim la̱ cuyum. La̱at incꞌaꞌ nacatjoskꞌoꞌ saꞌ junpa̱t. Kꞌaxal nim ban la̱ cuusilal. La̱at aj rahonel ut la̱at li ya̱l.

Miqueas 7:18

Ma̱ jun chic li Dios cuan. Caꞌaj cuiꞌ la̱at. La̱at nacatcuyuc ma̱c ut nasach saꞌ a̱chꞌo̱l lix ma̱queb la̱ tenamit Israel, li joꞌ qꞌuial chic li incꞌaꞌ queꞌsacheꞌ. La̱at incꞌaꞌ nacatjoskꞌoꞌ chi junaj cua. Nasahoꞌ ban saꞌ a̱chꞌo̱l chi uxta̱na̱nc u.

Nehemías 9:32

Aꞌut anakcuan, at Ka̱cuaꞌ, at kaDios, la̱at li kꞌaxal nim a̱cuanquil. Kꞌaxal cau a̱cuib ut xiu xiu a̱cuu. Junelic nacaba̱nu li cꞌaꞌru caye saꞌ li contrato ut kꞌaxal nim la̱ cuuxta̱n. Incꞌaꞌ taxak ta̱cana̱k yal chi joꞌcan li raylal li queꞌxcꞌul li karey, eb li nequeꞌcꞌamoc be chiku, eb laj tij, eb li kaprofeta, eb li kaxeꞌto̱nil yucuaꞌ, joꞌqueb ajcuiꞌ chixjunileb la̱ cualal a̱cꞌajol. Chalen saꞌ eb li cutan nak queꞌcuan lix reyeb laj Asiria ut toj anakcuan yo̱co chixcꞌulbal li raylal.

Nehemías 1:5

Ut quinye: —At Ka̱cuaꞌ, at inDios, li cuancat saꞌ choxa, kꞌaxal nim a̱cuanquil ut xiu xiu a̱cuu. Nintzꞌa̱man cha̱cuu xban nak la̱at junelic nacaba̱nu li cꞌaꞌru cayechiꞌi xba̱nunquil saꞌ li contrato li caba̱nu riqꞌuineb la̱ tenamit. Nacacuuxta̱na ruheb li nequeꞌrahoc a̱cue ut eb li nequeꞌba̱nun re li cꞌaꞌru naxye saꞌ la̱ chakꞌrab.

Hechos 13:38

Joꞌcan ut nak chenauhak la̱ex, kas ki̱tzꞌin, nak nakajultica che̱ru nak caꞌaj cuiꞌ saꞌ xcꞌabaꞌ li Jesús li quicuacli cuiꞌchic chi yoꞌyo cuan xcuybal xsachbal le̱ ma̱c.

Hechos 5:31

Li Jesús, aꞌan li quiqꞌueheꞌ xlokꞌal xban li Dios ut quiqꞌueheꞌ chi cꞌojla̱c saꞌ xnim ukꞌ ut quiqꞌueheꞌ xcuanquil chi takla̱nc ut chi coloc, re nak laj Israel naru teꞌyotꞌekꞌ xchꞌo̱leb teꞌxjal xcꞌaꞌux ut teꞌcuyekꞌ xma̱queb.

Josué 24:19

Ut laj Josué quixye reheb: —La̱ex incꞌaꞌ texru̱k chi cꞌanjelac chiru li Ka̱cuaꞌ xban nak aꞌan jun Dios Santo. Aꞌan incꞌaꞌ tixcuy e̱ma̱c cui yo̱kex chixlokꞌoninquil li yi̱banbil dios. Aꞌan incꞌaꞌ tixcuy e̱ma̱c riqꞌuin le̱ kꞌetkꞌetil chi moco tixcuy e̱ma̱c riqꞌuin le̱ ma̱usilal.

Deuteronomio 32:35

Cuulac re xkꞌehil nak li Ka̱cuaꞌ tixqꞌue re̱kaj reheb li incꞌaꞌ us queꞌxba̱nu ut telajeꞌtꞌanekꞌ. Cuulac re xkꞌehil nak teꞌsachekꞌ ruheb ut teꞌosokꞌ.

Éxodo 23:21

Chex-abi̱nk chiru ut cheba̱nu li cꞌaꞌru naxye. Me̱kꞌetkꞌeti e̱rib chiru xban nak aꞌan incꞌaꞌ tixcuy e̱ma̱c. Li cꞌaꞌru tixba̱nu aꞌan, tixba̱nu saꞌ incꞌabaꞌ la̱in.

Apocalipsis 21:8

Abanan li cꞌaꞌru teꞌre̱chani li incꞌaꞌ useb xnaꞌleb, aꞌan li xxamlel li azufre li chanchan palau, aꞌan lix naꞌajeb li nequeꞌxucuac, ut eb li incꞌaꞌ nequeꞌpa̱ban, ut eb li queꞌxmux ru lix pa̱ba̱leb, ut eb li nequeꞌxcamsi ras ri̱tzꞌin, ut eb laj coꞌbe̱t laj yumbe̱t, ut eb laj tu̱l, ut eb li nequeꞌlokꞌonin jalanil dios, joꞌqueb ajcuiꞌ laj ticꞌtiꞌ. Li cꞌaꞌru teꞌre̱chani eb aꞌan, aꞌan li xcab camic nak teꞌcutekꞌ saꞌ li xam.—

Apocalipsis 20:15

Ut li ani incꞌaꞌ quitaꞌeꞌ xcꞌabaꞌeb saꞌ li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic, aꞌaneb li queꞌcuteꞌ saꞌ li xam li chanchan palau.

San Lucas 7:48

Ut li Jesús quixye re li ixk: —Ac cuybil sachbil chic la̱ ma̱c, chan.

San Lucas 7:42

Ut xban nak incꞌaꞌ queꞌru xqꞌuebal re̱kaj li tumin queꞌxtoꞌoni, laj e̱chal re li tumin quixcuyeb xma̱c xcabichaleb. Anakcuan ye cue, ¿ani reheb a cuib aꞌin kꞌaxal ta̱rahok re laj e̱chal re li tumin? chan li Jesús.

San Mateo 12:31

Relic chi ya̱l ninye e̱re nak ta̱cuyma̱nk ta̱sachma̱nk lix ma̱queb li cristian ut ta̱cuyma̱nk ajcuiꞌ xma̱queb li nequeꞌmajecuan. Abanan li ani ta̱majecua̱nk re li Santil Musikꞌej, incꞌaꞌ ta̱cuyekꞌ ta̱sachekꞌ lix ma̱c.

Miqueas 6:11

¿Ma ta̱ru̱k ta biꞌ tinye nak ma̱cꞌaꞌ xma̱c li ani incꞌaꞌ tzꞌakal lix bisleb? ¿Ma yal tincuil ta biꞌ nak yo̱keb chi balakꞌic riqꞌuin lix bislebeb?

Isaías 45:21

A̱tinankex re xcolbal rixeb le̱ yi̱banbil dios. Chepatzꞌak saꞌ comonil. ¿Ani li quiyehoc chak re najter kꞌe cutan li cꞌaꞌru talajcꞌulma̱nk? ¿Ma ma̱cuaꞌ ta biꞌ la̱in li Ka̱cuaꞌ, li nimajcual Dios? La̱in li nincoloc reheb lin tenamit. Ma̱ jun chic Dios cuan chicuu la̱in. Caꞌaj cuiꞌ la̱in li tzꞌakal Dios.

Salmos 136:15

Aꞌan li quiqꞌuehoc reheb chi osocꞌ saꞌ li Caki Palau laj faraón joꞌqueb ajcuiꞌ lix soldado xban nak kꞌaxal nim li ruxta̱n saꞌ kabe̱n junelic.

Salmos 136:10

Aꞌan li quitaklan xcamsinquileb li xbe̱n alalbej aran Egipto xban nak kꞌaxal nim li ruxta̱n saꞌ kabe̱n junelic.

San Mateo 6:12

Ut chacuy chasach ta li kama̱c joꞌ nak nakacuyeb xma̱c li nequeꞌma̱cob chiku.

Génesis 19:16

Ut laj Lot toj quibay chi e̱lc. Li Ka̱cuaꞌ Dios quiril xtokꞌoba̱l ru laj Lot, joꞌ ajcuiꞌ lix comoneb. Ut eb li cuib chi cui̱nk queꞌxchap chi rukꞌ laj Lot, joꞌ eb ajcuiꞌ lix rabin ut li rixakil. Queꞌisi̱c saꞌ junpa̱t saꞌ li tenamit xbaneb lix takl li Dios.

Éxodo 33:19

Li Dios quixye: —La̱in tincꞌut cha̱cuu chixjunil li cuusilal ut tinye lin cꞌabaꞌ a̱cue. La̱in li nimajcual Dios. Tincuil xtokꞌoba̱leb ru li ani li tincuaj ut tincuuxta̱naheb ajcuiꞌ ru li ani tincuaj.

Éxodo 34:9

Ut quixye: —At Ka̱cuaꞌ, cui tincꞌam cuib saꞌ usilal a̱cuiqꞌuin, ba̱nu usilal tatcua̱nk saꞌ kaya̱nk. Usta cau kachꞌo̱l, chacuy kama̱c. Ut choa̱cꞌul cuiꞌchic chokꞌ a̱cualal a̱cꞌajol, chan laj Moisés.

Deuteronomio 7:9

Joꞌcan nak chenauhak nak li Ka̱cuaꞌ le̱ Dios, aꞌan li tzꞌakal Dios. Aꞌan cha̱bil ut ti̱c xchꞌo̱l chixba̱nunquil li cꞌaꞌru naxyechiꞌi ut naruxta̱na ruheb li nequeꞌrahoc re li Dios ut nequeꞌxba̱nu li cꞌaꞌru naxye toj saꞌ xnabalil xtasalil li ralal xcꞌajol.

Deuteronomio 7:10

Abanan li Ka̱cuaꞌ moco tixcanab ta chi incꞌaꞌ tixqꞌue chixtojbal xma̱c li ani xicꞌ na-iloc re. Tixqꞌue ban chixtojbal xma̱c. Ut tixsach ruheb li nequeꞌtzꞌekta̱nan re.

1 Reyes 8:30

Chacuabihak taxak lin tij. Ut chacuabihak taxak lix tijeb laj Israel nak teꞌtijok saꞌ li naꞌajej aꞌin. Chacuabihak taxak li katij saꞌ li naꞌajej aꞌin li tatcua̱nk cuiꞌ. Toj saꞌ choxa taxak ta̱cuabi li katij ut ta̱cuy ta̱sach li kama̱c.

2 Crónicas 30:9

Cui texsukꞌi̱k riqꞌuin li Ka̱cuaꞌ, teꞌuxta̱na̱k ruheb le̱ rechꞌalal ut eb le̱ ralal e̱cꞌajol xbaneb li queꞌcꞌamoc reheb chi pre̱xil ut teꞌsukꞌi̱k cuiꞌchic saꞌ li naꞌajej aꞌin xban nak li Ka̱cuaꞌ le̱ Dios, aꞌan na-uxta̱nan u ut natokꞌoban u. Incꞌaꞌ textzꞌekta̱na cui texsukꞌi̱k cuiꞌchic riqꞌuin, chan li rey saꞌ li hu li quixtakla.

Jeremías 9:24

Li ani tixnimobresi rib, chixnimobresihak rib riqꞌuin nak naxnau nak la̱in li Ka̱cuaꞌ ut naxtau ru chanru lin naꞌleb. Nin-uxta̱nan u ut ninrakoc a̱tin saꞌ ti̱quilal saꞌ ruchichꞌochꞌ. Aꞌan li nacuulac chicuu, chan li Ka̱cuaꞌ.

1 Reyes 8:32

la̱at ta̱cuabi toj saꞌ choxa li cꞌaꞌru teꞌxtzꞌa̱ma cha̱cuu. Tatrakok a̱tin saꞌ xbe̱neb ut ta̱qꞌueheb chixtojbal xma̱c li cuanqueb xma̱queb. Ta̱coleb rix li ma̱cꞌaꞌeb xma̱c saꞌ xcꞌabaꞌ la̱ ti̱quilal.

Salmos 25:11

Riqꞌuin taxak lix nimal la̱ lokꞌal, at Ka̱cuaꞌ, china̱cuy taxak xban nak nimla ma̱c xinba̱nu cha̱cuu.

Salmos 99:8

At Ka̱cuaꞌ, at kaDios, la̱at caqꞌue reheb li cꞌaꞌru queꞌxtzꞌa̱ma cha̱cuu. La̱at xacanabeb chixcꞌulbal li raylal xban li ma̱c queꞌxba̱nu. Abanan cacuyeb xma̱queb.

Salmos 109:14

Junelic ta̱jultica̱k re li nimajcual Dios li ma̱c li quixba̱nu lix yucuaꞌ, ut incꞌaꞌ ta ta̱sachk saꞌ xchꞌo̱l li Dios lix ma̱c lix naꞌ.

Jeremías 30:11

La̱in cua̱nkin e̱riqꞌuin ut la̱in tincolok e̱re. Usta tinsacheb ru chi junaj cua li tenamit li xexinjeqꞌui cuiꞌ, abanan la̱in incꞌaꞌ tinsach e̱ru chi junaj cua. La̱in tinkꞌusuk e̱re, abanan tinba̱nu saꞌ ti̱quilal. Incꞌaꞌ texincanab chi incꞌaꞌ te̱toj rix le̱ ma̱c.