Éxodo 34:16 - Li Santil hu

¹⁶ Cui la̱ex te̱sumub le̱ ralal riqꞌuin lix rabineb, aꞌan ajcuiꞌ ta̱cꞌamok xbeheb le̱ ralal chixlokꞌoninquil lix dioseb xban nak eb aꞌan nequeꞌxlokꞌoni li jalanil dios.

Q'eqchi Bible

¹⁶ Jo'kan ajwi', mare anchal taak'e li xrab'ineb' cho'q rixaqileb' laawalal ut, naq te'xmux rib' li ixaqilb'ej chi xloq'oninkil li xyoseb', te'xk'am ajwi' eb' laawalal chi xb'aanunkil maa'usilal chirix li xyoseb'.

Éxodo 34:16 ပူးပေါင်းရင်းမြစ်များ

Esdras 9:2

Yo̱queb chi sumla̱c riqꞌuineb ut yo̱queb ajcuiꞌ chixsumubanquil eb li ralal riqꞌuineb lix rabin li cuanqueb saꞌ li tenamit aꞌan. Lix tenamit li Dios, li ti̱queb raj xchꞌo̱l, queꞌxjunaji ribeb riqꞌuineb li jalaneb xtenamit. Ut eb li queꞌcꞌamoc xbe chixba̱nunquil li ma̱c aꞌan, aꞌaneb ajcuiꞌ li cuanqueb saꞌ xcuanquil ut eb li nequeꞌtaklan saꞌ xbe̱neb li tenamit, chanqueb.

Nehemías 13:25

La̱in quincuechꞌiheb ut quinbok raylal saꞌ xbe̱neb. Cuan quinsaqꞌueb ut cuan quinmichꞌeb chi rismal ut quinpuersiheb nak teꞌxye riqꞌuin juramento nak incꞌaꞌ chic teꞌxqꞌue li ralal xcꞌajoleb chi sumla̱c riqꞌuineb li ralal xcꞌajoleb li jalaneb xtenamit, chi moco teꞌxcꞌam rixakileb saꞌ xya̱nkeb li jalaneb xtenamit, chanquin reheb.

Nehemías 13:23

Ut quinqꞌue ajcuiꞌ retal nak cuanqueb laj Israel li queꞌsumla riqꞌuineb li ixk aj Asdod, ut aj amonita ut eb laj moabitas.

Josué 23:12

Abanan cui te̱canab xlokꞌoninquil li Ka̱cuaꞌ, ut cui te̱junaji e̱rib riqꞌuineb li tenamit li toj cuanqueb saꞌ e̱ya̱nk, ut cui texsumla̱k riqꞌuineb, ut cui te̱rochbeniheb,

Josué 23:13

chenauhak nak li Ka̱cuaꞌ le̱ Dios incꞌaꞌ chic textenkꞌa chi numta̱c saꞌ xbe̱neb li tenamit nak yo̱kex chi pletic riqꞌuineb. Aꞌaneb ban chic teꞌnumta̱k saꞌ e̱be̱n. Teꞌcꞌanjelak joꞌ raꞌal chokꞌ e̱re, re nak textꞌanekꞌ saꞌ rukꞌeb. Chanchan yo̱keb chixqꞌuebal e̱tzꞌu̱m xban nak teꞌxba̱nu raylal e̱re. Chanchanakeb li qꞌuix li ta̱oc saꞌ xnakꞌ e̱ru. Cui te̱ba̱nu li incꞌaꞌ us, eb aꞌan teꞌnumta̱k saꞌ e̱be̱n ut ma̱ jun e̱re ta̱cana̱k saꞌ li cha̱bil naꞌajej aꞌin li xqꞌue e̱re li Ka̱cuaꞌ le̱ Dios.

Jueces 3:6

Ut eb laj Israel queꞌxsumubeb li ralal xcꞌajol riqꞌuineb li ralal xcꞌajoleb li tenamit li queꞌcana aran. Ut queꞌxcꞌam ribeb saꞌ usilal riqꞌuineb ut queꞌxlokꞌoni ajcuiꞌ lix dioseb.

Jueces 14:3

Ut lix naꞌ xyucuaꞌ queꞌxye re: —¿Cꞌaꞌut nak tatxic xsicꞌbal la̱ cuixakil saꞌ xya̱nkeb li incꞌaꞌ nequeꞌxpa̱b li Dios? ¿Ma ma̱cꞌaꞌ ta biꞌ ixk saꞌ kaya̱nk la̱o? ¿Ma ma̱cꞌaꞌ ta biꞌ ixk saꞌ li katenamit? chanqueb. Abanan laj Sansón quixye cuiꞌchic reheb: —Aꞌ li ixk aꞌan, aꞌan li nacuulac chicuu. Te̱tzꞌa̱ma aꞌan chokꞌ cuixakil, chan.

1 Reyes 11:1

Usta ac cuan lix rabin laj faraón chokꞌ rixakil laj Salomón, abanan toj cuanqueb cuiꞌchic nabaleb li ixk jalaneb xtenamit quixraheb. Ut quixcꞌameb chokꞌ rixakil. Eb li ixk aꞌan, jalan jala̱nk xtenamiteb. Aꞌaneb laj Moab, laj Amón, laj Edom, laj Sidón ut eb laj hetea.

Esdras 9:12

La̱at caye nak incꞌaꞌ takasumubeb li karabin riqꞌuineb li ralal eb aꞌan chi moco li kalal teꞌsumla̱k riqꞌuineb lix rabin eb aꞌan. Ut caye ajcuiꞌ ke nak incꞌaꞌ tocua̱nk chi sum a̱tin riqꞌuineb chi moco takatenkꞌaheb re nak us teꞌe̱lk. Incꞌaꞌ takatenkꞌaheb re nak cauhako ut takatzaca li cha̱bil tzacae̱mk li ta̱e̱lk saꞌ li chꞌochꞌ ut re ajcuiꞌ nak li kalal kacꞌajol teꞌe̱chani̱nk re li naꞌajej aꞌin chi junaj cua.

Nehemías 10:30

Xkaye nak incꞌaꞌ takaqꞌue li kalal kacꞌajol chi sumla̱c riqꞌuineb li ralal xcꞌajoleb li jalaneb xtenamit.

Génesis 24:3

Saꞌ xcꞌabaꞌ li Ka̱cuaꞌ Dios ta̱ye cue nak incꞌaꞌ ta̱sicꞌ rixakil li cualal saꞌ li tenamit Canaán li cuanquin cuiꞌ anakcuan. Ta̱ye cue chiru li tzꞌakal Dios li cuan saꞌ choxa re nak tinpa̱b la̱ cua̱tin nak incꞌaꞌ ta̱sicꞌ xcomoneb aj Canaán chokꞌ rixakil.

Levítico 21:15

Tento nak tixba̱nu chi joꞌcan re nak incꞌaꞌ tixmux ruheb li ralal xcꞌajol saꞌ lix tenamiteb. La̱in li Ka̱cuaꞌ li ninsantobresin re, chan li Dios.

Jueces 3:5

Joꞌcan nak eb laj Israel queꞌcuan saꞌ xya̱nkeb laj cananeo, eb laj hiteo, eb laj amorreo, eb laj ferezeo, eb laj heveo ut eb laj jebuseo.

Jueces 8:27

Ut riqꞌuin li caꞌxic li quikꞌaxtesi̱c re, laj Gedeón quixyi̱b jun li efod oro ut quixqꞌue aran Ofra saꞌ lix tenamit. Ut chixjunileb laj Israel queꞌxcanab xlokꞌoninquil li Ka̱cuaꞌ lix Dioseb. Aꞌ chic li efod queꞌxqꞌue xlokꞌal. Joꞌcan nak laj Gedeón quixbalakꞌi rib ut quixbalakꞌiheb ajcuiꞌ li ralal xcꞌajol.

1 Reyes 21:25

Kꞌaxal quinumta li ma̱usilal quixba̱nu laj Acab chiru li Dios. Ma̱ ani junak reheb li rey quixba̱nu ma̱usilal joꞌ quixba̱nu aꞌan. Ut lix Jezabel li rixakil, aꞌan li quicꞌamoc be chiru chixba̱nunquil li ma̱usilal.

2 Crónicas 21:11

Ut quixyi̱b ajcuiꞌ eb li naꞌajej li najt xteram saꞌ eb li tzu̱l aran Judá. Ut quicꞌamoc be chiruheb li tenamit li cuanqueb Jerusalén ut Judá chixtzꞌekta̱nanquil li Ka̱cuaꞌ ut chixlokꞌoninquil li jalanil dios.

Nehemías 10:31

Ut xkaye ajcuiꞌ nak incꞌaꞌ tolokꞌok riqꞌuineb li jalaneb xtenamit cui teꞌcha̱lk chi cꞌayi̱nc saꞌ li hiloba̱l cutan. Incꞌaꞌ takalokꞌ li tzacae̱mk chi moco li cꞌaꞌak re ru teꞌxcꞌam chak chi cꞌay saꞌ li hiloba̱l cutan ut incꞌaꞌ ajcuiꞌ tolokꞌok saꞌ eb li cutan li santobresinbil re xlokꞌoninquil li Ka̱cuaꞌ. Ut saꞌ li xcuuk li chihab incꞌaꞌ toa̱uk. Takacanab ban chi hila̱nc li chꞌochꞌ. Ut chiru ajcuiꞌ li chihab aꞌan incꞌaꞌ takapatzꞌ re̱kaj lix cꞌaseb li ani queꞌcꞌasoc kiqꞌuin.

Salmos 106:39

Queꞌxmux ajcuiꞌ ribeb aꞌan xban li ma̱usilal queꞌxba̱nu. Chanchan queꞌcoꞌbe̱tac queꞌyumbe̱tac xban nak queꞌxtzꞌekta̱na li tzꞌakal Dios ut queꞌxlokꞌoni li yi̱banbil dios.

Oseas 1:2

Nak li Ka̱cuaꞌ quixtiquib a̱tinac riqꞌuin laj Oseas, quixye chi joꞌcaꞌin: —Sumlan riqꞌuin junak ixk aj yumbe̱t. Ut le̱ cocꞌal li teꞌcua̱nk juntakꞌe̱tak xnaꞌlebeb riqꞌuin lix naꞌeb. Ta̱ba̱nu aꞌan re xcꞌutbal chiruheb lin tenamit nak incꞌaꞌ useb lix naꞌlebeb. Chanchaneb li ixk aꞌin li yo̱ chi yumbe̱tac xban nak xineꞌxtzꞌekta̱na, chan li Ka̱cuaꞌ.